އައިޝަތު އިމްސާ

327 ލިޔުން

"އީވީޓޯލް" އުޅަނދަކީ ސިއްހީ އަދި އިގްތިސާދީ ދާއިރާއަށް އިންގިލާބީ ބަދަލެއް ގެނުވާނެ އުޅަނދެއް: މިނިސްޓްރީ

ޗައިނާގެ ކޫލްފްލައި ކުންފުނީގެ "އީވީޓޯލް" އުޅަނދު ހުޅުމާލޭގައި އުދުއްސައި އަޖުމަބަލާފައިވާއިރު، މިއީ ރަށްރަށަށް ސިއްހީ ސާމާނު އުފުލުމާއި، ކާރިސާތަކުގައި އެހީތެރިވުމުގެ އިތުރުން ވަޒީފާއާއި އިގްތިސާދީ އާ ފުރުސަތުތައް އުފައްދައިދޭނެ އުޅަނދެއް ކަމަށް ޓްރާންސްޕޯޓް މިނިސްޓްރީން ބުނި.

5 ދުވަސް ކުރިން - 16:33

ކ. އަތޮޅުން ފެށިގެން ވ. އަތޮޅަށް ރީނދޫ ސަމާލު ނެރެފި

ކުރިއަށް އޮތް 5 ދުވަހުވެސް ރާއްޖޭގެ ބޮޑުބަޔަކަށް ވިއްސާރަކޮށް، ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށް ލަފާކުރެވޭ. ވޭތުވެދިޔަ 24 ގަޑިއިރު އެންމެ ގިނައިން ވާރޭވެހުނީ ގދ. ފަރެސްމާތޮޑާއަށް. އެއީ 104.4 މިލިމީޓަރު. މޫސުން ގޯސްވެ، ވިލާގަނޑުގައި ކަނޑުތައް ގަދަވާނެތީ ކަނޑުދަތުރުކުރާ ފަރާތްތަކުން ސަމާލުވުމަށް އިލްތިމާސްކުރި.

5 ދުވަސް ކުރިން - 15:17

ށ. ޅައިމަގަށް ނަގޫރޯޅިއެއް އަރައި ގިނަ ގެތަކަކަށް ބޮޑެތި ގެއްލުންތަކެއް ވެއްޖެ

ނަގޫރޯޅިއެއްގައި 25 އަށް ވުރެ ގިނަ ގެއަށް ގެއްލުންވެ، މީހަކަށް އަނިޔާވެފައިވާއިރު، އެންޑީއެމްއޭ އާއި ކައުންސިލް ގުޅިގެން ގެއްލުންތައް ދެނެގަނެ އެހީތެރިކަން ފޯރުކޮށްދިނުމުގެ މަސައްކަތް ދަނީ ކުރަމުން. މިދުވަސްވަރަކީ ރާއްޖޭގެ އެކި ސަރަހައްދުތަކަށް މޫސުން ގޯސް ދުވަސްވަރެއްކަމުން، ރައްކާތެރިކަމުގެ ފިޔަވަޅުތައް އަޅައި، މޫސުމުގެ އެންމެ ފަހުގެ ހަބަރުތަކަށް ސަމާލުވޭ.

6 ދުވަސް ކުރިން - 12:43

ކުޑަކުދިންގެ ޒާތީ މައުލޫމާތާއި ތަސްވީރު މީޑިއާގެ މަންސަތަކުގައި އާންމުނުކުރުމަށް ހެލްތު މިނިސްޓްރީއިން އިލްތިމާސްކޮށްފި

ކުޑަކުދިންގެ ހައްގުތައް ރައްކާތެރިކުރުމުގެ ގާނޫނު (2019/19) އާއި ބައިނަލްއަގްވާމީ މުއާހަދާތަކާ ހިލާފަށް، އަދި ކުދިންގެ ކަރާމާތަށް އުނިކަން އަންނަ ގޮތަށް އެކުދިންގެ ޒާތީ މައުލޫމާތު މީޑިއާގައި ހާމަކުރަމުންދާކަން ފާހަގަކުރެވުމުން ކުޑަކުދިންގެ ކަރާމާތަށް ބުރޫއަރާފަދަ އެއްވެސް މައުލޫމާތެއް އާންމު ނުކުރުމަށް އެދި މިނސްޓްރީއިން ބަޔާން ނެރުނީ.

6 ދުވަސް ކުރިން - 12:42

ހެލްތު އެކްސްޕޯ 2026 ގައި އިސްރަށްވެހިންނަށް ހާއްސަ "ދުޅަހެޔޮ އިސްރަށްވެހިން" ޕްރޮގްރާމުގައި ރަޖިސްޓްރީވާން އެޗްޑީސީން ހުޅުވާލައިފި

"ދުޅަހެޔޮ އިސްރަށްވެހިން" ޕްރޮގްރާމް ފަށަން ހަމަޖެހިފައިވަނީ ނޮވެންބަރު 16 ގަ. މި ޕްރޮގްރާމް ކުރިއަށްދާނީ އެއް މަސް ދުވަހުގެ ބެޗްތަކަކަށް ބަހާލައިގެން، އެއް އަހަރުގެ މުއްދަތަކަށް. ހަފުތާއަކު ވެސް ތިން ދުވަހު، އިސްރަށްވެހިންގެ އުމުރާ ގުޅޭގޮތަށް ރޭވިފައިވާ ލުއި ކަސްރަތުތަކާއި، ހިނގުމާއި، ސްޓްރެޗިންގ އަދި ނޭވާލުމުގެ ކަސްރަތުތައް ކުރިއަށްގެންދާނެ.

6 ދުވަސް ކުރިން - 09:59

ހިދުމަތްތައް ހަރުދަނާކޮށް ހޭލުންތެރިކުރުވުމަށް އެމް.ޑަބްލިޔު.އެސް.ސީން އައްޑޫ އަދި ފުވައްމުލަކުގައި ހާއްސަ ކެމްޕޭނެއް ފަށައިފި

އެމް.ޑަބްލިޔު.އެސް.ސީއިން ދެމުންގެންދާ ހިދުމަތްތަކާ ގުޅޭގޮތުން ރައްޔިތުން ހޭލުންތެރިކުރުވުމަށާއި، ފޯރުކޮށްދޭ ހިދުމަތްތައް އިތުރަށް ހަރުދަނާކުރުމުގެ މަގްސަދުގައި ފެށި ކެމްޕޭނެއް. ކެމްޕޭނު ކުރިއަށްދަނީ އައްޑޫ ސިޓީގެ އަވަށްތަކާއި، އައްޑޫ ހުޅުދޫ، އައްޑޫ މީދޫ އަދި ފުވައްމުލައް ސިޓީގަ. ޒަމާނީ ވަސީލަތްތައް މެދުވެރިކޮށް ރައްޔިތުންނަށް ލުއިފަސޭހަކަމާއެކު ހިދުމަތް ފޯރުކޮށްދިނުމުގެ ގޮތްތައްވެސް ކިޔައިދެވޭނެ.

7 ދުވަސް ކުރިން - 18:49

ސުނާމީ ކާރިސާއަށްފަހު ރާއްޖެއިން ހޯދި ކުރިއެރުންތަކާއެކު "ސުނާމީ އެވެއާނަސް ޑޭ" ފާހަގަކޮށްފި

ސުނާމީއަށް ހޭލުންތެރިކުރުމުގެ ދުވަސް ފާހަގަކުރަމުންދާއިރު، ރާއްޖެއިން ވަނީ އިންޒާރުދޭ ނިޒާމުތައް ވަރުގަދަކޮށް، ގުދުރަތީ ކާރިސާތަކަށް މުޖުތަމައުތައް ތައްޔާރުކުރުމަށް ގިނަ ފިޔަވަޅުތަކެއް އެޅައިފި. އަދި ޑިސެންބަރު 14 ގައި ސުނާމީ ރެޑީ ބޯޑެއް އުފައްދަވައި، އެ ބޯޑަށް މެންބަރުން އައްޔަންކުރެއްވި.

7 ދުވަސް ކުރިން - 18:44

އެސްއެމްއީ ޑިޖިޓަލްގެ ތިން ފައިނޭންސިންގ ފެސިލިޓީއެއްގެ ލިމިޓް 10 މިލިއަން ރުފިޔާއަށް ބޮޑުކޮށްފި

މި ފައިނޭންސިންގ ލިމިޓް އިތުރުކޮށްފައިވަނީ، ރާއްޖޭގެ ކުދި ވިޔަފާރިތައް ހަލުވިކަމާއެކު ކުރިއަރަމުން އަންނައިރު، އެ ވިޔަފާރިތަކުގެ ފައިނޭންސިންގ ޑިމާންޑްތަކަށް ބައްދަލުކޮށް ފުރުސަތު ފަހިކުރުމުގެ ގޮތުން. މި ފައިނޭންސިންގ ލިމިޓް އިތުރުކޮށްފައިވަނީ އެސެޓް ފައިނޭންސިންގ، ބިޒްނަސް އެކްސްޕޭންޝަން ފައިނޭންސިންގ އަދި ވެސެލް ފައިނޭންސިންގ އަށް.

8 ދުވަސް ކުރިން - 12:51

ކޮމަންވެލްތުން ވިލުންތެރި ބައިވެރިވުންތަކަށް އިސްކަންދޭނެ ތިން ދާއިރާއެއް ނައިބު ރައީސް ފާހަގަކުރައްވައިފި

އެމަނިކުފާނު ފާހަގަކުރެއްވި ތިން ދާއިރާއަކީ މުއައްސަސާތަކުގެ ގާބިލުކަން އިތުރުކޮށް އިސްނަގައިގެން މަސައްކަތްކުރުމަށް މީހުން ބާރުވެރިކުރުވުމާއި، ގައުމީ ލަނޑުދަނޑިތަކަށް އިހްތިރާމްކުރުމާއެކު އަމިއްލަ ފައިމައްޗަށް ތެދުވުމުގެ ގާބިލުކަން އަށަގެންނެވުމާއި، އަދި ކުރިމަތިވާ ގޮންޖެހުންތައް ހައްލުކުރުމަށް އެންމެން ގުޅިގެން އަމަލީ މަސައްކަތްތަކަކަށް ބަދަލުކުރުން.

8 ދުވަސް ކުރިން - 11:22

އުމުރުން 65 އަހަރު ފުރުމަށްފަހުވެސް ޕެންޝަން ފައިސާއިން ހައްޖަށް ދެވޭ ގޮތް ހަމަޖައްސައިފި

މި ފުރުސަތު ލިބެނީ މީގެ ކުރިން ހައްޖު ނުވާ، އަދި އެކައުންޓުގައި މަދުވެގެން 336،000 ރުފިޔާ ހުރި މެންބަރުންނަށް. އަދި ހައްޖު ކޯޕަރޭޝަނަށް އަގުގެ 20 އިންސައްތަ ދެއްކުމުން ބާކީބައި ޕެންޝަން އެކައުންޓުން ހަމަޖައްސައިދެވޭނެ. މި ފައިސާ ނެގުމުން މަހުން މަހަށް ލިބޭ ޕެންޝަނަށް ބަދަލު އައުން އެކަށީގެންވޭ.

8 ދުވަސް ކުރިން - 10:57

ރަސްމީ ރޭޓުގައި ޑޮލަރު ދޫކުރުމާއި އިންވެސްޓްމެންޓްތައް ރެކޯޑު މިންވަރަކަށް އިތުރުވެއްޖެ: މިނިސްޓަރ ސައީދް

ފާއިތުވި ތިން އަހަރު ދުވަހުގެ ތެރޭގައި ރަސްމީ ރޭޓުގައި 1.9 ބިލިއަން ޑޮލަރު ދޫކޮށް، 313 ފޮރިން އިންވެސްޓްމެންޓް ރަޖިސްޓްރީކޮށްފައިވާ ކަމަށާއި، ބަނދަރުގެ ދަތިތައް ހައްލުކުރުމަށް އިގްތިސާދީ ވުޒާރާއިން މަސައްކަތް ކުރަމުންދާކަމަށް ވަޒީރު ސައީދު ވިދާޅުވި.

8 ދުވަސް ކުރިން - 14:39

ގައުމީ ވިސްނުމުގެ ހުނަރުވެރި ޒުވާން ޖީލެއް ބިނާކުރަން މުހިއްމު: ރައީސް ޑރ. މުޙައްމަދު މުޢިއްޒު

ގައުމަށް ހިދުމަތްކުރާނެ ގައުމީ ވިސްނުމުގެ ޒުވާނުން ބިނާކުރުމަށް ފެށި ޕްރޮގްރާމްތަކުން ގިނަ އަދަދެއްގެ ޒުވާނުން ދަސްވެނިވަމުންދާ ކަމަށާއި، މިއީ ގައުމުގެ މުސްތަގުބަލަށް ލިބުނު ބޮޑު ކުރިއެރުމެއް ކަމަށް ރައީސް މުޢިއްޒު ވިދާޅުވި.

9 ދުވަސް ކުރިން - 11:44