ހުތުބާގައި، ގިޔާމަތްދުވަހުގެ ބިރުވެރިކަން ހަނދުމަކޮށް، އާހިރަތަށް ތައްޔާރުވުމަށް ގޮވާލައްވާފައިވޭ. ގުނަވަންތައް ހެކިދޭނެ އެ ދުވަހު، ކޮންމެ މީހެއްގެ އަމަލުފަތް ހާމަކުރެވޭނެކަން ފާހަގަކުރެއްވި. ދުނިޔޭގެ ވަގުތީ އުފަލަށް ނުހެއްލި، ފާފަތަކަށް ތައުބާވެ، ހެޔޮ ޢަމަލުތައް ގިނަކުރުމަށް ހުތުބާގައި އިލްތިމާސްކުރެއްވި. ނަޞީބުވެރިއަކީ ނަރަކައިން ސަލާމަތްވެ، ސުވަރުގެ ލިބޭ މީހާކަމުގައި ބަޔާންކުރެއްވި.
4 ދުވަސް ކުރިން - 12:57
ޚުޠުބާގައި ބަޔާންކުރި ގޮތުގައި، ދުނިޔޭގައި ކުރާ ކޮންމެ ޢަމަލަކަށް މާތް اللهގެ ޙަޟުރަތުގައި ޖަވާބުދާރީވާން ޖެހޭނެ. އަދާކުރާ ވަޒީފާއާއި މަސްއޫލިއްޔަތަކީ އަމާނާތެއް ކަމަށާއި، އަމިއްލަ ނަފުސަށް ލޯބިކުރާ ކަންތައް ތިމާގެ އަޚާއަށް ލިބުމަށް ލޯބިކޮށްފުމަށްދާންދެން މީހެއްގެ އީމާންކަން ފުރިހަމަ ނުވާނެ ކަމަށް ހުތުބާގައި ހަދާންކޮށްދިން.
11 ދުވަސް ކުރިން - 12:55
ސިހުރުވެރިންނަކީ ގޮށްތަކަށް ފުމެ، މަންތަރުތަކާއި އަކަތައް ބޭނުންކޮށްގެން މީހުންގެ ހަށިގަނޑަށާއި، ވިސްނުމާއި ހިތަށް ނުބައި އަސަރު ފޯރުވާ ބައެއްކަން ޚުޠުބާގައި ފާހަގަކުރި. ސިހުރު ހެދުމަކީ އެންމެ ބޮޑެތި ފާފަތަކުގެ ތެރެއިންވާ ޝިރުކުގެ ޢަމަލެއްކަމަށާއި، ސިހުރު އުނގެނުމާއި އުނގަންނައިދިނުމަކީވެސް މީހާ ކުފުރުވާވަރުގެ ބޮޑު ފާފައެއްކަން ހުތުބާގައި ހަނދާންކޮށްދެއްވި.
18 ދުވަސް ކުރިން - 13:00
ގުރްއާނަކީ ހުރިހައި ހެޔޮކަމެއްގެ އަސްލުކަމާއި، އެ ފޮތުގެ އަކުރަކަށް ދިހަ ޘަވާބު ލިބޭނެކަން ހުތުބާގައި ފާހަގަކުރި. ގުރްއާން ކިޔަވާ މީހުންގެ ވަށައިގެން މަލާއިކަތުން ހާސިރުވެ، މާތް ﷲގެ ރަޙުމަތް އެބައިމީހުންނަށް މިންވަރުކުރައްވާނެ. މީގެއިތުރުން، ގުރްއާނަކީ ޖިސްމާނީ އަދި ނަފުސާނީ ދުޅަހެޔޮކަމުގެ އަސާސްކަމަށް ހަނދާންކޮށްދެއްވި.
25 ދުވަސް ކުރިން - 13:00
އިންސާނާގެ ފިތުރަތަކީ އަދުލުވެރިކަމާއި އިންސާފަށް ލޯބިކުރުން ކަމަށްވީ ހިނދު، ކޮރަޕްޝަނަކީ އިޖުތިމާއީ ނިޒާމު ފުނޑުފުނޑުކޮށްލާ ބަލިމަޑުކަމެއް ކަމަށާއި ރިޝްވަތު ދޭ މީހާއާއި ހިފާ މީހާއަށް މާތް ރަސޫލާ ﷺ ލައުނަތް ލައްވާފައިވާ ކަމަށް ހުތުބާގައި ހަނދާންކޮށްދެއްވި.
32 ދުވަސް ކުރިން - 14:29
އަމާނާތަކީ ހަމައެކަނި މުދާ ރައްކާކުރުން ނޫންކަމާއި، اللهގެ ހައްގުތަކާއި، ގުނަވަންތަކާއި، އަނބިދަރިންނާއި، ރައްޔިތުންގެ މުދަލަކީވެސް އަމާނާތްތަކެއްކަން ފާހަގަކުރި. އަދި އަމާނާތަށް ހިޔާނާތްތެރިވުމަކީ މުނާފިގުންގެ ސިފައެއްކަމާއި، އަމާނާތްތަކަށް ރައްކާތެރިވުމަކީ ސުވަރުގެ ލިބުމުގެ ސަބަބެއްކަމަށް ހުތުބާގައި ބަޔާންކޮށް، އެންމެހައި ކަންކަމުގައި އަމާނާތްތެރިވުމަށް ނަސޭހަތްތެރިވި.
39 ދުވަސް ކުރިން - 13:33
މި ދުވަހު ރޯދަހިފުމަކީ ވޭތުވެދިޔަ އަހަރުގެ ކުދި ފާފަތައް ފުހެވިގެންދާނޭ މަތިވެރި ސުންނަތެއް. ރަސޫލާ ﷺ އިރުޝާދު ދެއްވާފައިވަނީ އާޝޫރާ ދުވަހާއެކު އޭގެ ކުރީ ދުވަހު ނުވަތަ ފަހު ދުވަހު ރޯދަހިފުމަށް.
46 ދުވަސް ކުރިން - 13:30
ހިޖުރައިގެ އަސްލު މާނައަކީ ނުބައިކަންތައް ދޫކޮށް ހެޔޮ މަގަށް ރުޖޫއަވުންކަން ބަޔާންކޮށް، ދީނަށްޓަކައި މުދަލާއި އާއިލާ ގުރުބާންކުރުމުގެ މުހިންމުކަން ފާހަގަކުރިއެވޭ. އަދި ކަންކަން ފުރިހަމައަށް ރޭވުމާއެކު މާތް ﷲ އަށް ވަކީލުކޮށް، ދަތި އުނދަގޫ ވަގުތުތަކުގައިވެސް އީމާންކަންމަތީ ސާބިތުވެ ތިބުމަށް ގޮވާލާފައިވޭ.
53 ދުވަސް ކުރިން - 13:05
މީސްތަކުންގެ ލެޔާއި، މުދަލާއި، އަބުރު ރައްކާތެރިކުރުމަށްޓަކައި އެންމެން ގުޅިގެން މަސައްކަތްތަކެއް ކުރަން ޖެހިފައިވާކަން ހުތުބާގައި ފާހަގަކުރި. ހަރުދަނާ އަހުލާގީ ޖީލެއް ބިނާކުރުމަށްޓަކައި މައިންބަފައިންނާއި، މުދައްރިސުންނާއި، ދީނީ އިލްމުވެރީންގެ އިތުރުން މުޖުތަމައުގެ ހުރިހާ މަސްއޫލުވެރިން އެކުގައި މަސައްކަތްކުރުމަށް ހުތުބާގައި ގޮވާލެއްވި.
60 ދުވަސް ކުރިން - 13:00
ބޭނުންވާ މިންވަރަށް ވުރެ އިތުރަށް މުދާ ގަނެ، އެ ތަކެތި ބޭނުންނުކޮށް އުކާލަންޖެހުމަކީ ދީނީ ގޮތުންނާއި އިގްތިސާދީ ގޮތުންވެސް ނުރަނގަޅު އަމަލެއްކަން ހުތުބާގައި ފާހަގަކުރި. އަދި ދިރިއުޅުމުގެ ހަރަދުތައް ބެލެހެއްޓުމުގައި އިގުތިސާދީ ވިސްނުން އިސްކުރުމަށް ގޮވާލެއްވި. މަޖުބޫރު ހާލަތެއް މެދުވެރިވެގެން މެނުވީ ދަރަނި ނެގުމުގެ އާދަ ދޫކޮށްލުމަށްވެސް އިލްތިމާސްކުރި.
67 ދުވަސް ކުރިން - 13:03
ހުތުބާގައި ބަޔާންކުރި ގޮތުގައި، ހައްޖުގެ އަޅުކަމަކީ އިންސާނާގެ ދުންޔަވީ ހަޔާތުގެ ކުޑަކުޑަ ދަތުރެއްކަމަށް. އަދި އެއީ މާތް اللهގެ އަމުރުފުޅުތަކަށް ކިޔަމަންގަތުމަށް ދެވޭ އަމަލީ ތަމްރީނެއް ކަމަށް.
74 ދުވަސް ކުރިން - 13:08
މި ދުވަސްތަކުގައި ތައުބާވުމާއި، ރޯދަހިފުމާއި، ޒިކުރުކުރުމާއި، ސަދަގާތްކުރުމާއި، އުޟުހިޔާ ކަތިލުމުގެ އިތުރުން ހައްޖުގެ މަތިވެރި އަޅުކަން ކުރުމަށް ހުތުބާގައި ވަނީ އިރުޝާދު ދީފައި.
81 ދުވަސް ކުރިން - 13:03
ޙައްޖަށް ދިޔުމުގެ ކުރިން އިޚްލާޞްތެރި ތައުބާއަކުން ތައުބާވުމަށާއި، ދަރަނިތަކާއި ލިބެންހުރި ތަކެތި ލިޔެ ބެލެހެއްޓުމަށްވެސް ޚުޠުބާގައި ނަޞޭޙަތްތެރިވި.
88 ދުވަސް ކުރިން - 13:27