އޮކްޓޫބަރު 2026 ގައި ތެލަސީމިއާ ކުދިންނަށް މާލީ އެހީގެ ގޮތުގައި 1.09 މިލިއަން ރުފިޔާ ދޫކޮށްފައިވާ ކަމަށް ނޭޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ) އިން އާންމުކުރި ތަފާސްހިސާބުތަކުން ދައްކައިފިއެވެ.
އެންސްޕާގެ ރަސްމީ އެކްސް އެކައުންޓުގައި އާންމުކޮށްފައިވާ މައުލޫމާތުގައިވާ ގޮތުން، ވޭތުވެދިޔަ އޮކްޓޫބަރު މަހު 546 ތެލަސީމިއާ ކުދިންނަށް ވަނީ މާލީ އެހީތެރިކަން ފޯރުކޮށްދީފައެވެ. އަދި މި ޕްރޮގްރާމުގެ ދަށުން އަލަށް 5 ކުއްޖަކު ވަނީ ރަޖިސްޓްރީކޮށްފައެވެ.
އޮކްޓޫބަރު މަހު ތެލަސީމިއާ ކުދިންނަށް މާލީ އެހީ ދިނުމުގެ ސްކީމުގެ ދަށުން ޖުމްލަ 1,092,000 ރުފިޔާ ދޫކޮށްފައިވެއެވެ.
Advertisement
މި ޕްރޮގްރާމުގެ ދަށުން ޝަރުތުހަމަވާ ކޮންމެ ތެލަސީމިއާ ކުއްޖަކަށް، އެ ބައްޔަށް ކުރަންޖެހޭ ހަރަދުތަކަށް ލުޔެއް ހޯދައިދިނުމުގެ ގޮތުން މަހަކު 2,000 ރުފިޔާގެ އެލަވަންސެއް އެންސްޕާ އިން ފޯރުކޮށްދެއެވެ.
