މިއަދުގެ ހުކުރު ހުތުބާގައި ވަނީ މާލީ މުޢާމަލާތުތަކުގައި ތެދުވެރިވެ، އަމާނާތްތެރިވުމަށް އިލްތިމާސްކުރައްވާފަ. އަދި އިސްރާފުނުކުރުމަށާއި، ރިބާއިން ދުރުހެލިވެ، ބޭނުމެއް ނެތި ދަރަނި ނުނެގުމަށާއި، އަގުދުތަކަށް ހުރުމަތްތެރިކޮށް ހިތުމަށް ނަސޭހަތްތެރިވެފަ.
1 ދުވަސް ކުރިން - 13:00
މިއަދުގެ ހުކުރު ޚުތުބާގައި އިސްލާމްދީނުގައި ސާބިތުވެ ތިބުމަށާއި، ފިތުނައާއި ޓެރަރިޒަމުން ދުރުހެލިވެ، ހެޔޮކަންކަމަށް އަމުރުކުރުމުގެ އިޖުތިމާއީ ޒިންމާ އަދާކުރުމަށް ގޮވާލައި، ދަރިންނަށް އިސްލާމީ ތަރުބިޔަތު ދިނުމުގެ މުހިންމުކަން ފާހަގަކުރެއްވިއެވެ.
8 ދުވަސް ކުރިން - 12:53
ކުޑަކުދިންގެ ހައްގުތަކަށް ހާއްސަކުރި ހުކުރު ހުތުބާގައި، ކުދިންނަށް އަމާން ރައްކާތެރި މާހައުލެއް ހޯދައިދިނުމަށާއި، އިހުމާލުވާ ފަރާތްތަކަށް ގާނޫނީ ގޮތުންނާއި އިސްލާމީ ޝަރީއަތުގައިވާ އެންމެ ހަރުކަށި އަދަބު ދިނުމަށް ކަމާބެހޭ މުއައްސަސާތަކަށް ގޮވާލައިފި.
15 ދުވަސް ކުރިން - 12:54
ޖަހާލަތުގެ އަނދިރިކަމުން އިންސާނިއްޔަތު ސަލާމަތްކުރެއްވި ކައުއިތުރު ރަސޫލާގެ މަތިވެރި ސުންނަތުގައި ހިފެހެއްޓުމަށާއި، އަމިއްލަ ނަފުސަށް ވުރެ ބޮޑަށް އެކަލޭގެފާނު ދެކެ ލޯބިވުމަކީ އީމާންކަމުގެ ޝަރުތެއްކަން ފާހަގަކުރެއްވި. އަދި ދުނިޔެއާއި އާހިރަތުގެ ކާމިޔާބީ ލިބެން އޮތީ އެކަލޭގެފާނު ދޫކުރެއްވި ގުރްއާނާއި ސުންނަތުގައި ހިފަހައްޓައިގެން ކަމަށް ބަޔާންކުރެއްވި.
29 ދުވަސް ކުރިން - 13:25
ހުތުބާގައި ބުނީ ކީރިތި ރަސޫލާ ﷺ ގެ ސުންނަތަކީ އިސްލާމީ ޝަރީޢަތުގެ ދެވަނަ މަޞްދަރު ކަމަށާއި، ސުންނަތަށް އިންކާރުކުރާ މީހަކީ މުސްލިމެއް ނޫން ކަމަށް. ނަމާދާއި ހައްޖު ފަދަ އަޅުކަންތަކުގެ ތަފްސީލު އެނގެނީ ސުންނަތުން ކަމަށްވާއިރު، ޤުރުއާނާއި ސުންނަތަކީ ވަކިނުކުރެވޭނެ ދެ އަސާސެވެ.
36 ދުވަސް ކުރިން - 12:56
މިއަދުގެ ހުކުރު ހުތުބާގައި ގޮވާލާފައިވަނީ މީހުންނާ މުޢާމަލާތުކުރުމުގައި މަޑުމައިތިރިކަން އިސްކުރުމަށް. ހަގީގީ މުސްލިމަކީ ދުލާއި އަތުގެ ނުބައިކަމުން އެހެން މީހުން ސަލާމަތްކުރާ މީހާ ކަމަށާއި، މަޑުމައިތިރިކަމަކީ ސުވަރުގެ ލިއްބައިދޭ މަތިވެރި ސިފައެއްކަން ހުތުބާގައި ބަޔާންކުރި.
43 ދުވަސް ކުރިން - 13:00
ހުތުބާގައި، ގިޔާމަތްދުވަހުގެ ބިރުވެރިކަން ހަނދުމަކޮށް، އާހިރަތަށް ތައްޔާރުވުމަށް ގޮވާލައްވާފައިވޭ. ގުނަވަންތައް ހެކިދޭނެ އެ ދުވަހު، ކޮންމެ މީހެއްގެ އަމަލުފަތް ހާމަކުރެވޭނެކަން ފާހަގަކުރެއްވި. ދުނިޔޭގެ ވަގުތީ އުފަލަށް ނުހެއްލި، ފާފަތަކަށް ތައުބާވެ، ހެޔޮ ޢަމަލުތައް ގިނަކުރުމަށް ހުތުބާގައި އިލްތިމާސްކުރެއްވި. ނަޞީބުވެރިއަކީ ނަރަކައިން ސަލާމަތްވެ، ސުވަރުގެ ލިބޭ މީހާކަމުގައި ބަޔާންކުރެއްވި.
50 ދުވަސް ކުރިން - 12:57
ޚުޠުބާގައި ބަޔާންކުރި ގޮތުގައި، ދުނިޔޭގައި ކުރާ ކޮންމެ ޢަމަލަކަށް މާތް اللهގެ ޙަޟުރަތުގައި ޖަވާބުދާރީވާން ޖެހޭނެ. އަދާކުރާ ވަޒީފާއާއި މަސްއޫލިއްޔަތަކީ އަމާނާތެއް ކަމަށާއި، އަމިއްލަ ނަފުސަށް ލޯބިކުރާ ކަންތައް ތިމާގެ އަޚާއަށް ލިބުމަށް ލޯބިކޮށްފުމަށްދާންދެން މީހެއްގެ އީމާންކަން ފުރިހަމަ ނުވާނެ ކަމަށް ހުތުބާގައި ހަދާންކޮށްދިން.
57 ދުވަސް ކުރިން - 12:55
ސިހުރުވެރިންނަކީ ގޮށްތަކަށް ފުމެ، މަންތަރުތަކާއި އަކަތައް ބޭނުންކޮށްގެން މީހުންގެ ހަށިގަނޑަށާއި، ވިސްނުމާއި ހިތަށް ނުބައި އަސަރު ފޯރުވާ ބައެއްކަން ޚުޠުބާގައި ފާހަގަކުރި. ސިހުރު ހެދުމަކީ އެންމެ ބޮޑެތި ފާފަތަކުގެ ތެރެއިންވާ ޝިރުކުގެ ޢަމަލެއްކަމަށާއި، ސިހުރު އުނގެނުމާއި އުނގަންނައިދިނުމަކީވެސް މީހާ ކުފުރުވާވަރުގެ ބޮޑު ފާފައެއްކަން ހުތުބާގައި ހަނދާންކޮށްދެއްވި.
64 ދުވަސް ކުރިން - 13:00
ގުރްއާނަކީ ހުރިހައި ހެޔޮކަމެއްގެ އަސްލުކަމާއި، އެ ފޮތުގެ އަކުރަކަށް ދިހަ ޘަވާބު ލިބޭނެކަން ހުތުބާގައި ފާހަގަކުރި. ގުރްއާން ކިޔަވާ މީހުންގެ ވަށައިގެން މަލާއިކަތުން ހާސިރުވެ، މާތް ﷲގެ ރަޙުމަތް އެބައިމީހުންނަށް މިންވަރުކުރައްވާނެ. މީގެއިތުރުން، ގުރްއާނަކީ ޖިސްމާނީ އަދި ނަފުސާނީ ދުޅަހެޔޮކަމުގެ އަސާސްކަމަށް ހަނދާންކޮށްދެއްވި.
71 ދުވަސް ކުރިން - 13:00
އިންސާނާގެ ފިތުރަތަކީ އަދުލުވެރިކަމާއި އިންސާފަށް ލޯބިކުރުން ކަމަށްވީ ހިނދު، ކޮރަޕްޝަނަކީ އިޖުތިމާއީ ނިޒާމު ފުނޑުފުނޑުކޮށްލާ ބަލިމަޑުކަމެއް ކަމަށާއި ރިޝްވަތު ދޭ މީހާއާއި ހިފާ މީހާއަށް މާތް ރަސޫލާ ﷺ ލައުނަތް ލައްވާފައިވާ ކަމަށް ހުތުބާގައި ހަނދާންކޮށްދެއްވި.
78 ދުވަސް ކުރިން - 14:29
އަމާނާތަކީ ހަމައެކަނި މުދާ ރައްކާކުރުން ނޫންކަމާއި، اللهގެ ހައްގުތަކާއި، ގުނަވަންތަކާއި، އަނބިދަރިންނާއި، ރައްޔިތުންގެ މުދަލަކީވެސް އަމާނާތްތަކެއްކަން ފާހަގަކުރި. އަދި އަމާނާތަށް ހިޔާނާތްތެރިވުމަކީ މުނާފިގުންގެ ސިފައެއްކަމާއި، އަމާނާތްތަކަށް ރައްކާތެރިވުމަކީ ސުވަރުގެ ލިބުމުގެ ސަބަބެއްކަމަށް ހުތުބާގައި ބަޔާންކޮށް، އެންމެހައި ކަންކަމުގައި އަމާނާތްތެރިވުމަށް ނަސޭހަތްތެރިވި.
85 ދުވަސް ކުރިން - 13:33
މި ދުވަހު ރޯދަހިފުމަކީ ވޭތުވެދިޔަ އަހަރުގެ ކުދި ފާފަތައް ފުހެވިގެންދާނޭ މަތިވެރި ސުންނަތެއް. ރަސޫލާ ﷺ އިރުޝާދު ދެއްވާފައިވަނީ އާޝޫރާ ދުވަހާއެކު އޭގެ ކުރީ ދުވަހު ނުވަތަ ފަހު ދުވަހު ރޯދަހިފުމަށް.
92 ދުވަސް ކުރިން - 13:30