އަައިޝަތު ޒީނާ

1484 ލިޔުން

ކަނޑިތީމުގައި ސިހުރު ހެދިކަމަށް ތުހުމަތުކުރެވޭ މައްސަލަތަކެއް ފުލުހުން ބަލަނީ

ފުލުހުން ބުނީ ކަނޑިތީމުގައި ސިހުރުހަދާކަމަށް ތުހުމަތުކުރެވޭ މައްސަލަތަކެއް ފުލުހުންނަށް ރިޕޯޓުކޮށްފައިވާ ކަމަށް. އެ މައްސަލަތަކާއި ގުޅިގެން ޚާއްސަ އޮޕަރޭޝަނެއް ކުރިއަށް ގެންގޮސްފައިވާ ކަމަށާއި، ކޯޓު އަމުރެއްގެ ދަށުން އެ ރަށުގެ ބައެއް ގޭގެ އިއްޔެ ބަލައި ފާސްކޮށްފައިވާކަމަށް ފުލުހުން ބުނި.

814 ދުވަސް ކުރިން - 11:13

ޑޮލަރު ރިޒާވް ހުސްވެފައިވާކަމަށް ބުނެ ފަތުރާ ޚަބަރު އެމްއެމްއޭއިން ދޮގުކޮށްފި

އެމްއެމްއޭއިން ބުނީ ރާއްޖޭގެ ބޭނުންކުރެވޭ ރިޒާވް ޖުލައި މަސް ނިމުނު އިރު ހުރި މިންވަރަށްވުރެ އޮގަސްޓް މަހުގެ ނިޔަލަށް އިތުރުވެގެންދާނެ ކަމަށް ލަފާކުރެވޭ ކަމަށް. މިފަދަ ކަންތައްތަކާއި ގުޅޭ ޚަބަރުތައް ޙަޤީޤަތާއި ޚިލާފަށް ގެނެސްދިނުމަކީ އެ އޮތޯރިޓީން ނުހަނު ކަންބޮޑުވާކަމެއް ކަމަށް އެމްއެމްއޭއިން ބުނި.

814 ދުވަސް ކުރިން - 11:00

އިސްލާމް ދީނާ ޚިލާފުނުވާ ގޮތަށް ހެދުން އަޅާނަމަ ވަޒީފާ ދިނުމުގައި އެއްވެސް ތަފާތެއް ކޮށްގެން ނުވާނެ: ރައީސް

އިސްލާމް ދީނާ ޚިލާފު ނުވާގޮތަށް ހެދުން އަޅާނަމަ، އެމީހަކު އަޅާފައި ހުންނަ ހެދުމެއްގެ ސަބަބުން ވަޒީފާ ދިނުމުގައި އަދި ވަޒީފާ އަދާކުރުމުގައި އެއްވެސް ތަފާތެއް ކޮށްގެން ނުވާނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެ. އެމަނިކުފާނު މިފަދައިން ވިދާޅުވެފައި މިވަނީ ދ. ހުޅުދެލި މެޖިސްޓްރޭޓް ކޯޓުގެ ވަޒީފާއަކަށް ކުރިމަތިލި އަންހެނަކު މޫނު ބުރުގާ އަޅާތީ އޭނާ ޑިސްކޮލިފައި ކޮށްފައިވާ މައްސަލައެއް ފެންމަތިވުމުން.

814 ދުވަސް ކުރިން - 10:24

ބޭސް ބޭނުންކޮށްގެން ބުޅާ މަރާ މައްސަލައެއް ފެންމަތިވެއްޖެ

ގައްދޫ ކައުންސިލުން ބުނީ އެ ރަށުގައި ބޭސް ބޭނުންކޮށްގެން ބުޅާ މަރާ މައްސަލަ ކައުންސިލަށް ފާހަގަވެފައިވާ ކަމަށާއި، ރަށުގެ ބޭރު މަގާއި ރަށުގެ އެކި ދިމަ ދިމާލުން މަރުވެފައިވާ ބުޅަލާއި ކާޅުތައް މިދިޔަ ހަފްތާގައި ފެނިފައިވާ ކަމަށް. އެކަމުގެ ސަބަބުން ބަލިމަޑުކަމެއް ފެތުރުމުގެ ބިރު އޮތުމުން އެކަން އެގޮތަށް ނުކުރުމަށް ކައުންސިލުން ވަނީ އިލްތިމާސްކޮށްފައި.

814 ދުވަސް ކުރިން - 09:49

ޤަވާއިދާ ޚިލާފަށް އެތެރެކުރާ ޖަނަވާރުތައް ކޮންޓްރޯލްކުރުމުގައި ދަތިވަނީ އެނިމަލް ހެލްތު ޤާނޫނެއް ނެތުމުން: ޑ. މިނިސްޓަރ ޒުހުރާ

ޚުލާސާއަށް ލިޔުމުން ދެއްވި ޖަވާބުގައި މިނިސްޓްރީގެ ޓެކްނިކަލް ޓީމުން ވިދާޅުވީ ޤަވާއިދާއި ޚިލާފަށް އެތެރެކުރެވޭ ޖަނަވާރު ކޮންޓްރޯލް ކުރުމުގެ މަސައްކަތް ކުރަމުން އަންނަނީ މިނިސްޓްރީ އާއި ކަސްޓަމްސް އާއި ގުޅިގެން ކަމަށް. ޤަވާއިދާއި ޚިލާފަށް ދިރޭ ޖަނަވާރު އެތެރެ ކުރެވުނު ނަމަވެސް، އެނިމަލް ހެލްތް ޤާނޫނެއް ނެތުމުގެ ސަބަބުން ގިނަ ގޮންޖެހުންތަކާއި މި ވަގުތު ކުރިމަތިވަމުން އަންނަ ކަމަށް.

814 ދުވަސް ކުރިން - 15:27

ތައިލޭންޑުންވެސް އެމްޕޮކްސްގެ ނުރައްކާތެރި ވޭރިއަންޓެއް ފެނިއްޖެ

އެމްޕޮކްސްގެ ނުރައްކާ ވޭރިއަންޓް ޖެހިފައިވާކަމަށް ބެލެވޭ މީހަކު ތައިލެންޑުންވެސް ފެނިއްޖެ. މި ބަލި ފެނިފައިވަނީ އެފްރިކާގެ ޤައުމަކުން ތައިލެންޑަށް ދިޔަ ޔޫރަޕް މީހެއްގެ ގައިން. އޭނާއަށް ޖެހިފައިވަނީ ބަލީގެ ނުރައްކާ ވޭރިއަންޓް ކަމަށްވާ ކްލޭޑް 1. އޭނާ މިހާރު ހުރީ ކަރަންޓީނުކޮށްފައި.

814 ދުވަސް ކުރިން - 14:51

5 ރަށެއްގައި އައިސްޕްލާންޓް އަޅާނެ ބަޔަކު ހޯދަނީ

ފިނޭންސް މިނިސްޓްރީން ކުރި އިއުލާނުގައިވާގޮތުން އައިސް ޕްލާންޓް އަޅަން ނިންމާފައިވަނީ ހއ. ދިއްދޫ އާއި، އއ. ރަސްދޫ އާއި، ގދ. ރަތަފަންދޫ އާއި، ހއ. އިހަވަންދޫގެ އިތުރުން ށ. ކޮމަންޑޫގައި. އެ ރަށްތަކުގައި ހެދުމަށް ނިންމާފައިވަނީ 50 ޓަނުގެ އައިސް ޕްލާންޓްތަކެއް. މި މަސައްކަތަށް ޝަރުތުހަމަވާ ފަރާތެއް ހޯދުމުގެ ކަންތައް ކުރިއަށް ގެންދިއުމަށް ހަމަޖެހިފައިވަނީ އިންޓަނޭޝަނަލް ބިޑިން އުސޫލުން.

814 ދުވަސް ކުރިން - 14:30

ޕީޖީ ޝަމީމަށް ޙަމަލާ ދިން މައްސަލައިގައި 7 މީހަކަށް ދަޢުވާކުރަން ފޮނުވައިފި

ޝަމީމަށް ޙަމަލާ ދީފައިވަނީ މިދިޔަ ޖަނަވަރީ މަހުގެ 31 ވަނަ ދުވަހު އޭނާ ދިރިއުޅޭ ގޭގެ ދޮރުމަތިން. އެ ޙަމަލާއާ ގުޅިގެން 7 މީހަކު ހައްޔަރުކޮށް ޝަރީޢަތް ނިމެންދެން ބަންދުކޮށްފައިވާއިރު ފުލުހުން މިއަދު ބުނެފައިވަނީ މައްސަލައާ ގުޅިގެން ހަތްޔަރުކުރި 7 މީހުންގެ މައްސަލައިގެ ތަހުޤީޤު ނިންމާ، ދަޢުވާ ކުރުމަށް މި މަހުގެ 18 ވަނަ ދުވަހު ޕީޖީ އޮފީހަށް ފޮނުވާފައިވާ ކަމަށް.

814 ދުވަސް ކުރިން - 13:44

އިއްޔެ ކުރި ވިއްސާރައިގައި ކުޅުދުއްފުށީގެ 57 ގެއަކަށް ގެއްލުންވި

އެންޑީއެމްއޭއިން ބުނީ ރާއްޖޭގެ އުތުރުގެ ސަރަޙައްދަށް ރޭ ކުރި ވިއްސާރައިގެ ސަބަބުން ކުޅުދުއްފުށި ހިމެނޭހެން އުތުރުގެ ހަތަރު ރަށަކަށް އެކި ވަރުގެ ގެއްލުން ވެފައިވާކަމަށް. އެގޮތުން ކުޅުދުއްފުށީގެ 57 ގެއަކަށާއި، ހއ. ހޯރަފުށީގެ ދެ ގެއަކަށާއި އަދި ށ. ނޫމަރާއާއި އެ އަތޮޅު ފީވަށް، މިއިން ކޮންމެ ރަށަކުން ފަސް ގެއަކަށް ފެންވަދެ އެކި ވަރުގެ ގެއްލުން ވަނީ ވެފައި.

814 ދުވަސް ކުރިން - 13:27

ބިލެތް ހުނީގެ ބަދަލުގައި ކޯނިސް ޕައުޑަރު ދޭ މައްސަލައެއް ފެންމަތިވެއްޖެ

ސޯޝަލް މީޑިއާގައި ދައުރުވަމުންދާ މެސެޖެއްގައި ބުނެފައިވަނީ ބިދޭސީން ހިންގާ ކަންމަތީ ކެފޭ، ރެސްޓޯރަންޓް، ހޮޓާ، މާރުކޭޓު ގޮޅިތަކުގައި ބިލެތް ހުނީގެ ނަމުގައި ކޯނިސް ޕައުޑަރު ދެމުން އަންނަ ކަމަށް. ކޯނިސް ޕައުޑަރަކީ ސީލިންގ ކުރާއިރު ބޭނުންކުރާ ހުދު ޕުޓީއެއް. ދުފާއިރު ބިލެތް ހުނި ގިނައިން ބޭނުންކުރާ މީހުންނަށް މި ބޭނުންކޮށްގެން ފިޓު ޖެހި، އޮށްދާ ހިއްލާ، ހިތުގެ ހިނގުން އަވަސްވުން ފަދަ މައްސަލަތައް ދިމާވޭ.

814 ދުވަސް ކުރިން - 13:15

މޫސުން ދަނީ ރަނގަޅުވަމުން: މެޓް އޮފީސް

މެޓް އޮފީހުން ބުނީ ހުޅަނގު މުސުމުގެ ބާރުގަދަވެ، މިދިޔަ ހަފްތާގައި ރާއްޖެއަށް ކުރި ގަދަ ވިއްސާރައަށްފަހު މާދަމާއިން ފެށިގެން މޫސުން ރަނގަޅުވާން ފަށާނެ ކަމަށް. މެޓް އޮފިހުން ބުނީ ރާއްޖެ ސަރަޙައްދަށް މޫސުން ރަނގަޅުވަމުން އަންނަ ނަމަވެސް ކޮންމެވެސް މިންވަރަކަށް ކެރީގެ އަސަރު ފޯރުމަކީ އެކަށީގެންވާ ކަމެއް ކަަމަށް.

815 ދުވަސް ކުރިން - 11:40

ހުކުރު ދުވަހު އިސްލާމީ މަރުކަޒުގައި ހުކުރު ކުރައްވާނީ ޙަރަމްފުޅުގެ ފަތުވާ ކޮމިޓީގެ މެމްބަރު ޑރ. ހަމްދާން

އަންނަ ހުކުރު ދުވަހު އިސްލާމީ މަރުކަޒުގައި ހުކުރު ކުރައްވާނީ ޙަރަމްފުޅުގެ ފަތުވާ ކޮމިޓީގެ މެމްބަރު ޑރ. ހަމްދާން އައްސުލަމީ ކަމަށް އިސްލާމިކް މިނިސްޓަރ ޑރ މުޙައްމަދު ޝަހީމް ޢަލީ ސަޢީދު ވިދާޅުވެއްޖެ. ޝަހީމް ވިދާޅުވީ މި ހުކުރު ދުވަހު ހުޅުމާލެ ރަޝީދު މިސްކިތުގައިވެސް އިމާމުވެ ހުކުރު ނަމާދު ކުރެއްވުމަށް ހަމަޖެހިފައިވަނީ އޮސްޓްރޭލިއާ ނޭވީގެ އިމާމް އުސްތާޒް މަޖްދީ އީސާ ކަމަށް.

815 ދުވަސް ކުރިން - 10:10