ފާތިމަތު އަނަން މުހައްމަދު

237 ލިޔުން

މިއަހަރުގެ ޖުލައި މަހު މުދަލު ޒަކާތުގެ ގޮތުގައި 17.3 މިލިއަން ރުފިޔާ ލިބިއްޖެ

ފަގީރުންނާއި މިސްކީނުންގެ ބަޔަށް 1.75 މިލިއަން ރުފިޔާ ދޫކޮށްފައިވާއިރު، އޭގެ ތެރޭގައި ބޭސްފަރުވާގެ އެހީގެ ގޮތުގައި ދޫކުރި 1.48 މިލިއަން ރުފިޔާއާއި، ބޯހިޔާވަހިކަމުގެ އަސާސީ ބޭނުންތަކަށް ދޫކުރި 155,950 ރުފިޔާގެ އިތުރުން އެހެނިހެން ޒަރޫރީ ބޭނުންތަކަށް ދޫކުރި 115,250 ރުފިޔާ ހިމެނޭ.

74 ދުވަސް ކުރިން - 13:12

ހުޅުމާލޭގައި އެކްސިޑެންޓުތައް މަދުކުރުމަށް ފުލުހުންނާއި އެޗްޑީސީން ހާއްސަ ފިޔަވަޅުތަކެއް އަޅަނީ

މަގުތަކުގައި ފުލުހުން ހަރަކާތްތެރިވާ މިންވަރު އިތުރުކުރުމާއި، ގަވާއިދާ ހިލާފަށް ދުއްވާ ފަރާތްތަކާމެދު ގާނޫނީ ފިޔަވަޅު އަވަސްކުރުމާއި، ޓްރެފިކް މެނޭޖްކުރުން ހަރުދަނާކުރުމާއި، ކަފިހިހުރަސްތަކުގައި ޕެޑެސްޓްރިއަން ލައިޓް ހަރުކުރުމާއި، ދުވާރުމަތީގައާއި ކަންމަތީގައި ގަވާއިދާ ހިލާފަށް ޕާކުކުރުން ހުއްޓުވުމުގެ އިތުރުން، އާންމުން ހޭލުންތެރިކުރުމުގެ ޕްރޮގްރާމްތައް ދެ މުއައްސަސާ ގުޅިގެން ހިންގުމަށް ވަނީ ރޭވިފަ.

74 ދުވަސް ކުރިން - 13:11

ޕިންކް ފްލޮއިޑްގެ ރޮޖާ ވޯޓާސް ފަލަސްތީނުގެ ޑޮކިއުމެންޓްރީ ފިލްމަކާ ގުޅިއްޖެ

މި ޑޮކިއުމެންޓްރީއަކީ ފަލަސްތީނުގެ ކުރީގެ ރެސިސްޓެންޓް ފައިޓަރ އަދި އާޓިސްޓު އަހުމަދު ތޮބާސީގެ ދިރިއުޅުމާއި، ޖެނީން ރެފިއުޖީ ކޭމްޕުގައި ހުންނަ މަޝްހޫރު "ފްރީޑަމް ތިއޭޓާ" ގެ މައްޗަށް ބިނާކޮށް ތައްޔާރުކުރާ ފިލްމެއް. މި ފިލްމުގެ ޓީމުން ދަނީ ބައިނަލްއަގްވާމީ ފިލްމު ފެސްޓިވަލްތަކުގައި ފިލްމު ދެއްކުމަށް ރާވަމުން.

74 ދުވަސް ކުރިން - 13:09

ގައުމީ އިންޖިނިއަރުންގެ ދުވަހުގެ ކުޑަކުދިންގެ ހަވީރުގައި އެމްއޭސީއެލްއިން އެއާޕޯޓް އިންޖިނިއަރުންގެ މަސައްކަތްތައް ދައްކާލައިފި

މި ހަރަކާތުގެ މައިގަނޑު މަގްސަދަކީ ގައުމުގެ ތަރައްގީގައި އިންޖިނިއަރިންގ ދާއިރާގެ މުހިންމުކަން ކުޑަކުދިންނަށް އޮޅުންފިލުވައިދީ، ފަންނީ މަސައްކަތްތަކަށް އެކުދިންގެ ޝައުގުވެރިކަން އިތުރުކުރުން. މި ހަރަކާތުގެ ތެރެއިން އެމްއޭސީއެލްގެ އިންޖިނިއަރުން ވަނީ ބައިވެރިންނަށް އަމަލީ ތަޖުރިބާ ހިއްސާކޮށް، އެއާޕޯޓު ހިންގުމުގެ ދާއިރާއިން ފަހިވެފައިވާ އިންޖިނިއަރިންގ ފުރުސަތުތަކާ ބެހޭ މައުލޫމާތު ފޯރުކޮށްދީފަ.

74 ދުވަސް ކުރިން - 19:52

އެންސްޕާގެ އިޖްތިމާއީ ރައްކާތެރިކަމުގެ ޕްރޮގްރާމްތަކަށް ރީ-ރަޖިސްޓަރީވުމުގެ ފުރުސަތު ހުޅުވާލައިފި

އެހީ މެދުކެނޑުމެއްނެތި ކުރިއަށް ގެންދަން ބޭނުންވާ ފަރާތްތަކުން 30 ނޮވެންބަރު 2026 ގެ ކުރިން އަލުން ފޯމު ހުށަހަޅަންޖެހޭ. މައުލޫމާތު ސާފުކުރުމަށް، ހުކުރު ދުވަސް ފިޔަވައި ކޮންމެ ދުވަހަކު ހެނދުނު 8:00 އިން ރޭގަނޑު 10:00 އަށް އެންސްޕާގެ ހޮޓްލައިން 1402 އަށް ގުޅުއްވާ.

74 ދުވަސް ކުރިން - 19:50

މ. މަޑުއްވަރީގައި މުޅިން އަލަށް ތަރައްގީކުރި އައުޓްޑޯ ވޮލީ ކޯޓު ހުޅުވައިފި

މިއީ އަތޮޅުތަކުގެ ރަށްރަށުގައި ވޮލީބޯޅަ ކޯޓުތައް ތަރައްގީކުރުމަށް ސަރުކާރުން ކުރިއަށްގެންދާ މަޝްރޫއުގެ ދަށުން ނިންމައި ހުޅުވި ކޯޓެއް. މިނިސްޓަރީ އޮފް ޔޫތު އެމްޕަވަރމަންޓް، ސްޕޯޓްސް އެންޑް ފިޓްނަސްއިން މައުލޫމާތުދޭ ގޮތުގައި، އަތޮޅުތެރޭގެ އެކި ރަށްރަށުގައި 10 ވޮލީ ކޯޓު ތަރައްގީކުރުމުގެ މަސައްކަތް މިހާރުވެސް ދަނީ ކުރިއަށް.

75 ދުވަސް ކުރިން - 13:25

ވިއެނާ މިއުޒިއަމަކުން މިސްރުގެ ރާނީގެ 673 ޑައިމަންޑުގެ ހާރު ވަގަށް ނަގައިފި!

މި ހާރު ވަގަށް ނަގާފައިވަނީ އާންމު ޒިޔާރަތްތެރިންގެ ގޮތުގައި މިއުޒިއަމަށް ވަތް ދެ މީހަކު، ހާރު ބަހައްޓާފައި ހުރި ބިއްލޫރި ކޭސް ހަލާކުކޮށްލުމަށްފަހުގަ. ޔޫރަޕުގެ މިއުޒިއަމްތަކުން ތާރީހީ އަގުހުރި ތަކެތި ވަގަށް ނެގުމުގެ ހާދިސާތައް އިތުރުވަމުންދާތީ، މިއުޒިއަމްތަކުގެ ސެކިއުރިޓީއާމެދު މިހާރު ވަނީ ކަންބޮޑުވުންތައް އުފެދިފަ.

75 ދުވަސް ކުރިން - 13:22

ވެސްޓް ބޭންކުގައި ފަލަސްތީނު އަންހެނަކަށާއި އެންބީސީގެ ޓީމަކަށް އިސްރާއީލު ވަޒަންވެރިން ހަމަލާދީފި

މި ހަމަލާގައި އެންބީސީގެ ކޮރެސްޕޮންޑެންޓް މެޓް ބްރެޑްލީގެ އަތަށް ދެފަހަރެއްގެ މަތިން ހަމަލާދީފައިވާއިރު، އޭނާއާއި ޓީމުގެ އިތުރު ތިން މެންބަރަކަށް ވަނީ ކްލިނިކަކުން ފަރުވާދީފަ. ތަފާސްހިސާބުތައް ދައްކާގޮތުން އަހަރުގެ މިހާތަނަށް އިސްރާއީލު ސިފައިންނާއި ވަޒަންވެރިންގެ ހަމަލާތަކުގައި ވެސްޓް ބޭންކުން 76 ފަލަސްތީނުން ވަނީ ޝަހީދުވެފަ.

75 ދުވަސް ކުރިން - 11:13

މުޖުތަމައުގެ އިސްލާމީ ކަރާމާތް ދެމެހެއްޓުން އެންމެންގެ ޒިންމާއަކަށް ހަދަންޖެހޭ: ހުތުބާ

މައިންބަފައިންނަށް އިހުސާންތެރިވުމަށާއި، މިސްކިތްތަކުގެ ހުރުމަތް ދެމެހެއްޓުމަށް އިލްތިމާސްކުރެއްވި. އަދި ވިޔަފާރީގައި ތެދުވެރިވެ ހަރާމް ފައިސާއިން ދުރުހެލިވުމުގެ މުހިންމުކަން ފާހަގަކުރައްވައި، ޔަތީމު ކުދިންނާއި ލޭއަޅާ ކުދިން ފަދަ އެހީތެރިކަމަށް ބޭނުންވާ ފަރާތްތަކަށް އޯގާތެރިވުމަކީ މުޅި މުޖުތަމައުގެ މައްޗަށް އޮތް ވާޖިބެއްކަމަށް ގޮވާލެއްވި.

77 ދުވަސް ކުރިން - 13:30

ނޭޕާލްގެ ކާރިސާ: އިތުރު ބިރެއް ކުރިމަތިވެ ރެސްކިއު މަސައްކަތްތައް ވަގުތީގޮތުން މެދުކަނޑާލައިފި

ބުދަދުވަހު ހިނގި ބޮޑު ކާރިސާ އާއި ގުޅިގެން ބާރުގަދަ އޮޔާއި އެކު ދިޔަ ކުނިތަކާއި މަށީގެ ސަބަބުން ކޯރު ބެދި، ނޭޕާލާއި ޓިބެޓްގެ ބޯޑަރުގައި މިހާރު ވަނީ އިތުރު ފެންގަނޑެއް އުފެދިފަ. މި ފެންގަނޑު ހިފަހައްޓަން ހުރި ހުރަސް (ޑޭމް)ފަޅައިގެން ގޮސް އިތުރު ކާރިސާއެއް ހިނގާފާނެ ކަމަށް ބެލެވޭ.

77 ދުވަސް ކުރިން - 12:49

"ވިލުންތެރި ކަނބަލުން": އަންހެނުން ބާރުވެރިކުރުވުމުގެ ހާއްސަ ޕްރޮގުރާމު ނިންމާލައިފި

މިއީ އަންހެނުން ފަންނީ ދާއިރާތަކުން ބާރުވެރިކުރުވައި އަމިއްލަ ނަފްސަށް އޮންނަ އިތުބާރު ބޮޑުކުރުމަށް އެޗްޑީސީ އާއި އެމްއައިޓީ ގުޅިގެން ހިންގި ޕްރޮގްރާމެއް. އަދި ކުރިއަށްއޮތް ތަނުގައި ނުކުޅެދުންތެރިކަން ހުންނަ މީހުންނަށާއި ޒުވާނުންނަށް އަމާޒުކޮށްގެންވެސް މިފަދަ ހުނަރުވެރިކުރުމުގެ ޕްރޮގުރާމްތައް ކުރިއަށްގެންދިއުމަށް ވަނީ ރޭވިފަ.

77 ދުވަސް ކުރިން - 11:00

އިސްލާހީ ބަދަލުތައް ގެންނަނީ ހަގީގަތްތަކުގެ މައްޗަށް ބިނާކޮށް: ރައީސް

ސަރުކާރުން އަޅާ ކޮންމެ ފިޔަވަޅަކީ ފަންނީ ދިރާސާތަކާއި މާހިރުންގެ ލަފާގެ މައްޗަށް ބިނާކޮށް ނިންމާ ނިންމުންތަކެއް ކަމަށްވާތީ، އިގުތިސާދީ ކުރިއެރުމަށް ހުރަސްއެޅޭފަދަ އެއްވެސް ކަމެއް ސަރުކާރުން ނުކުރާނެކަމުގެ ޔަގީންކަން އެމަނިކުފާނު ދެއްވި.

78 ދުވަސް ކުރިން - 14:15