އަައިޝަތު ޒީނާ

1484 ލިޔުން

ރާއްޖެ އައި ފަތުރުވެރިންގެ އަދަދު 8 ލައްކަ އަށް އަރައިފި

ޓޫރިޒަމް މިނިސްޓްރީން އާންމުކޮށްފައިވާ ތަފާސްހިސާބުތައް ދައްކާގޮތުން މި މަހުގެ 11 ވަނަ ދުވަހުގެ ނިޔަލަށް 822,723 ފަތުރުވެރިން ވަނީ ރާއްޖެ އައިސްފައެވެ. މިއީ މިދިޔަ އަހަރުގެ މި މުއްދަތާ އަޅާ ބަލާއިރު %11.9 ކުރިއެރުމެކެވެ.

914 ދުވަސް ކުރިން - 19:35

ޕީސީބީއަށް އައްޔަންކުރި 6 މެމްބަރުންނަށް މަޖިލީހުން ރުހުންދީފި

ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) ބޯޑަށް ރައީސުލްޖުމްހޫރިއްޔާ ޑރ މުޙައްމަދު މުޢިއްޒު އައްޔަންކުރެއްވި ހަ މެމްބަރުންނަށް ރައްޔިތުންގެ މަޖިލީހުން ރުހުންދީފިއެވެ. މެމްބަރުންނަށް ރުހުން ހޯދުމަށް ވޯޓު ނަގާފައިވަނީ ކޮންމެ މެމްބަރަކަށް ވަކިވަކިންނެވެ.

914 ދުވަސް ކުރިން - 19:32

ގާ ހުދުވާތީ އަޅާފައިވާ ފިޔަވަޅުތަކަށް އެއްބާރުލުންދޭން މަޓީ އިން ގޮވާލައިފި

މަޓީ އިން ބުނީ ގާ ހުދުވުމުގެ މައްސަލައަކީ މިހާތަނަށް ރެކޯޑުކުރެވިފައިވާ އެންމެ ސީރިއަސް މައްސަލަކަމަށް މާހިރުން ބުނާކަމަށެވެ. ނަމަވެސް އީޕީއޭއިން އަޅަން އިލްތިމާސްކޮށްފައިވާ ފިޔަވަޅުތައް އަޅައިފިނަމަ ގާ ހުދުވުމުގެ މައްސަލަ ކުޑަކުރެވޭނެކަމުގެ ޔަޤީންކަން އެބަ އޮތް ކަމަށް މަޓީ އިން ބުންޏެވެ. ރާއްޖޭގެ ގިނަ ސަރަހައްދުތަކަކުން ގާހުދުވާ ކަމުގެ ރިޕޯޓާއި އެކަމާއި ގުޅޭ މަޢުލޫމާތު ލިބެމުންދާކަމަށް އީޕީއޭއިން ވަނީ ބުނެފައެވެ.

914 ދުވަސް ކުރިން - 21:50

10,000 އަށްވުރެ ގިނަ ޑޮލަރު ބޭރުކުރާނަމަ ސުވާލުކުރަނީ

ރާއްޖެއިން ބޭރަށް 10,000 އަށްވުރެ ގިނަ އަދަދެއްގެ ފައިސާ ގެންދާނަމަ އެ ފައިސާ ޑިކްލެއާކުރަން އޮންނަ އުސޫލު ހަރުކަށިކޮށްފިއެވެ. މިނިސްޓަރ އިހުސާން ވިދާޅުވީ އެހާ ގިނަ އަދަދެއްގެ ފައިސާ ހިފައިގެން ރާއްޖެއިން ބޭރަށްދާނަމަ އެ ފައިސާ ހިފަހައްޓާ، ރަނގަޅަށް ޑިކްލެއާކުރެވިގެން ދާނެ ކަމަށެވެ. އަދި އެ ފައިސާ ހޯދީ ކޮންތާކުން އަދި ކިހިނެތްތޯ ސުވާލުކުރާނެ ކަމަށާއި އެއީ ތިމަންނަގެ ފައިސާކަން ސާބިތުކޮށްދެވެން ޖެހޭނެކަމަށް އިހުސާން ވިދާޅުވިއެވެ

914 ދުވަސް ކުރިން - 21:37

ޑިވެލޮޕްމަންޓް ބޭންކް ޖުލައި މަހު ހުޅުވަނީ

ސައީދު ވިދާޅުވީ ރާއްޖޭގައި ފުރަތަމަ ފަހަރަށް ޤާއިމްކުރާ ޑިވެލޮޕްމަންޓް ބޭންކް އަންނަ ޖުލައި މަހު ހުޅުވާނެ ކަމަށާއި އެ ބޭންކާއެކު ރާއްޖޭގެ ތާރީޚަށް އިންޤިލާބީ ބަދަލެއް ގެނެވޭނެ ކަމަށެވެ. ސައީދު ވިދާޅުވީ އެ ބޭންކުގައި ސަރުކާރުގެ އިތުރުން އަމިއްލަ ފަރާތްތަކުގެވެސް ޙިއްސާ އޮންނާނެ ކަމަށެވެ. އަދި މިހާރުވެސް ބޭރުގެ ބައެއް އިންވެސްޓަރުން އެ މަޝްރޫޢަށް ޝައުޤުވެރިކަން ފާޅުކޮށްފައިވާ ކަމަށް ސައީދު ވިދާޅުވިއެވެ.

914 ދުވަސް ކުރިން - 21:22

އެސްއީޒެޑްގެ ބިޔަ ދެ މަޝްރޫޢު ދުބާއީގެ 'އިފްޒާ' ކުންފުންޏާ ހަވާލުކޮށްފި

ސްޕެޝަލް އިކޮނޮމިކް ޒޯންގެ މަސައްކަތް ކުރިއަށްގެންދިއުމަށް އިކޮނޮމިކް މިނިސްޓްރީން ދުބާއީގެ އިންޓަނޭޝަނަލް ފްރީ ޒޯން އޮތޯރިޓީ (އިފްޒާ) އާ ހަވާލުކޮށްފިއެވެ. އިފްޒާއާ ހަވާލުކޮށްފައިވަނީ ރާއްޖޭގެ އުތުރުން އިހަވަންދިއްޕޮޅުގައި ތަރައްޤީކުރާ މޯލްޑިވްސް އިކޮނޮމިކް ގޭޓްވޭ އަދި ކ. ފުނަދޫގައި ޤާއިމްކުރަން ނިންމާފައިވާ ސްޕެޝަލް އިކޮނޮމިކް އެންޑް ފައިނޭންޝަލް ސަރވިސް ޒޯނުގެ މަސައްކަތް ކުރިއަށް ގެންދިއުމަށެވެ.

915 ދުވަސް ކުރިން - 21:08

ކޫއްޑޫއިން ފައިލޭރިއާ ޖެހިފައިވާ 3 ބިދޭސީން ފެނިއްޖެ

މިފްކޯގެ މީޑިއާ އޮފިޝަލް އިބްރާހިމް ސަޢީދު މިއަދު ވިދާޅުވީ ކޫއްޑޫ މަސް ފެކްޓްރީގައި މަސައްކަތް ކުރާ ތިން ބިދޭސީއަކު ފައިލޭރިއާއަށް ޕޮޒިޓިވް ވެފައިވާކަމަށެވެ. ސައީދު ވިދާޅުވީ ފައިލޭރިއާއަށް ޕޮޒިޓިވް ވި ތިން މީހުންނަކީ ވެސް އިންޑިއާ މީހުން ކަމަށާއި ގއ. ވިލިނގިލީގައި ހުންނަ އަތޮޅު ހޮސްޕިޓަލުން އެމީހުން ފަރުވާ ހޯދާފައިވާކަމަށެވެ.

915 ދުވަސް ކުރިން - 20:01

ކުށުގެ ވެށީގައި އުޅޭ ކުދިން އިސްލާޙުކުރަން ޚާއްސަ ރަށެއް ކަނޑައަޅަނީ

ކުށުގެ ވެށީގައި އުޅޭ ކުދިން އިސްލާހުކުރަން ވަކި ރަށަކަށް ގެންގޮސް ދިގު މުއްދަތަކަށް ރިހެބިލިޓޭޝަން ޕްރޮގްރާމްތަކެއް ހިންގަން ރާވަމުން އަންނަ ކަމަށް ހޯމް މިނިސްޓަރ އަލީ އިހުސާން ވިދާޅުވެއްޖެއެވެ. "ހޯޕް އައިލެންޑް"ގެ ނަމުން ޚާއްސަކުރާ އެރަށުގައި ހިންގޭ ޕްރޮގްރާމްތަކުގެ ތެރެއިން ކުދިންނަށް ދީނީ ތަޢުލީމާއި ރަސްމީ ތަޢުލީމުގެ އިތުރުން ކޮންޓެކްޓް ސްޕޯޓްސް އަދި ސައިކޯސޯޝަލް އިންޓަވެންޝަން ޕްރޮގްރާމްތައް ހިންގޭނެ ކަމަށް އިހުސާން ވިދާޅުވިއެވެ.

915 ދުވަސް ކުރިން - 19:46

ފަލަސްތީނުގެ ތާރީޚުގައި އައި އެންމެ އަނދިރި މައިންގެ ދުވަސް

އިޒްރޭލުން ފަލަސްތީނުގައި ހިންގަމުން އަންނަ ނިރުބަވެރި ޙަމަލާތަކަށް ހަތް މަހަށް ވުރެ ގިނަ ދުވަސް ވެފައިވާއިރު، ގާޒާގެ ރައްޔިތުން ދިރިއުޅެމުން އަންނަނީ ނުރައްކާތެރި ޙާލަތެއްގައެވެ. ރިޕޯޓުތައް ބުނާގޮތުން މިއަހަރުގެ ބައިނަލްއަޤްވާމީ މަންމައިންގެ ދުވަހަކީ ފަލަސްތީނުގެ ތާރީޚުގައިވެސް މައިންނަށް އެންމެ އަނދިރި މަންމައިންގެ ދުވަހެވެ.

915 ދުވަސް ކުރިން - 17:23

ދެކުނުގެ އަތޮޅުތަކަށް ހުޅަނގު މޫސުން ފެށިއްޖެ

މޫސުމާ ބެހޭ އިދާރާއިން ބުނީ މި އަހަރުގެ ހުޅަނގު މޫސުން ދެކުނުގެ އަތޮޅުތަކަށް ފެށިފައިވަނީ އިއްޔެ ކަމަށެވެ. ހުޅަނގު މޫސުން ފެށުނުކަމަށް ބަލާ މިންގަނޑަކީ މެއި މަހުގެ އެއްވަނަ ދުވަހުގެ ފަހުން ދެކުނުގެ އަތޮޅުތަކަށް 2.5 މިލިމީޓަރު ނުވަތަ އިތުރަށް ވާރޭ ވެހުން ކަމަށާއި އަދި އެ ހާލަތު ވިދިވިދިގެން ދެ ދުވަހަށް ނުވަތަ އިތުރަށް ދެމިގެން ދިއުން ކަމަށް މޫސުމާ ބެހޭ އިދާރާއިން ބުންޏެވެ.

916 ދުވަސް ކުރިން - 00:00

ކުރަނގި އޮޕަރޭޝަންގެ ތެރެއިން 532 ބިދޭސީ މަސައްކަތްތެރިންގެ މަޢުލޫމާތު ހޯދައިފި

ކުރަނގި އޮޕަރޭޝަން ފަށާފައިވަނީ މި މަހުގެ 2 ވަނަ ދުވަހު ކ. ހިންމަފުށީގައެވެ. މި އޮޕަރޭޝަނާ ގުޅޭ ގޮތުން މިނިސްޓަރ އިހުސާން އެކްސްގައި މިއަދު ކުރެއްވި ޕޯސްޓެއްގައި ވިދާޅުވީ މިހާތަނަށް އެރަށުގައި މަސައްކަތް ކުރަމުންދާ 532 ބިދޭސީ މަސައްކަތްތެރިންގެ ބަޔޮމެޓްރިކް ޑާޓާ (10 އިނގިލީގެ ނިޝާން އަދި ފޭޝަލް ރެކޮގްނިޝަން ހެދޭވަރުގެ ފޮޓޯ) ނަގާ، ބިދޭސީ މަސައްކަތްތެރިންގެ މަޢުލޫމާތު ބަލަހައްޓާ ސިސްޓަމަށް އަޕްލޯޑުކޮށްފައިވާ ކަމަށެވެ.

916 ދުވަސް ކުރިން - 23:42

ބިންހިއްކުމާއި ފަޅުކޮނުން ފަދަ މަސައްކަތްތައް ވަގުތީ ގޮތުން ހުއްޓާލަން އަންގައިފި

މިއަދުން ފެށިގެން އަންނަ ޖޫން މަހުގެ 10 ވަނަ ދުވަހުގެ ނިޔަލަށް އީޕީއޭ އިން ވަނީ ތަރައްޤީގެ މަޝްރޫޢުތަކުގެ ތެރެއިން ފަރުތަކަށް ސީދާ އަދި ނުސީދާ ގޮތުން އަސަރުކުރާ މަސައްކަތްތަކާއި، އީ.އައި.އޭ އާއި ބިންހިއްކުމާއި ފަޅު ފުންކުރުމުގެ ހުއްދައިގައި ބަޔާންކޮށްފައިވާ ގޮތުގެ މަތިން ވަގުތީ ގޮތުން ހުއްޓާލަން އަންގާފައެވެ. އެގޮތުން ބިންހިއްކުން، ފަޅުކޮނުން، ގޮނޑުދޮށަށް ވެލިއެޅުން، ޕަމްޕު ބޭނުންކޮށްގެން ވެލި ނެގުން، ފަރުމަތީ ހޮޅި އަދި ކޭބަލް އެޅުން، ބަންޑުވޯލް ޖެހުން އަދި މިނޫނަސް މެޝިނަރީ ބޭނުންކޮށްގެން ފަރުމަތީގައި މަސައްކަތް ކުރުން ވަނީ މަނާކޮށްފައެވެ.

917 ދުވަސް ކުރިން - 21:10