އަައިޝަތު ޒީނާ

1484 ލިޔުން

ބިދޭސީީއަކު ގެއްލިގެން ހޯދަނީ

ފުލުހުން ބުނީ ގެއްލިގެން ހޯދަމުން އަންނަނީ އިންޑިއާގެ ރައްޔިތެއް ކަމަށްވާ އައިޑީ މޮމެޑް ސެޚް (32އ) ކަމަށް. އޭނާ ވީނުވީއެއް ނޭނގި ގެއްލިފައިވާކަން ފުލުހުންނަށް ރިޕޯޓުކޮށްފައިވަނީ މިދިޔަ އޮގަސްޓް މަހުގެ 14 ވަނަ ދުވަހުގެ ހަވީރު.

773 ދުވަސް ކުރިން - 15:35

ކަސްޓަމަރުންގެ އެކައުންޓްތަކަކުން ރުފިޔާނެގި ބީއެމްއެލްގެ މުވައްޒަފަކު ޖޫރިމަނާކޮށްފި

ބީއެމްއެލްގެ 13 ކަސްޓަމަރުންގެ އެކައުންޓްތަކަކުން ވަގަށް ފައިސާ ނެގިކަން ސާބިތުވެ، ކްރިމިނަލް ކޯޓުން އިއްޔެ ހުކުމް ކޮށްފައިވަނީ ބ. އޭދަފުށި، ހިޔާވަހި އަލީ މާޒިންގެ މައްޗަށް. މި 13 މީހުންގެ އެކައުންޓުން ޖުމްލަ 482,611.41 ރުފިޔާ ސައްޙަ ނޫން ކްރެޑިޓް ކާޑު ޕޭމަންޓުގެ ގޮތުގައި، ފޮރެކްސް ޓްރާންސެކްޝަނުގެ ގޮތުގައި އަދި މާޒިންގެ އަމިއްލަ އެކައުންޓަށް ޖަމާކޮށްފައިވާކަމަށް ކްރިމިނަލް ކޯޓުގެ ހުކުމުގައި ވަނީ ފާހަގަކޮށްފައި.

775 ދުވަސް ކުރިން - 15:24

މަސްތުވާތަކެތީގެ މައްސަލައެއްގައި ވިލިނގިލިން 3 މީހަކު ހައްޔަރުކޮށްފި

މި މައްސަލައާ ގުޅިގެން ހައްޔަރުކޮށްފައިވަނީ، ގއ. ވިލިނގިލި / އެތެންސް، މުހައްމަދު އަތޫފް ހަބީބް (24އ)، ގއ. ވިލިނގިލި / ޒޫމް، މުހައްމަދު ތަޤިއްޔު (25އ) އަދި ގދ. ގައްދޫ / ވިލަސް، މުޙައްމަދު ޒަހުވާން (23އ). މި އޮޕަރޭޝަނުގައި، އެތަނުން އެކަކު ދިރިއުޅޭ ގެ ބަލައިފާސްކުރިއިރު މަސްތުވާތަކެތި ކަމަށްބެލެވޭ އެއްޗެއްހުރި ހަތް ރަބަރު ޕެކެޓާއި، ހަތަރު ރަބަރުކޮޅާއި، ސެލޯފިންކޮޅެއްގެ އިތުރުން ބަނގުރާ ކަމަށް ބެލެވޭ އެއްޗެއްހުރި 20 ލީޓަރުގެ ހަމެއް ފެނިފައިވާކަމަށް ފުލުހުން ބުނި.

775 ދުވަސް ކުރިން - 15:08

ބައިނަލްއަޤްވާމީ ތަމްރީނު ޕްރޮގްރާމްތަކެއްގައި ބައިވެރިވުމަށް ފުލުހުންތަކެއް ފުރައިފި

ދިވެހި ފުލުހުންގެ ޚިދުމަތުގެ 13 ފުލުހަކު ބައިނަލްއަޤްވާމީ ތަމްރީނު ޕްރޮގްރާމްތަކެއްގައި ބައިވެރިވުމަށް ފުރައިފި. މި ދަތުރުގައި ތުރުކީ، ސިންގަޕޫރު އަދި އެމިރޭޓްސްގައި ޚާއްސަ ތަމްރީނުތަކެއް، އެ ޕްރޮގްރާމަކަށް ހޮވިފައިވާ ފުލުހުން ފުރިހަމަކުރާނެ. މި ތަމްރީނުތަކަކީ ޤާނޫނު ތަންފީޒުކުރުމާއި، ލީޑަރޝިޕް އަދި ފުލުހުންގެ މަސައްކަތުގެ އެކި ދާއިރާތަކުން މީހުން ބިނާކޮށް ހުނަރު އިތުރުކުރުމަށް ކުރިއަށްގެންދާ ތަމްރީނުތަކެއް.

775 ދުވަސް ކުރިން - 15:01

ކޮޅުފުށި ހައުސިންގ ޔުނިޓްތަކުގެ %78 މަސައްކަތް ނިމިއްޖެ

ގެދޮރުވެރިކަމާއި އުމްރާނީ ތަރައްޤީއާ ބެހޭ ވުޒާރާއިން ބުނީ އާރްސީސީއާ ޙަވާލުކޮށްގެން ކުރިއަށްގެންދާ ކޮޅުފުށި 100 ހައުސިންގ ޔުނިޓްގެ މަޝްރޫޢުގެ މަސައްކަތުގެ %78 މަސައްކަތް ނިމިފައިވާ ކަމަށް. ސަރުކާރުގެ ޕީއެސްއައިޕީ ބަޖެޓުން ޚަރަދުކޮށްގެން ކުރިއަށްގެންދާ މި މަޝްރޫޢަކީ 117 މިލިއަން ރުފިޔާގެ މަޝްރޫޢެއް.

775 ދުވަސް ކުރިން - 14:48

ފުވައްމުލަކުން ވާ މަދުކުރަން ބަޑިޖަހަނީ

އެމްއެންޑީއެފް އިން ބުނީ ފުވައްމުލަކުގައި ވާ ގިނަވެ، އޭގެ ސަބަބުން އާންމުންނަށް އުނދަގޫތަކަކާ ކުރިމަތިލާން ޖެހިފައިވުމާއެކު، ސެޕްޓެމްބަރު 28 ވަނަ ދުވަހުން ފެށިގެން ކުރިއަށްގެންދާ މި ޕްރޮގްރާމްގައި ކޮންމެ ދުވަހަކުވެސް އެ ސިޓީގެ އެކި ސަރަޙައްދުތަކުގައި ބަޑި ޖަހައިގެން ވާ މަދުކުރުމުގެ މަސައްކަތް ކުރަމުން އަންނަ ކަމަށް.

775 ދުވަސް ކުރިން - 14:37

ފިނޭންސް އަށް ޒަމީރު، ފޮރިން އަށް ޚަލީލް އަދި ހެލްތަށް ނާޒިމް ބަދަލުކުރަނީ

ވަޒީރުންގެ މަޖިލީހުން ނިންމާފައިވަނީ ހެލްތު މިނިސްޓަރ ޑރ. އަބްދުﷲ ޚަލީލް އެ މަޤާމުން ބަދަލުކޮށް، އެ މަޤާމަށް ރައީސް އޮފީހުގެ ސީނިއަރ މިނިސްޓަރ އަބްދުﷲ ނާޒިމް އިބްރާހިމް އައްޔަންކުރުމަށް. އެއާއެކު ފިނޭންސް މިނިސްޓަރުގެ މަޤާމަށް މޫސާ ޒަމީރު ބަދަލުކޮށް، ފޮރިން މިނިސްޓަރުގެ މަޤާމަށް ޑރ. އަބްދުﷲ ޚަލީލް ބަދަލުކުރުމަށް ވަނީ ނިންމާފައި.

775 ދުވަސް ކުރިން - 14:29

ހދ. އަތޮޅުން ފެށިގެން އދ. އަތޮޅަށް ހުދު ސަމާލު ނެރެފި

މޫސުމާއި ބެހޭ ޤައުމީ އިދާރާ، މެޓް އިން އެ އަތޮޅުތަކަށް ހުދު ސަމާލު ނެރެފައިވަނީ ހެނދުނު 9:00 އިން ހަވީރު 15:00 އަށް. އެ ސަމާލުގައި ބުނެފައިވަނީ ބޯކޮށް ވާރެ ވެހުމާއެކު ގުގުރާނެ ކަމަށް ލަފާކުރެވޭ ކަމަށް.

775 ދުވަސް ކުރިން - 14:14

އައްޑޫ ފެން ޕްލާންޓަށް ދިމާވި މައްސަލަ ޙައްލުކޮށްފި

ފެނަކައިން ބުނެފައިވަނީ އައްޑޫ ސިޓީގެ ގުޅިފައިވާ ރަށްތަކަށް ފެން އުފައްދާ އާރްއޯ ޕްލާންޓުގެ ބޯރްހޯލް ޕަންޕަށް މައްސަލައެއް ދިމާވެގެން ފެން ޕްލާންޓް ހުއްޓިފައިވަނީ މިއަދު ހެނދުނު ކަމަށާއި، މިހާރު އެ މައްސަލަ ޙައްލުކޮށް، ފެން ޕްލާންޓް އޮޕަރޭޝަނަށް ގެނެސްފައިވާ ކަމަށް.

775 ދުވަސް ކުރިން - 14:05

އުރީދޫއިން އައިފޯން 16 ޕްރީއޯޑަރ ކުރި ފަރާތްތަކަށް ފޯނު ޙަވާލުކޮށްފި

އައިފޯން 16 ޕްރީއޯޑަރ ކުރުމަށް އުރީދޫއިން ހުޅުވާލައިފައިވަނީ މިދިޔަ ހުކުރު ދުވަހު. އުރީދޫއިން އައިފޯން 16 ޕްރީއޯޑަރ ކުރަން ފެށޭ އަގަކީ 24,899 ރުފިޔާ. އަދި ޕްރޯ މެކްސް ފެށޭ އަގަކީ 27,199 ރުފިޔާ.

777 ދުވަސް ކުރިން - 16:14

ކޮންމެ މަސްއޫލިއްޔަތަކީ، މާތް ﷲ އެ ފަރާތަކާ ޙަވާލުކުރައްވައިފައިވާ ވަރަށް ބޮޑު އަމާނާތެއް: ޚުތުބާ

ޚުތުބާގައި ބުނީ އަހަރެމެންގެ ތެރެއިން ކޮންމެ މީހަކު ވެސް، އަދާކުރާ ވަޒީފާތަކާއި މަސްއޫލިއްޔަތުތަކަކީ އަމާނާތެއް ކަމަށާއި، ވަޒީފާ އަދާކުރުމުގައި ތެދުވެރިވެ، އިޚްލާޞްތެރިވާން ޖެހޭ ކަމަށް. އަދި ކަންކަން ކުރުމުގައި ރައްޔިތުންގެ ޙައްޤުތަކަށާއި ޤައުމީ މަޞްލަޙަތަށް އިސްކަންދޭން ޖެހޭ ކަމަށް ޚުތުބާގައި ވަނީ ބުނެފައި. އަދި ޤައުމުގެ ވަޙްދަތާއި ސިޔާދަތު ދެމެހެއްޓުމީ، އެންމެންގެ މަސްއޫލިއްޔަތެއް އަދި ވާޖިބެއް ކަމަށް ޚުތުބާގައި ބުނި.

778 ދުވަސް ކުރިން - 13:09

ނުރައްކާތެރި ކެމިކަލް ގެންގުޅޭ ފަރާތްތަކުން ޤަވާޢިދާ އެއްގޮތަށް ޢަމަލުކުރޭތޯ ބެލުމަށް ޚާއްސަ އޮޕަޜޭޝަނެއް ފަށަނީ

ނުރައްކާތެރި ކެމިކަލް އެތެރެކޮށް ގެންގުޅުމާއި ގުދަންކުރުމުގައި ޢަމަލުކުރުމަށް ދިވެހިރާއްޖޭގައި ހެދިފައިވާ ޤާނޫނުތަކާއި ޤަވާޢިދުތަކަށް އާންމުން ހޭލުންތެރި ކުރުމުގެ ޚާއްސަ އޮޕަރޭޝަނެއް "އޮޕަރޭޝަން ހިރާސް ފާސް" ގެ ނަމުގައި އޮކްޓޯބަރު އެކަކުން ފެށިގެން، ކުރިއަށް ގެންދިއުމަށް ނިންމާފައިވާކަމަށް މިނިސްޓްރީން ބުނި. މި އޮޕަރޭޝަން ކުރިއަށްގެންދާނީ ޒޯންތަކަށް ބަހާލައިގެން ކަމަށް މިނިސްޓްރީން ވަނީ ބުނެފައި.

778 ދުވަސް ކުރިން - 19:02