އަައިޝަތު ޒީނާ

1484 ލިޔުން

ޖަރުމަނުވިލާތުގެ އެއްބައިވަންތަކަމުގެ ދުވަހުގެ ތަހުނިޔާ ރައީސް ފޮނުއްވައިފި

ޖަރުމަނުވިލާތުގެ އެއްބައިވަންތަކަމުގެ ދުވަހާ ގުޅިގެން ފޮނުއްވި ސިޓީފުޅުގައި ރައީސް މުޢިއްޒު ވިދާޅުވީ، ޖަރުމަނުވިލާތުގެ އެއްބައިވަންތަކަމުގެ ދުވަހަކީ، އެ ޤައުމު ބައްޓަންކުރުމުގެ މުހިއްމު ބަހާތަކެއް ކަމުގައިވާ އެއްބައިވަންތަކަމާއި ވިލުންތެރިކަމުގެ ރޫޙު ދައްކުވައިދޭ ދުވަހެއްކަމަށް.

771 ދުވަސް ކުރިން - 22:44

ޢަބްދުލްމަޖީދު މާހިރު އަވަހާރަވުމާއި ގުޅިގެން ރައީސް ތަޢުޒިޔާ ވިދާޅުވެއްޖެ

ރައީސްގެ މެސެޖުގައި ޢަބްދުލްމަޖީދު މާހިރު އަވަހާރަވި ޚަބަރު އެއްސެވީ ފުން ހިތާމައާއެކުގައިކަން ފާހަގަކުރައްވާ، އޭނާއަކީ ދިވެހި ބޭސްވެރި ޙަކީމެއްގެ އިތުރުން ޤައުމަށް ޚިދުމަތްތެރި ޢިލްމީ ޤާބިލް ދަރީންތަކެއް ތަރުބިއްޔަތުކުރެއްވި އަގުހުރި ބައްޕައެއްކަން ފާހަގަކުރައްވާފައިވޭ.

771 ދުވަސް ކުރިން - 22:38

ޑެޕިއުޓީ ޓެކްސް ކޮމިޝަނަރުގެ މަގާމަށް ކުރިމަތިލާން ހުޅުވާލައިފި

މި ފުރުޞަތު ހުޅުއްވާލައްވާފައި ވަނީ މިއަދުން ފެށިގެން 16 އޮކްޓޫބަރު 2024 ވާ ބުދަ ދުވަހުގެ 12:00 އާ ހަމައަށް. މި މަޤާމަށް ކުރިމަތިލެއްވުމަށް އެދޭ ފޯމު ރައީސުލްޖުމްހޫރިއްޔާގެ އޮފީހުގެ ރިސެޕްޝަނުން ލިބޭނެ.

771 ދުވަސް ކުރިން - 22:33

ފޮރިން މިނިސްޓަރ ޚަލީލް، އިންޑިއާގެ ސަފީރާ ބައްދަލުކުރައްވައިފި

ޚަލީލް ވިދާޅުވީ މިއީ ފޮރިން މިނިސްޓަރުގެ މަޤާމާ ހަވާލުވެވަޑައިގެންނެވި ފަހުން ސަފީރަކާއި ބައްދަލުކުރެވުނު ފުރަތަމަ ފަހަރު ކަމަށާއި، މި ބައްދަލުކުރެއްވުމުގައި ދެ ޤައުމުގެ ގުޅުމާއި ގުޅޭ ގޮތުން ވާހަކަތައް ދެކެވުނު ކަމަށް. އަދި މިހާރު ދެ ޤައުމުގެ ދެމެދުގައި ކުރިއަށްދާ މަސައްކަތްތަކާއި ގުޅޭ ގޮތުންވެސް މަޝްވަރާތައް ކުރެެއްވި ކަމަށް ޚަލީލް ވިދާޅުވި.

773 ދުވަސް ކުރިން - 14:02

ހުޅުމާލެ ތިންވަނަ ފިޔަވަހީގައި ހުރި ތަކެތި ނަގަން އަންގައިފި

އެޗްޑީސީން މިފަހަރު އަންގާފައިވަނީ ތިންވަނަ ފިޔަވަހީގެ ހުސްބިންތަކުގައި ބަހައްޓާފައި ހުރި މުދަލާއި ތަކެތި، 11 އޮކްޓޯބަރު ވާ ހުކުރު ދުވަހުގެ ކުރިން ނެގުމަށް. އަދި މި މުއްދަތުގެ ތެރޭގައި އެތަކެތި ނުނަގާނަމަ، އެތަކެއްޗަކީ ވެރިފަރާތްތަކުން ބޭނުން ނެތިގެން ދޫކޮށްލާފައިވާ ތަކެތި ކަމަށް ބަލައި، އެ ކޯޕަރޭޝަނުން އެފަދަ ތަކެއްޗާމެދު ޢަމަލުކުރުމަށް ހަމަޖެހިފައިވާ ގޮތުގެ މަތިން ޢަމަލު ކުރެވޭނެ ކަމަށް އެޗްޑީސީން ބުނި.

773 ދުވަސް ކުރިން - 13:50

ފަހިރާސްތާ ޕްރޮގްރާމް ރަސްފަންނުގައި ކުރިއަށް ގެންގޮސްފި

އިއްޔެ ހަވީރު ކުރިއަށް ގެންދިޔަ މި ޕްރޮގްރާމުގައި، އެއްގަމު އުޅަނދު ދުއްވުމުގައި ތިމާއާއި އަނެކުންގެ ސަލާމަތާއި ރައްކާތެރިކަމަށް ސަމާލުކަންދޭންޖެހޭ ކަންކަމުގެ މަޢުލޫމާތުދީފައިވާކަމަށް ފުލުހުން ބުނި. އަދި މަގުމަތީގައި ހިނގާބިނގާވެ އުޅުމާއި އެކްސިޑެންޓުތަކުން ރައްކާތެރިވާނެ ގޮތުގެ މަޢުލޫމާތުދީފައިވާ ކަމަށް ފުލުހުން ބުނި.

773 ދުވަސް ކުރިން - 13:38

ޑޮލަރު މައްސަލަ ޙައްލުކުރަން ސަރުކާރުން އެޅި ފިޔަވަޅަށް ފައްޔާޒް މަރުޙަބާ ވިދާޅުވެއްޖެ

ފައްޔާޒް ވިދާޅުވީ ފަތުރުވެރިކަމުގެ ހުރިހާ ވިިޔަފާރިތަކުން ޑޮލަރު ބޭންކަށް ޖަމާކުރުމަށާއި، ކޮންމެ ފަތުރުވެރިއަކަށް ޑޮލަރު ހަވާލުކުރުން މަޖުބޫރުކޮށް، ސަރުކާރުން ދާދިފަހުން ގެންނަން ލާޒިމްކޮށްފައިވާ ބަދަލުތަކުން ރަމްޒުކޮށްދެނީ ބޭރު ފައިސާގެ މައްސަލަ ހައްލުކުރުމަށް މި ސަރުކާރުން ނިންމި އެންމެ ބޮޑު ނިންމުން ކަމަށް.

773 ދުވަސް ކުރިން - 13:33

ކުޑަ ކުއްޖަކު އޮރިޔާންކޮށް، ބިރުދެއްކި މައްސަލައެއް ބަލަނީ

މި މައްސަލަ ފެންމަތިވެފައިވަނީ ކުއްޖާގެ މަންމަ ފޭސްބުކްގައި ކުރި ޕޯސްޓަކާ ގުޅިގެން. މި ޢަމަލަކީ ގްރޭޑް 9 ގައި އުޅޭ ކުއްޖެއް އިސްވެހުރެ ގްރޫޕަކުން ހިންގި ޢަމަލެއް ކަމަށް ބުނެ، ކުއްޖާގެ މަންމަ ވަނީ އޭނާގެ ދަރިފުޅަށް އިންސާފު ހޯދައިދިނުމަށް އެދި ގޮވާލާފައި. ފުލުހުން އަންނަނީ މި މައްސަލަ ތަހުޤީޤުކުރަމުން.

773 ދުވަސް ކުރިން - 13:13

ސީޕީ ޝުޖާއު ހއ. އަތޮޅަށް ރަސްމީ ދަތުރުފުޅެއް ފައްޓަވައިފި

ފުލުހުން ބުނީ ކޮމިޝަނަރގެ މި ދަތުރުފުޅުގައި، ހއ. އަތޮޅު ކައުންސިލާއި ރަށު ކައުންސިލުތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތައް އަދި އެ ރަށްރަށުގައި މަސައްކަތްކުރާ ފުލުހުންނާ ބައްދަލުކުރައްވާނެ ކަމަށް. މިއަދުން ފެށިގެން މި މަހު 7 އަށް ކުރިއަށް ގެންދާ މި ދަތުރުފުޅުގައި ދިއްދޫ، ކެލާ، އުތީމު، ބާރަށް، ފިއްލަދޫ، ތަކަންދޫ، މާރަންދޫ، ހޯރަފުށި، ތުރާކުނު، އުލިގަން އަދި އިހަވަންދުއަށް ވަޑައިގަތުމަށް ވަނީ ހަމަޖެހިފައި.

773 ދުވަސް ކުރިން - 13:01

ސްޓެލްކޯ ކޮންޓެކްޓް ސެންޓަރުގެ ޚިދުމަތް 24 ގަޑިއިރަށް ފުޅާކޮށްފި

ސްޓެލްކޯގެ ހޮޓްލައިން 1545 އަށް ގުޅައިގެން ސްޓެލްކޯއިން ފޯރުކޮށްދެމުންދާ ހުރިހާ ޚިދުމަތަކާ ގުޅުންހުރި މަޢުލޫމާތު ލިބޭނެ ކަމަށާއި ކަރަންޓު ބިލްތަކާ ގުޅުންހުރި ޝަކުވާތައް ހުށަހެޅުމުގެ ފުރުސަތު ވެސް ލިބިގެންދާނެ ކަމަށްވެސް ސްޓެލްކޯއިން ބުނި. އަދި، ސްޓެލްކޯ ކެއަރގެ ޚިދުމަތާއެކު ވައިބަރ، ވަޓްސްއެޕް އަދި ޓެލެގްރާމް މެދުވެރިކޮށް ސްޓެލްކޯގެ ކޮންޓެކްޓް ސެންޓަރާ މުޢާމަލާތު ކުރެވޭނެ އިންތިޒާމު ވެސް މިހާރު ހަމަޖެހިފައިވާކަމަށް ސްޓެލްކޯއިން ބުނި.

773 ދުވަސް ކުރިން - 16:18

ހުޅުމާލޭގައި އެމްޕީއެލްގެ 10 ބުރީގެ އޮފީސް ޢިމާރާތެއް އަޅަނީ

އެމްޕީއެލް އިން ބުނީ އެ ޢިމާރާތް އެޅުމަށް ހަމަޖެހިފައިވަނީ ހުޅުމާލެ ފެރީ ޓާމިނަލްގެ ކުރިމަތިން އޮންނަ ބިމުގައި ކަމަށް. އެ ޢިމާރާތުގައި ކޮންފަރެންސްތަކާއި އިވެންޓްތައް ބޭއްވުމަށް ޚާއްސަ ފްލޯއަކާއި ކެފޭ / ރެސްޓޯރަންޓްތަކަށް ޚާއްސަ ފްލޯއެއްގެ އިތުރުން ވިޔަފާރިތަކަށް ޚާއްސަ ފްލޯތަކެއް ވެސް ކަނޑައަޅާފައިވާ ކަމަށް އެމްޕީއެލް އިން ބުނި.

773 ދުވަސް ކުރިން - 16:09

އިންވެސްޓްމެންޓް ދާއިރާއިން ގުޅުން ވަރުގަދަކުރުމަށް ސައުދީ އަރަބިއާ އާއެކު ސޮއިކޮށްފި

މި އެމްއޯޔޫގެ ސަބަބުން ދެ ޤައުމުގެ ވިޔަފާރީގެ ގުޅުން ހަރުދަނާކުރެވި ބޯޑަރު ހުރަސްކުރެވޭ ފޮރިން އިންވެސްޓްމަންޓްތައް އިތުރަށް ފުޅާކުރުމަށް މަގުފަހިވެގެންދާނެ ކަމަށް މިނިސްޓްރީން ބުނި. އެގޮތުން ވިޔަފާރިއާއި ފަތުރުވެރިކަން އަދި ޢިމާރާތްކުރުން ފަދަ މުހިންމު ދާއިރާތަކުން ދެޤައުމުގެ ދެމެދުގައި ގުޅުން އިތުރަށް ބަދަހިވެގެންދާނެ ކަމަށް މިނިސްޓްރީން ބުނި.

773 ދުވަސް ކުރިން - 15:54