ރައިސް މުޢިއްޒު ވެރިކަމާ ހަވާލުވެވަޑައިގަތްއިރު ދައުލަތުގެ މާލިއްޔަތުގެ ތަފާސްހިސާބުތައް އާންމުނުކޮށް ހިފަހައްޓާފައި އޮންނަތާ 6 މަސް ދުވަސް ވެއްޖެ. ވެރިކަން ބަދަލުވުމުގެ ޓްރާންޒިޝަން މަރުހަލާގައި ސަރުކާރުގެ އެއްވެސް ކުންފުންޏަކުން މާލީ ހިސާބެއް ދޭން ބޭނުން ނުވި.
23 ދުވަސް ކުރިން - 13:30
އެޗްޑީސީން އިޢުލާންކޮށްފައިވާ ގޮތުގައި، ތިލަފުށީ ފަޅުގައި އަޅާފައިވާ އުޅަނދުތަކާއި، ދޫކޮށްލާފައިވާ ތަކެތީގެ އިތުރުން އަޑިއަށް ގޮސްފައިވާ އުޅަނދުތައް 7 ދުވަހުގެ ތެރޭގައި ނަގައި ހުސްކުރަންޖެހޭނެ. މި މުއްދަތުގައި ނުނަގާ ހުންނަ އުޅަނދުތަކާއި ތަކެއްޗާ މެދު ކަނޑައެޅިފައިވާ އުސޫލުތަކުގެ ދަށުން ހަރުކަށި ފިޔަވަޅު އަޅާނެ ކަމުގެ އިންޒާރުވެސް ދީފައިވޭ.
23 ދުވަސް ކުރިން - 13:08
ކުރީގެ ސަރުކާރުތަކުގެ އަމަލުތަކުން އިބުރަތް ހާސިލްކުރުމަށް އެދިވަޑައިގަންނަވަމުން، މިހާރު އިދިކޮޅުން ދައްކާ ވާހަކަތަކުގެ އޮށްޓަރެއް ނެތްކަމަށް ރައީސް ފާހަގަކުރެއްވި. އަދި ސިޔާސީ މަސްލަހަތަށްވުރެ ގައުމުގެ ހަމަޖެހުން އިސްކުރުމަކީ ތަރައްގީއަށް މުހިންމު ކަމެއް ކަމަށް އުކުޅަހުގައި ބޭއްވި ޖަލްސާގައި ރައީސް ވިދާޅުވި.
23 ދުވަސް ކުރިން - 08:44
އުކުޅަހުގައި ވާހަކަފުޅު ދައްކަވަމުން، އިގްތިސާދު ރަނގަޅުކުރުމާއެކު ބޯހިޔާވަހިކަމާއި ބިން ހިއްކުމުގެ މަޝްރޫއުތައް ބާރުދުވެލީގައި ކުރިއަށްދާކަން އެމަނިކުފާނު ފާހަގަކުރެއްވި. މިހާރުވެސް 1,635 މަޝްރޫއެއް ކުރިއަށްދާއިރު، މި ސަރުކާރުން ވަނީ ކުރީގެ ސަރުކާރުތަކަށްވުރެ ގިނަ މަޝްރޫއުތައް ކުރު މުއްދަތެއްގައި ނިންމާފައެވެ. ރައީސް ވިދާޅުވީ އަމާޒަކީ ރައްޔިތުން އިގްތިސާދީގޮތުން ބާރުވެރިކުރުވުން ކަމަށް.
23 ދުވަސް ކުރިން - 08:35
މި ހާދިސާ ހިނގާފައިވަނީ ޖުމްލަ 8 މީހުންނާއެކު ހިލައާއި ހިލަވެލި ބަރުކޮށްގެން އެ އުޅަނދު ދަތުރުކުރަމުން ދަނިކޮށް. ދޯނިން ދަތުރުކުރި މީހުންގެ ތެރެއިން 7 މީހަކު މިހާތަނަށް ވަނީ ސަލާމަތްކުރެވިފަ. ގެއްލުނު ތިން މީހުން ހޯދުމުގެ މަސައްކަތް ސިފައިންނާއި ފުލުހުން ގުޅިގެން މިހާރު ދަނީ ހުއްޓުމެއްނެތި ކުރަމުން.
23 ދުވަސް ކުރިން - 08:24
ރާއްޖެއިން ވެސް ބޭރުގެ ފިއްތުންތަކާއި އެކު، ޤައުމުގެ މުސްތަގުބަލަށް ކުރަން ޖެހޭ އިންވެސްޓްމަންޓްތައް ކުރަމުން، ރާއްޖެ އިން ދައްކަން ޖެހޭ ލޯނުތަކާއި މާލީ އިލްތިޒާމުތައް ކަށަވަރު ކުރަމުންދާ ކަން ރައީސް ފާހަގަ ކުރެއްވި.
24 ދުވަސް ކުރިން - 12:45
މާލީ ބޮޑެތި ގެއްލުންތަކުން ސަލާމަތްވުމަށްޓަކައި، އެއްވެސް މާލީ މުއާމަލާތެއް ފެށުމުގެ ކުރިން ވިއްކާ ފަރާތުގެ އެކައުންޓް ރަޖިސްޓްރީކޮށްފައިވާ ތާރީޚާއި، ގުޅޭނެ މަޢުލޫމާތުގެ އިތުރުން ކުރީގެ މުއާމަލާތްތައް ހުރި ގޮތް ރަނގަޅަށް ބަލައި ދެނެގަތުމަކީ މުހިންމު ކަމެއްކަން ފުލުހުން ފާހަގަކުރޭ.
24 ދުވަސް ކުރިން - 12:31
އުކުޅަހުގައި ބޭއްވި އޮޑިޓް ސިމްޕޯޒިއަމްގައި ވާހަކަފުޅުދައްކަވަމުން ރައީސް ވިދާޅުވީ، ވިލުންތެރި ދައުލަތެއް ބިނާކުރެވޭނީ ނަޒާހަތްތެރިކަމާއި ޖަވާބުދާރީވުން އިސްކޮށްގެން ކަމަށް. އަދި ބޭރުގެ ފިއްތުންތަކާއެކުވެސް ރާއްޖެއިން މާލީ އިލްތިޒާމުތައް އަދާކުރަމުންދާކަން ފާހަގަކުރައްވައި، ރައީސް ވަނީ އޮޑިޓަރ ޖެނެރަލް އޮފީހުގެ އައު ސްޓްރެޓީޖިކް ޕްލޭން އިފުތިތާހުކޮށްދެއްވާފަ.
24 ދުވަސް ކުރިން - 12:16
ކުރިން އެސްޓީއޯއިން ބޭނުންކުރި ބޭހުގެ މައި ގުދަނާއި އިތުރު ގުދަންތައް މިހާރު ވަނީ ބޭސް ކުންފުނީގެ ދަށަށް ބަދަލުކޮށްފަ. ރާއްޖޭގެ އެކި ސަރަހައްދުތަކުގައި އައު ގުދަންތައް ހެދުމުގެ މަސައްކަތް މިހާރު އޮތީ ޕްލޭނިންގ ސްޓޭޖުގަ.
24 ދުވަސް ކުރިން - 12:00
ހުޅުމާލޭގައި ތަރައްގީކުރާ 70 މެގަވޮޓުގެ އިންޖީނުގޭގެ ޢަމަލީ މަސައްކަތް އަންނަ ސެޕްޓެމްބަރު މަހުގެ ތެރޭގައި ފަށާއިރު ދުރުރާސްތާގެ ދެމެހެއްޓެނިވި ޕްލޭނެއްގެ ދަށުން ގުޅިފަޅުގައި 200 މެގަވޮޓުގެ ބޮޑު އިންޖީނުގެއެއް ތަރައްޤީ ކުރުމަށްވެސް ސްޓެލްކޯއިން ވަނީި ނިންމާފަ.
24 ދުވަސް ކުރިން - 11:49
މި ދަތުރުފުޅުގައި ބައިނަލްއަގްވާމީ އޮޑިޓް ސަމިޓްތަކެއްގައި ބައިވެރިވެވަޑައިގަތުމުގެ އިތުރުން، ރަށު ކައުންސިލާއި އަންހެނުންގެ ކޮމިޓީއާ ރައީސް ބައްދަލުކުރައްވާނެ. އަދި ރަށުގެ ތަރައްގީގެ މަޝްރޫއުތަކާ ގުޅޭ ހަފުލާތަކުގައި ބައިވެރިވެވަޑައިގެން، ރައްޔިތުންގެ ލާބައަށް ކުރެވޭ މަސައްކަތްތައް ބައްލަވާލައްވާނެ.
24 ދުވަސް ކުރިން - 11:01
މިފަދަ އިޞްލާޙެއް ޤާނޫނަށް ގެންނަން ޖެހުނީ ބައެއް ކައުންސިލްތަކުން ސަރުކާރުން ބޭނުންވާ މަޝްރޫޢުތައް ހިންގަން ބިން ނުދީ ހިފަހައްޓަމުންދާތީއެވެ. އޭގެ ސަބަބުން ރަށްރަށުގެ ކުރިއެރުމާއި ރައްޔިތުންގެ ލާބައަށް ހިންގަން ބޭނުންވާ މުހިންމު ބައެއް މަޝްރޫޢުތައް ލަސްވުމާއި ހުއްޓުން ފަދަ ދަތިތަކާ ކުރިމަތިވަމުންދޭ.
24 ދުވަސް ކުރިން - 10:27