ކުރަނގި އޮޕަރޭޝަން ފަށާފައިވަނީ މި މަހުގެ 2 ވަނަ ދުވަހު ކ. ހިންމަފުށީގައެވެ. މި އޮޕަރޭޝަނާ ގުޅޭ ގޮތުން މިނިސްޓަރ އިހުސާން އެކްސްގައި މިއަދު ކުރެއްވި ޕޯސްޓެއްގައި ވިދާޅުވީ މިހާތަނަށް އެރަށުގައި މަސައްކަތް ކުރަމުންދާ 532 ބިދޭސީ މަސައްކަތްތެރިންގެ ބަޔޮމެޓްރިކް ޑާޓާ (10 އިނގިލީގެ ނިޝާން އަދި ފޭޝަލް ރެކޮގްނިޝަން ހެދޭވަރުގެ ފޮޓޯ) ނަގާ، ބިދޭސީ މަސައްކަތްތެރިންގެ މަޢުލޫމާތު ބަލަހައްޓާ ސިސްޓަމަށް އަޕްލޯޑުކޮށްފައިވާ ކަމަށެވެ.
890 ދުވަސް ކުރިން - 23:42
ފަތުރުވެރިކަމުގެ ދާއިރާ އަރަބި މާކެޓަށް ޕްރޮމޯޓްކޮށް އެ ސަރަހައްދުން އިންވެސްޓަރުން ހޯދުމުގެ މަސައްކަތް ކުރަމުންދާ ކަމަށް މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ/ވިޒިޓް މޯލްޑިވްސް) ގެ ޗެއާޕާސަން އައިޝަތު ނޫރެއިން ޖަނާހު ވިދާޅުވެއްޖެއެވެ.
890 ދުވަސް ކުރިން - 22:39
މިއަދުން ފެށިގެން އަންނަ ޖޫން މަހުގެ 10 ވަނަ ދުވަހުގެ ނިޔަލަށް އީޕީއޭ އިން ވަނީ ތަރައްޤީގެ މަޝްރޫޢުތަކުގެ ތެރެއިން ފަރުތަކަށް ސީދާ އަދި ނުސީދާ ގޮތުން އަސަރުކުރާ މަސައްކަތްތަކާއި، އީ.އައި.އޭ އާއި ބިންހިއްކުމާއި ފަޅު ފުންކުރުމުގެ ހުއްދައިގައި ބަޔާންކޮށްފައިވާ ގޮތުގެ މަތިން ވަގުތީ ގޮތުން ހުއްޓާލަން އަންގާފައެވެ. އެގޮތުން ބިންހިއްކުން، ފަޅުކޮނުން، ގޮނޑުދޮށަށް ވެލިއެޅުން، ޕަމްޕު ބޭނުންކޮށްގެން ވެލި ނެގުން، ފަރުމަތީ ހޮޅި އަދި ކޭބަލް އެޅުން، ބަންޑުވޯލް ޖެހުން އަދި މިނޫނަސް މެޝިނަރީ ބޭނުންކޮށްގެން ފަރުމަތީގައި މަސައްކަތް ކުރުން ވަނީ މަނާކޮށްފައެވެ.
890 ދުވަސް ކުރިން - 21:10
އުމަރު އެކްސްގައި ކުރެއްވި ޕޯސްޓެއްގައި ވިދާޅުވީ އިންޑިއާއިން ވަނީ ތަކުރާރުކޮށް ދިވެހި ސަރުކާރަށް ކަންތައްތައް އޮޅުވާލާފައި ކަމަށެވެ. އަދި އެމީހުންގެ އަސްކަރިއްޔާ ރާއްޖެ ދޫކޮށް ގޮސްފައިވާކަމަށް ބުނެ ދައްކާ ވާހަކައަކީ ބޭކާރު ވާހަކައެއް ކަމަށާއި އިންޑިއާގެ އަސްކަރިއްޔާ ރާއްޖޭގައި ވަރަށް ބޮޑަށް އެބަ އޮތް ކަމަށް އުމަރު ވިދާޅުވިއެވެ.
890 ދުވަސް ކުރިން - 20:54
މޯލްޑިވްސް ޙައްޖު ކޯޕަރޭޝަންގެ ހަވާލުގައި އުމްރާއަށް ދިޔަ އަންހެނަކު ނިޔާވެއްޖެއެވެ. ޙައްޖު ކޯޕަރޭޝަންގެ މެނޭޖިންގ ޑިރެކްޓަރ މުޙައްމަދު ޝަކީލް ވިދާޅުވީ އެމީހާ ނިޔާވެފައިވަނީ މައްކާގައި ކަމަށާއި މަރްހޫމާގެ ޖަނާޒާގެ ކަންތައް ހަމަޖެއްސުމަށްޓަކައި ހައްޖު ކޯޕަރޭޝަންގެ ފަރާތުން ދެވެން އޮތް ހުރިހާ އެއްބާރުލުމެއް ފޯރުކޮށްދެމުންދާ ކަމަށެވެ.
890 ދުވަސް ކުރިން - 19:39
މިދަތުރުފުޅުގައި ރައީސްގެ އަރިހުގައި މިނިސްޓަރ އޮފް އިސްލާމިކް އެފެއާޒް ޑޮކްޓަރ މުޙައްމަދު ޝަހީމް ޢަލީ ސަޢީދު، އިސްލާމީ މަރްކަޒުގެ އިސް އިމާމު ފަޟީލަތުއްޝައިޚް މުޙައްމަދު ލަޠީފް، ރައީސުލްޖުމްހޫރިއްޔާގެ އޮފީހުގެ ޗީފް އޮފް ސްޓާފް ޢަބްދުﷲ ފަޔާޟް، މިނިސްޓަރ އެޓް ދަ ޕްރެޒިޑެންޓްސް އޮފީސް ފޮރ ޕްރެޒިޑެންޝަލް އެފެއާޒް ޢަލީ ޢާރިފް، މިނިސްޓަރ އެޓް ދަ ޕްރެޒިޑެންޓްސް އޮފީސް ޢަބްދުﷲ ނާޞިރު ބައިވެރިވެވަޑައިގެންނެވިއެވެ.
890 ދުވަސް ކުރިން - 19:30
އިސްލާމީ އުޞޫލުތަކަށް ކަމޭހިތާ، ޤައުމު އިސްކުރާ ޖީލެއްގެ ގޮތުގައި ކުދިން ބޮޑުކުރުމަށް ރައީސުލްޖުމްހޫރިއްޔާ ޑރ މުޙައްމަދު މުޢިއްޒު އިލްތިމާސްކުރައްވައިފިއެވެ. ރާއްޖޭގެ އެކި ކަންކޮޅުތަކުގައި ކުތުބުޚާނާތައް ބިނާކުރަން ފަށައި، ކުޑަކުދީންގެ ސިކުނޑިތަކަށް ޢިލްމާއި މަޢުލޫމާތުން ކާނާ ލިބޭނެ މަގުތައް އިތުރުކޮށްދެއްވާނެކަމުގައި ރައީސް ވިދާޅުވިއެެވެ.
890 ދުވަސް ކުރިން - 19:22
1864.00 – 2408.00 އަކަފޫޓުގެ ބިންތައް ވިއްކުމަށް ހަމަޖެހިފައިވާއިރު އެޗްޑީސީން ބުނީ ފުރަތަމަ މަރުޙަލާގައި އޮންނާނީ ޕޯޓަލް މެދުވެރިކޮށް ޝައުޤުވެރިވެލައްވާ ބިމަށް އެކްސްޕްރެސް އޮފް އިންޓްރެސްޓް (އީއޯއައި) ހުށަހެޅުން ކަމަށެވެ. އަދި ދެވަނަ މަރުޙަލާގައި އޮންނާނީ އެއް ފަރާތަށްވުރެ ގިނަ ފަރާތުން އީއޯއައި ހުށަހަޅާފައިވާނަމަ އެ ބިމަކަށް ބިޑްކުރުން ކަމަށް އެޗްޑީސީން ބުންޏެވެ.
891 ދުވަސް ކުރިން - 00:53
ފުލުހުން މިއަދު ބުނީ އެ ޚިދުމަތުގެ އެކި ލޯގޯ ބޭނުންކޮށްގެން ރާއްޖެއިން ބޭރުގެ އެކި ނަންބަރުތަކުން ވަޓްސްއެޕް މެދުވެރިކޮށް އެކި މީހުންނަށް ގުޅަމުންދާކަން ފާހަގަކުރެވިފައިވާ ކަމަށެވެ. މީގެ އިތުރުން ފުލުހުން ބުނީ އިމިގްރޭޝަންގެ ނަމުގައި ރާއްޖެއިން ބޭރުގެ ނަންބަރުތަކުން ގުޅައިގެން އައިޑީ ކާޑު ދެއްކުމަށާއި ޒާތީ މަޢުލޫމާތު ދިނުމަށް އެދެމުންދާކަންވެސް ފާހަގަކުރެވިފައިވާ ކަމަށެވެ.
891 ދުވަސް ކުރިން - 00:21
މި އެއްބަސްވުމުގެ ދަށުން އިންސްޓޯލް ކުރާ ނިޒާމުތަކަކީ އޭޝިއަން ޑިވެލޮޕްމަންޓް ބޭންކުގެ އެހީގައި މޫސުމީ ބަދަލުތަކާއި ތިމާވެއްޓާއި ހަކަތައާއި ބެހޭ ވުޒާރާއިން ރާއްޖޭގައި ސާފު ހަކަތަ ބޭނުންކުރުން އިތުރުކުރުމުގެ ސިޔާސަތުގެ ތެރެއިން އިންސްޓޯލް ކުރާ ނިޒާމުތަކެކެވެ. މި އެއްބަސްވުމުގެ ދަށުން ގެނެވޭ 3 މެގަވޮޓްގެ ތެރޭގައި ހިމެނެނީ 3 ކިލޯވޮޓްގެ 375 ނިޒާމާއި 5 ކިލޯވޮޓްގެ 375 ނިޒާމެވެ.
891 ދުވަސް ކުރިން - 23:04
ހައުސިންގ މިނިސްޓްރީން މިއަދު ގެޒެޓްކުރި މާލޭ ޕްލޭނިންގ ޤަވާއިދުގެ ހަތް ވަނަ އިސްލާޙުގައިވާ ގޮތުން ދިރިއުޅުމަށް ދޫކޮށްފައިވާ ގޯތިތަކާއި އެ ނޫން ތަންތަން ވެސް 10 ބުރިއަށް އިމާރާތްކުރެވޭނެއެވެ. އަދި މިފަދަ އެއްވެސް އިމާރާތެއްގެ އުސްމިން 30.48 މީޓަރު ނުވަތަ 100 ފޫޓަށްވުރެ އުސްވެގެން ނުވާނެ ކަމަށް ވެސް ބުނެފައިވެއެވެ.
891 ދުވަސް ކުރިން - 22:44
ރައީސްގެ ވައުދާ އެކު ވިދާޅުވި މުއްދަތުގެ ކުރިން ހުރިހާ އިންޑިއާގެ އަސްކަރީ ސިފައިން ރާއްޖެއިން ބާލައިފިއެވެ
891 ދުވަސް ކުރިން - 22:18