ފާތިމަތު އަނަން މުހައްމަދު

237 ލިޔުން

ވައިކަރަދޫ ޒުވާނުންނަށް ތަރައްގީކުރާ ސްކޭޓްޕާކުގެ އަމަލީ މަސައްކަތް ބާރު ސްޕީޑެއްގައި ކުރިއަށްދަނީ

މިނިސްޓްރީ އޮފް ޔޫތު އެމްޕަވަމެންޓް، ސްޕޯޓްސް އެންޑް ފިޓްނަސްގެ ބަޖެޓުން ހިމަނައިގެން ކުރިއަށްގެންދާ މި މަޝްރޫއުގެ ދަށުން ސްކޭޓްޕާކުގެ އިތުރުން ފުޓުބޯޅަ ދަނޑާއި، ހޭންޑްބޯޅަ ކޯޓާއި، އައުޓްޑޯ ޖިމެއްވެސް ތަރައްގީކުރުމަށް ވަނީ ހަމަޖެހިފަ. މިއީ ވައިކަރަދޫ ޒުވާނުންނަށް އަމާޒުކޮށްގެން ކުރިއަށްގެންދާ މުހިންމު މަޝްރޫއެއް.

3 ދުވަސް ކުރިން - 18:41

ސަރުކާރުގެ 100 އިންސައްތަ ހިއްސާވާ "ދިވެހީންގެ ރިޒޯޓް ހިއްސާ ކޯޕަރޭޝަން" އުފައްދަވައިފި

ކުރިއަށް އޮތް 3 އަހަރުގެ ތެރޭގައި މި ކުންފުނި މެދުވެރިކޮށް މަދުވެގެން 10 ރިސޯޓު ތަރައްގީކޮށް، ދިވެހި ކޮންމެ ރައްޔިތަކީ އެތަންތަނުގެ ހިއްސާދާރަކަށް ހެދުމަށް ވަނީ ނިންމާފަ. ފައިސާ ޖަމާކުރާނީ އެމީހެއްގެ ބޭންކް އެކައުންޓަށް.

3 ދުވަސް ކުރިން - 17:16

ރިވެލި އެވޯޑު 2026 ހަވާލުކުރުމުގެ ހަފްލާ ބާއްވައިފި: 8 ފަރާތަކަށް އެވޯޑު ލިބިއްޖެ

6 ދާއިރާއަކުން 25 ފަރާތަކުން ނަން ހުށަހެޅި މި އެވޯޑު 8 ފަރާތަކުން ހާސިލުކުރި. މީގެ އިތުރުން، އަޑުއިވުމުގެ ނުކުޅެދުންތެރިކަން ހުންނަ ފަރާތަކުން ފުރަތަމަ ފަހަރަށް ގައުމީ ޔުނިވަރސިޓީން ޑިގްރީ ހާސިލުކުރުމާ ގުޅިގެން އިސްމާއީލް ރާހިލްއަށް ހާއްސަ ހަނދާނީ ފިލައެއް ވަނީ އަރުވާފަ.

4 ދުވަސް ކުރިން - 21:25

ނުކުޅެދުންތެރިކަން ހުންނަ ފަރާތްތައް މުޖުތަމައުގެ އެންމެ ކުރީ ސަފަށް ނެރުމަކީ ރައީސްގެ އިސް ސިޔާސަތެއް: ގީލާ

ރިވެލި އެވޯޑަކީ ނުކުޅެދުންތެރިކަން ހުންނަ ފަރާތްތަކުގެ އުފެއްދުންތެރިކަމާއި، ހިދުމަތްތެރިންގެ އަގުވަޒަންކުރުމުގެ އިތުރުން، އެ ފަރާތްތަކަށް ވަޒީފާގެ ފުރުސަތުތައް ފަހިކޮށްދީ އިގްތިސާދީގޮތުން ބާރުވެރި ކުރުވުމަށް ލިބޭ ބޮޑު ހިތްވަރެއް. މިނިސްޓަރ ވިދާޅުވި ގޮތުގައި ރިވެލި އެވޯޑަކީ ޝަރަފަކަށްވުރެ ފުން މާނައެއް އެކުލެވޭ އަގުހުރި އެވޯޑެއް ކަމަށް.

4 ދުވަސް ކުރިން - 21:15

ކުއްލި މޫސުމީ އިންޒާރުތައް ވަގުތުން ލިބޭގޮތަށް "މޫސުން" އެޕް އަޕްގްރޭޑްކޮށްފި

ޔޫއެންޑީޕީއާއި މެޓް އޮފީސް ގުޅިގެން ހިންގާ މި ޕްރޮޖެކްޓަކީ މޫސުމީ ނުރައްކާތަކުން ރައްކާތެރިވުމުގެ ނިޒާމުތައް ވަރުގަދަކުރުމަށް ޗައިނާ ސަރުކާރުގެ ފަންޑިންގާއެކު ކުރިއަށްދާ ހަރަކާތެއް. މެޓް އޮފީހުގެ އާ ވެބްސައިޓު މިހާރު އާންމުންނަށް ބޭނުންކުރެވޭނެ.

4 ދުވަސް ކުރިން - 20:24

ގާބިލު ފުލުހެއްގެ ކިބައިގައި އިލްމީ އަދި ނަފްސާނީ ގާބިލުކަން ހުރުން ލާޒިމު: ސީޕީ

ޒަމާނީ ފުލުހުންގެ ހިދުމަތް ބިނާވެގެންވަނީ ކުށް ހިންގުމުން ހަމައެކަނި ތަހުގީގު ކުރުމުގެ މައްޗަށް ނޫން ކަމަށާއި، ކުށް އުފެދެން މެދުވެރިވާ އިޖުތިމާއީ، އިގުތިސާދީ އަދި ނަފްސާނީ ސަބަބުތައް ހޯދައި "އެވިޑެންސް ބޭސްޑް ޕޮލިސިންގ" ތަންފީޒުކުރުމުގެ މައްޗަށް.

4 ދުވަސް ކުރިން - 20:23

ކޮރަޕްޝަން ތަހުގީގުކުރާނެ ފަންނީ އިންވެސްޓިގޭޓަރުން ބިނާކުރަން 2027 ގައި ޑިޕްލޮމާ ކޯހެއް ފަށަނީ

މި ކޯހަކީ ބައިނަލްއަގްވާމީ ފެންވަރުގެ ޒަމާނީ ހުނަރުތަކާއެކު، ގާނޫނީ ގޮތުން ހެކި ހޯދުމާއި، ޑިޖިޓަލް އަދި މާލީ ފޮރެންސިކްސް އަދި އިންޓެލިޖެންސް ތަހުލީލުކުރުމުގެ ހުނަރުތައް ދަސްކޮށްދިނުމަށް ފަރުމާކޮށްފައިވާ ޕްރޮގްރާމެއް.

7 ދުވަސް ކުރިން - 15:34

ތިމަރަފުށީ ބަނދަރު ތަރައްގީކުރުމުގެ މަސައްކަތް ބާރަށް ކުރިއަށް

ތ. ތިމަރަފުށީ ބަނދަރު ތަރައްގީކުރުމުގެ މަޝްރޫއުގެ ދަށުން، އެއްގަމުތޮށި ލުމަށް ބޭނުންވާ ކޮންކްރީޓް ބްލޮކް އެތުރުމުގެ މަސައްކަތް އެމްޓީސީސީން މިހާރު ވަނީ ފަށާފަ. މި މަޝްރޫއު ނިމުމުން ތިމަރަފުށީގެ ވިޔަފާރިއާއި ފަތުރުވެރިކަމަށް އަންނަ ކުރިއެރުމާއެކު އުޅަނދުފަހަރަށް ޖާގައިގެ ދަތިކަން ހައްލުވެ، މުދާ އުފުލައިބޭލުމަށް ބޮޑު ލުޔެއް ލިބިގެންދާނެ.

8 ދުވަސް ކުރިން - 12:17

ނިއުޔޯކް ސްޓޭޓް ސެނެޓުގެ ގޮނޑި ފުރަތަމަ ފަހަރަށް ބުރުގާ އެޅި ފަލަސްތީން އަންހެނަކު ކާމިޔާބުކޮށްފި

ކަވާސްގެ ކެމްޕޭން ބިނާކުރީ އަގުހެޔޮ ބޯހިޔާވަހިކަމާއި، އެންމެންނަށް ސިއްހީ ހިދުމަތް ކަށަވަރުކުރުމާއި، އިމިގްރަންޓުންގެ ހައްގުތައް ހިމާޔަތްކުރުމުގެ އިތުރުން، ފަލަސްތީނުގެ ހިފާފައިވާ ބިންތަކުގައި ވަޒަންވެރިވާ އިސްރާއީލު އާބާދީތަކަށް އެމެރިކާގެ ޖަމްއިއްޔާތަކުން ފައިސާ ފޮނުވުން ހުއްޓުވުމުގެ މައްޗަށް.

8 ދުވަސް ކުރިން - 11:06

އެމެރިކާގެ ސެނެޓަށް ފުރަތަމަ ފަހަރަށް މުސްލިމަކު އިންތިހާބުވެ ތާރީހު ބަދަލުކޮށްލައިފި

ކެމްޕޭން ތެރޭގައި އޭނާގެ ދީނީ ހުވިއްޔަތާ ގުޅުވައިގެން ރިޕަބްލިކަން ޕާޓީން ބޮޑެތި ތުހުމަތުތަކެއް ކުރި ނަމަވެސް، ކާމިޔާބީއަށްފަހު އޭނާ ވަނީ މިއީ އެންމެން ގުޅިގެން ނަފުރަތުގެ މައްޗަށް ހޯދި ބޮޑު ކާމިޔާބީއެއް ކަމަށް ވިދާޅުވެފަ.

8 ދުވަސް ކުރިން - 10:41

މާލޭ ބަނދަރުގެ މައްސަލައަށް އަމަލީ ހައްލެއް ގެނެސްދެއްވީ ރައީސް މުޢިއްޒު: މިނިސްޓަރު ސައީދު

2026 ޑިސެމްބަރުގެ ނިޔަލަށް ދޯނިން އުފުލާ މުދާ ކްލިއަރ ކުރުން އެއްކޮށް ތިލަފުއްޓަށް ބަދަލުކުރެވި، 2027 ނޮވެމްބަރު މަހަށް ބަނދަރުގެ ހުރިހާ މަސައްކަތެއް ނިންމައި ފުލް އޮޕަރޭޝަނަށް ގެނައުމަށް ވަނީ އަމާޒުހިފާފަ.

8 ދުވަސް ކުރިން - 15:32

ނޮވެމްބަރު 3 ގެ ރެކީ ޕެޓްރޯލްގެ ބާނީންގެ ތެރެއިން ދުނިޔޭގައި ތިއްބެވި 5 ބޭފުޅުންނަށް "ނޮވެމްބަރު 3 ގެ އައްޑަނަ" އަރުވައިފި

އައްޑަނަ ލިބިވަޑައިގެންނެވީ ސަރޖެންޓް ފަސްޓްކްލާސް (ރިޓަޔަރޑް) އިބްރާހީމް ޝަރީފާއި، ސްޓާފް ސަރޖެންޓް (ރިޓަޔަރޑް) ހުސައިން އަލީއާއި، ސަރޖެންޓް (ރިޓަޔަރޑް) ހުސައިން މަނިކުގެ އިތުރުން ކޯޕްރަލް (ރިޓަޔަރޑް) އަބްދުﷲ ނަސީމް އަދި ލާންސް ކޯޕްރަލް (ރިޓަޔަރޑް) އަބްދުﷲ މުފީދަށް.

9 ދުވަސް ކުރިން - 11:31