ދުނިޔޭގެ ސުލްހައާއި ތަނަވަސްކަން ގާއިމުކުރުމަށްޓަކައި ބައިނަލްއަގުވާމީ ގާނޫނުތަކަށް އިހުތިރާމްކުރުމަށާއި، ހަމަނުޖެހުންތައް ހައްލުކުރުމުގައި ބާރުގެ ބަދަލުގައި މަޝްވަރާކުރުން އިސްކުރުމަށް މަޖިލިސް ރައީސް ގޮވާލެއްވި. އަދި ބައިބައިވުމާއި ދެކޮޅުވެރިކަން ދޫކޮށްލައި، އެންމެންގެ ކުރިއެރުމަށްޓަކައި ގާނޫނު ހަދާ މަޖިލިސްތަކުން ގުޅިގެން މަސައްކަތްކުރުމަށް އިލްތިމާސްކުރެއްވި.
1 ދުވަސް ކުރިން - 14:10
މިއަދު ހެނދުނު 10:34 ހާއިރު ރިޕޯޓުކުރި މި ހާދިސާގައި ޒާހިދާ އައިޖީއެމްއެޗަށް ގެންދިޔައިރުވެސް ވަނީ ނިޔާވެފަ. މި ހާދިސާ ހިނގަން މެދުވެރިވި ސަބަބު ފުލުހުން ދަނީ ތަހުގީގު ކުރަމުން.
1 ދުވަސް ކުރިން - 14:08
ރާއްޖެއިން ބިސް ހުސްވެގެން ކޮންޓްރޯލްކޮށްގެން ވިއްކާ ކަމަށް ދެކެވޭ ވާހަކަތައް ދޮގުކޮށް، އެއްވެސް ދަތިކަމެއް ނެތި އިތުރު ޝިޕްމެންޓްތަކާއެކު ބިސް ލިބޭނެކަމުގެ ޔަގީންކަން އެސްޓީއޯއިން ދީފި. އަދި ބިހަކީ އަސާސީ ބާވަތަކަށްވާތީ ސަރުކާރުން ދަނީ މޮނީޓަރ ކުރަމުން.
1 ދުވަސް ކުރިން - 14:05
އަންނަ ނޮވެމްބަރު މަހުގެ ނިޔަލަށް މުޅި މަޝްރޫއުގެ މަސައްކަތް އެއްކޮށް ނިންމާލުމަށް އެ ކުންފުނިން ވަނީ އަމާޒު ހިފާފަ. މުޅި މަޝްރޫއަކީ 1.79 ކިލޯމީޓަރުގެ ދިގުމިނުގެ މަގުގެ މަސައްކަތް.
1 ދުވަސް ކުރިން - 14:03
މި ގާނޫނުގެ ދަށުން އާންމު ތަންތަނުގައި މޫނު ނިވާކޮށްގެން އުޅޭ މީހުން 150 ޔޫރޯއާއި 3,000 ޔޫރޯއާ ދެމެދުގެ އަދަދަކުން ޖޫރިމަނާ ކުރެވޭނެ. އިދިކޮޅު ޕާޓީތަކުން ވަނީ މި ގާނޫނު ކުށްވެރިކޮށް، މީގެ ސަބަބުން އިސްލާމޯފޯބިއާއާއި (އިސްލާމްދީނަށް ނަފުރަތުކުރުން)، ނަސްލީ ތަފާތުކުރުންތަކަށް ފުރުސަތު ހުޅުވިގެންދާނެ ކަމަށް ބުނެފަ.
1 ދުވަސް ކުރިން - 12:23
ޤައުމުގައި ހުރި މައްސަލަތައް ޙައްލުކުރުމަށްޓަކައި އިޚްލާޞްތެރިކަމާއި ތެދުވެރިކަމާއެކު ޙަޤީޤަތްތަކާ ކުރިމަތިލާންޖެހޭ ކަމަށް ފާހަގަކުރައްވައި، ރައީސް ވިދާޅުވީ ކުރިން ޤާނޫނުގައި އޮވެމެ ތަންފީޒު ނުކުރެވި ހުރި ކަންކަން ހަރުދަނާ އުޞޫލެއްގެ ދަށުން ތަންފީޒުކުރުމުގެ މަސައްކަތް މިހާރު ސަރުކާރުން ފަށާފައިވާ ކަމަށް.
2 ދުވަސް ކުރިން - 10:37
ކަންކަން ނިންމަނީ ފަންނީ ތަޖުރިބާކާރުންގެ ޓީމުތަކުން ގިނަ ދުވަސްތަކެއް ވަންދެން ކުރި މަޝްވަރާތަކާއި ޓެކްނިކަލް ދިރާސާތަކަށް ފަހު، ހަރުދަނާ އުޞޫލުތަކުގެ ތެރެއިން ކަމަށާއި، އިގްތިސާދަށް ގެއްލުން ވާނެ އެއްވެސް ކަމެއް ސަރުކާރުން ނުކުރާނެ ކަމަށް ރައީސް ވިދާޅުވި.
2 ދުވަސް ކުރިން - 10:22
އަހަރެއްހާ ދުވަހުގެތެރޭގައި ތިލަފުއްޓައި ހަމަޔަށް ބުރިޖު ނިންމާލާނެ. ބްރިޖުގެ ހުރިހާ މަސައްކަތް ތަކެއް ވެސް ކުރިއަށް ދަނީ ބައިނަލްއަޤުވާމީ މިންގަނޑު ތަކާއި އެއްގޮތަށް، ފަންނީ ދިރާސާ ތަކުގެ މައްޗަށް ބިނާ ވެގެން ކަމުގެ ޔަޤީން ކަން ވެސް ރައީސް ދެއްވި.
2 ދުވަސް ކުރިން - 10:02
ގަވައިދާ ޚިލާފަށް މަގު ހުރަސްކުރާ މީހުން 100 ރުފިޔާއިން ޖޫރިމަނާކުރެވޭ ގޮތަށް އެއްގަމު ދަތުރުފަތުރުގެ ބިލު މަޖިލީހުން ފާސްކޮށްފި. މި ބިލަށް އަމަލުކުރަން ފަށާނީ ރައީސުލްޖުމްހޫރިއްޔާ ތަސްދީގުކުރައްވާތާ 30 ދުވަސް ހަމަވުމުން.
2 ދުވަސް ކުރިން - 09:33
ކުރީ ސަރުކާރުގައި މި މަޝްރޫއު ލަސްވި ނަމަވެސް، ސިނަމާލެ ބުރިޖެކޭ އެއްފަދައިން މި ސަރުކާރުން ބޮޑު އިސްކަމެއް ދީގެން ކުރިއަށް އޮތް އަހަރެއްހާ ދުވަހުގެ ތެރޭގައި މަސައްކަތް އެއްކޮށް ނިންމާލެވޭނެ ކަމަށާއި، މިއީ އިގްތިސާދީ ގޮތުން ބޮޑު ފައިދާއެއް ކުރާނެ މަޝްރޫއެއް ކަމަށް ރައީސް ވިދާޅުވި.
2 ދުވަސް ކުރިން - 23:42
ރައީސް ވިދާޅުވީ، ކުށްކޮށްގެން ހޯދާ ފައިސާއާއި މުދާ އަނބުރާ ހޯދޭނެ ހަރުދަނާ ނިޒާމެއް ގާއިމުކުރުމަށްޓަކައި އެސެޓް ރިކަވަރީ ބިލާއި ޖިނާއީ އިޖުރާއާތުގެ ގާނޫނަށް ގެންނަންޖެހޭ އިސްލާޙުތައް މަޖިލީހަށް ފޮނުވާފައިވާ ކަމަށް. އަދި މި ސަރުކާރުން މިކަން ފުރިހަމައަށް ތަންފީޒުކުރާނެ ކަމަށް ވިދާޅުވި.
2 ދުވަސް ކުރިން - 23:02
އެމަނިކުފާނު ވިދާޅުވީ ސިޔާސީ ގޮތުން ތަފާތު ވާހަކަތައް ދެއްކި ނަމަވެސް، މި ފިޔަވަޅުތަކުގެ މުހިންމުކަން ގިނަ ބަޔަކު ޤަބޫލުކުރާ ކަމަށް. އަދި އިގްތިސާދު ކުރިއެރުވުމަށް މި ސަރުކާރުން ކުރާ މަސައްކަތުގައި އެންމެންގެ އެއްބާރުލުން ލިބިއްޖެނަމަ، މިކަމުގެ ފޮނި ނަތީޖާ މުޅި ގައުމަށް ފެންނާނެ ކަމަށް ރައީސް ވިދާޅުވި.
2 ދުވަސް ކުރިން - 22:31