އަައިޝަތު ޒީނާ

1484 ލިޔުން

ޓްރެފިކް ޕޮލިސް އޮޕަރޭޝަންސްގެ ފުލުހުން އެއްގަމު ދަތުރުފަތުރުގެ ގާނޫނަށް އަހުލުވެރިކުރުވަނީ

މަސްދުވަހުގެ މުއްދަތަށް ކުރިއަށް ގެންދާ މި ޕްރޮގްރާމުގައި، އެއްގަމު ދަތުރުފަތުރުކުރުމުގެ ޤާނޫނާއި ޤަވާއިދުތައް ތަންފީޒުކުރުން އިތުރަށް ހަރުދަނާކުރުމަށް މުވައްޒަފުންނަށް ބޭނުންވާ މައުލޫމާތުދޭނެ ކަމަށް ފުލުހުން ބުނި. އަދި ޤަވާޢިދާ ޚިލާފަށް އުޅަނދު ދުއްވާ މީހުން ހުއްޓުވައި ބަލައިފާސްކުރުމުގައި ސަމާލުކަންދޭންޖެހޭ ކަންކަމުގެ މައުލޫމާތު ވެސް މި ޕްރޮގްރާމުގެ ތެރެއިން ޙިއްސާކުރާނެ ކަމަށް ފުލުހުން ބުނި.

794 ދުވަސް ކުރިން - 14:01

ޕީއެންސީގެ އެތެރޭގެ އިންތިޚާބު 19 އޮކްޓޯބަރުގައި ބާއްވަނީ

ޚަލީލް ވިދާޅުވީ ޕީއެންސީގެ އެތެރޭގެ އިންތިޚާބު އަންނަ އޮކްޓޯބަރު މަހުގެ 19 ގައި ބޭއްވުމަށް ނިންމާފައިވާ ކަމަށާއި އިންތިޚާބުތަކަށް މިއަދު ޢިއުލާނު ކުރެވިގެންދާނެ ކަމަށް. މި އިންތިޚާބަކީ ރައްޔިތުންގެ މަޖިލީހުގެ ކޮންމެ ދާއިރާއަކަށް ނިސްބަތްވެވަޑައިގަންނަވާނެ ދާއިރާގެ ރައީސެއް އަދި ނައިބު ރައީސެއް ހޮވުމަށް ބާއްވާ އިންތިޚާބެއް.

794 ދުވަސް ކުރިން - 13:53

ޤައުމީ ދިގުފެތުމުގެ 15 ވަނަ މުބާރާތުގައި ބައިވެރިވެވޭ މުއްދަތު މި މަހުގެ 15 ގެ ނިޔަލަށް އިތުރުކޮށްފި

ސްވިމިންގ އެސޯސިއޭޝަން އޮފް މޯލްޑިވްސް އިން ރާވައި ހިންގާ ޤައުމީ ދިގު ފެތުމުގެ 15 ވަނަ މުބާރާތުގައި ބައިވެރިވެވޭ މުއްދަތު މި މަހުގެ 15 ވަނަ ދުވަހުގެ ނިޔަލަށް އިތުރުކޮށްފި. މި މުބާރާތް ބޭއްވުމަށް ހަމަޖެހިފައިވަނީ މި މަހުގެ 28 ވަނަ ދުވަހު ކުޑަގިރި ޕިކްނިކް އައިލެންޑުގައި.

794 ދުވަސް ކުރިން - 19:00

އޭލެވެލް ޓޮޕް ޓެން ޖަލްސާ ބުރާސްފަތި ދުވަހު ބާއްވަނީ

445 ދަރިވަރުންނާއެކު ދަރުބާރުގޭގައި ބާއްވާ "މަތީ އަރުތަވެރިންގެ އިނާމު" ޙަފްލާގައި އިނާމު ދޭނީ 2022-2023 ގެ މެއި/ޖޫން އިމްތިޙާނު ހެދި ދަރިވަރުންގެ ތެރެއިން އެންމެ ރަނގަޅު ނަތީޖާ ހޯދި ދަރިވަރުންނަށް. އޭލެވެލް ޓޮޕް 10ގެ 1 ވަނަ 16 ދަރިވަރަކު ހޯދާފައިވާއިރު އޭގެ ތެރޭގައި ހިމެނެނީ ވިލާ އިންޓަރނޭޝަނަލް ހައި ސްކޫލްގެ 6 ދަރިވަރުންނާއި ސީއެޗްއެސްސީގެ 6 ދަރިވަރުންނާއި އަހުމަދިއްޔާ އިންޓަރނޭޝަނަލް ސްކޫލްގެ 4 ދަރިވަރުން.

794 ދުވަސް ކުރިން - 17:52

ހާފިޒުން ޢުމްރާއަށް ފޮނުވުމުގެ މަޝްރޫޢުގެ ދަށުން ފޮނުވާ ތިންވަނަ ދަރިވަރަކީ އަލްހާފިޒް އަޒިން މުޙައްމަދު

އިސްލާމިކް މިނިސްޓަރ ޑރ. ޝަހީމް މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ އެ މިނިސްޓްރީން ހާފިޒުން ޢުމްރާއަށް ފޮނުވުމަށް ފަށާފައިވާ މަޝްރޫޢުގެ ދަށުން، ޢުމްރާއަށް ފޮނުވޭ ތިންވަނަ ހާފިޒަކަށް އަލްހާފިޒް އަޒިން މުޙައްމަދު ހޮވިފައިވާ ކަމަށް. މި މަޝްރޫޢުގެ މަޤްޞަދަކީ ޤުރުއާން ހިތުދަސްކުރާ ކުދިންނަށް ހިތްވަރުދިނުން ކަމަށް ޝަހީމް ވިދާޅުވި.

794 ދުވަސް ކުރިން - 17:38

ސައިކަލަށް 4 މީހުން އަރުވައިގެން ދުއްވި މީހަކު ހައްޔަރުކޮށްފި

އއ. އުކުޅަހުގައި ސައިކަލަށް 4 މީހުން އަރުވައިގެން ދުއްވި މީހަކު ހައްޔަރުކޮށްފި. މި މައްސަލައާ ގުޅިގެން ކޯޓު އަމުރެއްގެ ދަށުން އިއްޔެ ހައްޔަރުކޮށްފައިވަނީ އެރަށު ޑޭޒީމާގެ، އަހްމަދު ނަސީމު (29އ). ފުލުހުން ބުނީ އޭނާ ވަނީ ފުލުހުންގެ ދައުރު އަދާކުރުމަށްވެސް ހުރަސް އަޅައި، ސައިކަލު މަޑު ނުކޮށް ބާރު ސްޕީޑުގައި ދުއްވާފައި ގޮސް ކަމަށް.

794 ދުވަސް ކުރިން - 17:26

ބަންޑާރަނައިބުގެ އޮފީހުގެ ޕާމަނަންޓް ސެކްރެޓަރީއަކަށް ސުލްތާނާ ޝާކިރު އައްޔަންކޮށްފި

ސިވިލް ސަރވިސް ކޮމިޝަނުން އެ މަޤާމަށް ސުލްތާނާ އައްޔަންކޮށްފައިވަނީ ބަންޑާރަނައިބުގެ އޮފީހުގައި އިއްޔެ ބޭއްވި ރަސްމިއްޔާތެއްގައި އެ ކޮމިޝަނުގެ ރައީސް މުޙައްމަދު ނާސިހް. އެ ރަސްމިއްޔާތުގައި ބަންޑާރަނައިބު އަހުމަދު އުޝާމާއި، އެ އޮފީހުގެ އިސްވެރިންނާއި، ސިވިލް ސަރވިސް ކޮމިޝަނުގެ އިސްވެރިންވެސް ވަނީ ބައިވެރިވެވަޑައިގަންނަވާފައި.

794 ދުވަސް ކުރިން - 17:15

އަލިފާނުގެ ހާދިސާ ހިނގި ގެ ތަޅާލުމުގެ މަސައްކަތް ފަށައިފި

ސިޓީތަކާއި އިދާރީ ހިންގުންތަކާ ބެހޭ ވުޒާރާއިން ބުނީ އިއްޔެ އަލިފާނުގެ ޙާދިސާ ހިނގި ކެފޭ ހުރި ހ. ނޫހިމެރިގެ ތަޅާލުމުގެ މަސައްކަތް އެ ވުޒާރާގެ ޕަބްލިކް ވޯކްސް ޑިޕާޓްމަންޓުން މިއަދު ފަށާފައިވާ ކަމަށް. ނަމަވެސް އެ މަސައްކަތް ނިންމޭނެ ވަކި ތާރީޚެއް އެ ވުޒާރާއިން ހާމަކޮށްފައެއް ނުވޭ.

794 ދުވަސް ކުރިން - 17:01

ރައީސުލްޖުމްހޫރިއްޔާ އިންޑިއާއަށް ދަތުރުފުޅެއް ކުރައްވަނީ

ރައީސް އޮފީހުގެ ސްޕޯކްސްޕާސަން ހީނާ ވަލީދު ވިދާޅުވީ ވަރަށް އަވަހަށް ރައީސް އިންޑިއާއަށް ވަޑައިގަތުމަށް ހަމަޖެހިފައިވާ ކަމަށާއި އެ ދަތުރުފުޅަށް އެންމެ ރަނގަޅު ތާރީޚަކީ ކޮބާ ކަމާމެދު ދެ ޤައުމުގެ ދެމެދުގައި މަޝްވަރާ ކުރަމުން އަންނަ ކަމަށް. ނަމަވެސް ދަތުރުފުޅާ ގުޅޭ އެއްވެސް ތަފްޞީލެއް ހީނާ ޙިއްސާކުރައްވާފައެއް ނުވޭ.

794 ދުވަސް ކުރިން - 16:49

ދީނީ ޖަމިއްޔާތަކުގެ އަހަރީ ބައްދަލުވުން މި މަހު 15 ގައި ބާއްވަނީ

ޖަމްޢިއްޔާތަކުގެ އަހަރީ ބައްދަލުވުމަކީ އިސްލާމީ ކަންތައްތަކާ ބެހޭ ވުޒާރާއާއި ރާއްޖޭގައި ދީނީ ހަރަކާތްތައް ހިންގާ ޖަމްޢިއްޔާތައް ގުޅިގެން ދިވެހިރާއްޖޭގައި ދީނީ ދަޢުވަތުގެ ކަންކަން އެންމެ ކާމިޔާބު ގޮތެއްގައި ކުރިއަށް ގެންދެވޭނެ ގޮތްތަކާއިމެދުގައި މަޝްވަރާ ކުރުމަށް ބާއްވާ ބައްދަލުވުމެއް. މި ބައްދަލުވުމުގައި އޮންލައިންކޮށްވެސް ބައިވެރިވެވޭނެ އިންތިޒާމް ވަނީ ހަމަޖައްސާފައި.

794 ދުވަސް ކުރިން - 16:27

މިއަހަރު ކުޅިވަރުގައި ލިބުނު އެންމެ ބޮޑު ކާމިޔާބީއަކީ ފުރަތަމަ ފަހަރަށް ދިވެހި އެތްލީޓަކު އޮލިމްޕިކްސް އަށް ކޮލިފައިވުން: ރާފިއު

ރާފިއު ވިދާޅުވީ ފާތިމަތު ދީމާ އަލީ ވަނީ ދެކުނު އޭޝިއާ ސަރަޙައްދުގެ ކޮލިފައިން ބުރުގެ އެއްވަނަ ހޯދާފައި ކަމަށް. އަދި އޮލިމްޕިކްސްގައި ހަތަރު ކުޅިވަރަކުން 5 އެތްލީޓަކު މިފަހަރު ވާދަކޮށްފައިވާއިރު، މިއީ އޮލިމްޕިކްސްގައި ދިވެހިރާއްޖެއިން އެންމެ ގިނަ އެތްލީޓުން ވާދަކުރި އަހަރު ކަމަށްވެސް ރާފިއު ފާހަގަކުރެއްވި.

794 ދުވަސް ކުރިން - 16:19

މިވަގުތު ރާއްޖޭގެ ހުރިހާ ރަށެއްގައި 264 މަޝްރޫޢެއްގެ މަސައްކަތް އެބަ ކުރިއަށްދޭ: ރާފިއު

ރާފިއު ވިދާޅުވީ ސެޕްޓެމްބަރު މަހުގެ 9 ވަނަ ދުވަހުގެ ނިޔަލަށް ޕީއެސްއައިޕީގެ ދަށުން 127 މިލިއަން ރުފިޔާގެ މަޝްރޫޢުތަކަށް ޚަރަދުކޮށްފައިވާ ކަމަށް. އަދި މިދިޔަ ނުވަ މަސް ދުވަހުގެ ތެރޭގައި އެކި މަޝްރޫޢުތަކަށް 118 މިލިއަން ރުފިޔާ މި ސަރުކާރުން ޚަރަދުކޮށްފައިވާއިރު އޭގެ ތެެރޭގައި ފުޓްބޯޅަ ދަނޑުތަކާއި، ވޮލީ ކޯޓުތަކާއި ފުޓްސަލް ދަނޑުތަކާއި އައުޓްޑޯ ޖިމްތަކުގައި ވަޞީލަތްތައް ޤާއިމްކުރުން ހިމެނޭ ކަމަށް ރާފިއު ވިދާޅުވި.

794 ދުވަސް ކުރިން - 16:06