އައިޝަތު ރުވާ ރިފްޢަތު

3597 ލިޔުން

ޖީޓީއޭ 6 ގެ ޕްރީ-އޯޑަރުން އެއް ބިލިއަން ޑޮލަރުގެ އާމްދަނީއެއް ހޯދައިފި

ސެންސާ ޓަވަރުން އަންދާޒާކުރާ ގޮތުގައި މީގެ 75 އިންސައްތަ ވިކިފައިވަނީ ޕީއެސް 5 އަށް. އަދި ގިނަ މީހުން ގަނެފައިވަނީ އަގުބޮޑު "އަލްޓިމޭޓް އެޑިޝަން". އެމެރިކާގެ ފްލޮރިޑާއަށް ބިނާކޮށް އުފައްދާފައިވާ މި ގޭމް އެޅުމަށް 212 ޖީބީގެ ޖާގަ ބޭނުންވޭ.

19 ގަޑިއިރު ކުރިން - 13:32

އީބަބުނުމާއި ދެބައޮޑުވުމުގެ ނުރައްކާ: ދޫ ރައްކާތެރިކުރުމުގެ މުހިންމުކަން

ރަސޫލާ ﷺ ބަޔާންކުރެއްވި ގޮތުގައި އީބައަކީ އަނެކާ ނުރުހޭ ވާހަކަ ދެއްކުން. އަދި ނެތް ވާހަކައެއް ދައްކައިފިނަމަ އެއީ ބުހުތާން ދޮގެއް. މީސްތަކުންގެ އަބުރަށް އަރައިގަތުމުގެ ނުބައިކަމުން "އަލްހުމަޒާ" ސޫރަތް ބާވައިލައްވާފައިވާއިރު، އިސްލާމްދީން ބާރުއަޅަނީ ހެޔޮ ބަސް ބުނުމަށް ނުވަތަ ހަނުހުރުމަށް. މުސްލިމުންގެ ގުޅުން ބަދަހިކުރެވެނީ ދޫ ރައްކާތެރިކޮށްގެން.

1 ދުވަސް ކުރިން - 05:29

ކެއްކުމުގެ މުބާރާތް "ރަހަވަރު" ގައި ބައިވެރިވުމުގެ ފުރުސަތު ހުޅުވާލައިފި

މަސްވެރިކަމުގެ ސިނާއަތް ސިންދަފާތުކޮށް، ކާބޯތަކެތީގެ ރައްކާތެރިކަމަށް އެ ދާއިރާއިން ވެދޭ މުހިންމު ހިއްސާ ފާހަގަކުރުމާއެކު، މަހުގެ ބާވަތްތައް ބޭނުންކޮށްގެން އައު އުފެއްދުންތައް އުފެއްދުމަށް ހިތްވަރު ދިނުމަކީވެސް މި މުބާރާތުގެ މަގްސަދެއްކަމަށް ވުޒާރާއިން ފާހަގަކުރި.

1 ދުވަސް ކުރިން - 21:14

މަސްވެރިންގެ ދުވަސް ފާހަގަކުރުމަށް ހާއްސަ ކުރެހުމުގެ މުބާރާތަކާއި އެގްޒިބިޝަނެއް ބާއްވަނީ

މި މުބާރާތުގެ ކޮންމެ ދާއިރާއަކުން އަދި ހުށަހަޅާ އާޓްވޯކްތަކުގެ ކޮންމެ ބާވަތަކުން ވަނަވަނައަށް ހޮވޭ ފަރާތްތަކަށް 5،000 ރުފިޔާގެ ފައިސާގެ އިނާމެއް ދިނުމަށް ވަނީ ކަނޑައަޅާފައިވާ ކަމަށް ވުޒާރާއިނ ފަހަގަކުރި.

1 ދުވަސް ކުރިން - 20:59

އިއާދަކުރަނިވި ހަކަތައިގެ ދާއިރާއިން ރާއްޖެއިން ކަނޑައަޅާފައިވާ އަމާޒަށް ވާސިލުވުމަށް ބައިނަލްއަގްވާމީ އެހީތެރިކަން ބޭނުންވޭ: ރައީސް

ތިމާވެއްޓާ ރައްޓެހި ސާފު ހަކަތައަކީ ހަމައެކަނި ރާއްޖޭގެ ނާޒުކު ތިމާވެށްޓަށް އެންމެ އެކަށޭނަ ހަކަތައިގެ ބާވަތް ނޫން ކަމަށާއި ރައްޔިތުންނަށް ދެމެހެއްޓެނިވި ގޮތެއްގައި އަދި ހަރަދުކުޑަކޮށް ކަރަންޓުގެ ހިދުމަތް ފޯރުކޮށްދިނުމަށްޓަކައި ވެސް ރާއްޖެއަށް ކޮންމެހެން ބޭނުންތެރި ވަސީލަތެއް ކަމުގައި އެމަނިކުފާނު ފާހަގަކުރެއްވި

1 ދުވަސް ކުރިން - 20:44

"ދައުލަތުގެ އިއްޒަތުގެ ޝަރަފުވެރިންގެ ލަފާދޭ މަޖިލިސް" މިއަދު ރައީސް އެކުލަވާލައްވައިފި

މަޖިލީހަކީ ގައުމުގެ ކަންކަން އެންމެ ފުރިހަމަ ގޮތުގައި ކުރިއަށް ގެންދިއުމަށާއި، ސަރުކާރުގެ ސިޔާސަތުތައް ހަރުދަނާ މިސްރާބަކަށް ގެންދިއުމަށްޓަކައި އުފެއްދެވި މަޖިލީހެއް އަދި ގައުމީ ބޮޑެތި މައްސަލަތަކާއި، ގައުމަށް ކުރިމަތިވާ އެކިއެކި ކަންކަމާ ގުޅިގެން ފުޅާ ދާއިރާއެއްގައި މަޝްވަރާކުރުމަށް އެކުލަވާލި މަޖިލީހެއްކަން ފާހަގަކޮށްލެވޭ.

1 ދުވަސް ކުރިން - 20:22

އިގްތިސާދު ސިންދަފާތު ކުރަން ރަސްމާލޭގެ އީގަލް ހިލްސް މަޝްރޫއު މުހިންމު: އަދާލަތު ޕާޓީ

އެ ޕާޓީން ނެރުނު ޤަރާރެއްގައި ބަޔާންކުރީ، ބޭރު މީހުން ދިގު މުއްދަތަކަށް ދިރިއުޅޭ ސަރަހައްދުތަކެއް އުފެއްދުމުގެ ބަދަލުގައި މިފަދަ މަޝްރޫޢުތައް އަމާޒުކުރަންވާނީ ޗުއްޓީ ހޭދަކުރާ ހޮލިޑޭ ހޯމްސްއަށް. އެއީ ދީނީ އެއްބައިވަންތަކަމާއި، ސަޤާފަތާއި، ގައުމީ ސަލާމަތް ރައްކާތެރިކުރުމަށް.

2 ދުވަސް ކުރިން - 01:16

ކޮޕް-31 ސަމިޓުގައި ބައިވެރިވެވަޑައިގަތުމަށް ރައީސުލްޖުމްހޫރިއްޔާ ތުރުކީވިލާތަށް ފުރާވަޑައިގެންފި

މި ދަތުރުފުޅުގައި ރައީސް ރާއްޖޭގެ ގައުމީ ބަޔާން އިއްވަވައި، މަތީ ފަންތީގެ މަޝްވަރާތަކާއި ދުނިޔޭގެ ލީޑަރުންނާއެކު ބައްދަލުވުންތައް ބާއްވަވާނެ. މޫސުމީ ފިޔަވަޅުތައް ހަރުދަނާކުރުމަށް ބާއްވާ މި ސަމިޓަކީ ޕެރިސް އެގްރީމެންޓުގެ ދަށުން ބާއްވާ ބައްދަލުވުމެއް. ރައީސްގެ އަރިހުގައި އެމަނިކުފާނުގެ އަނބިކަނބަލުންނާއި ސަރުކާރުގެ މަތީ ފަންތީގެ ވަފުދެއް ބައިވެރިވެވަޑައިގަންނަވާނެ.

2 ދުވަސް ކުރިން - 09:56

ރަޝިޔާއިން ފައިސާ ފޮނުވުމާއި ބަލައިގަތުން ހުއްޓާލި ކަމަށް ބުނެ ފަތުރަނީ ދޮގު ހަބަރެއް: ބީއެމްއެލް

ބޭންކުގެ ސްޕޯކްސްޕާސަން މުހައްމަދު ސައީދު ވިދާޅުވީ، ރަޝިޔާއާ ގުޅުންހުރި މުއާމަލާތްތައް ހުއްޓުވަން ވަކި ސިޔާސަތެއް ނެތް ކަމަށް. ނަމަވެސް، ބޭރު ފައިސާގެ މުއާމަލާތްތައް ހިންގަނީ ބައިނަލްއަގްވާމީ ކޮރެސްޕޮންޑެންޓް ބޭންކުތަކުގެ ކޮމްޕްލަޔަންސް އުސޫލުތަކާ އެއްގޮތަށް ކަމަށާއި، ބައެއް މުއާމަލާތްތައް އަނބުރާ ފޮނުވާލުމުގެ އިހްތިޔާރު އެ ބޭންކުތަކަށް އޮންނަ ކަމަށް.

3 ދުވަސް ކުރިން - 23:03

އީގަލް ހިލްސްއާ ދެމެދު ވެވޭ އެގްރީމަންޓު ސޮއިކުރާނީ ބިލު ގާނޫނަކަށް ވުމަށްފަހު، އެގްރީމަންޓް މަޖިލީހަށް ފޮނުވާނެ: ރައީސް

އެމަނިކުފާނު ވިދާޅުވީ، އެ އެއްބަސްވުމުގައި ކަންބޮޑުވާންޖެހޭ ކަމެއް ނެތް ކަމަށާއި އިދިކޮޅުގެ ވާހަކަތަކުގައި ހަގީގަތެއް ނެތް ކަމަށް. އަދި މި ބިލަކީ މުޅި ރިއަލް އެސްޓޭޓް ވިޔަފާރި ހިމެނޭހެން އެކުލަވާލާފައިވާ ބިލެއް ކަމަށާއި، ބޭނުމަކީ މަޝްރޫއުތަކުގެ ނަމުގައި މީހުންގެ ގޯތިތައް އަތުލައި ރައްޔިތުންނަށް ލަނޑުދިނުން ނިމުމަކަށް ގެނައުން ކަމަށް.

3 ދުވަސް ކުރިން - 12:08

ޝާހިދު ހައްޔަރުކުރީ ސިޔާސީ ގޮތުން ނޫން، ރާއްޖޭގައި ހިނގާނީ ގާނޫނީ ވެރިކަން: ރައީސް

ރައީސް ވިދާޅުވީ ޝާހިދު ހައްޔަރުކުރެވުނީ ކުޑަކުއްޖަކާ ގުޅޭ ސީރިއަސް މައްސަލައެއްގައި ކަމަށާއި، ގާނޫނު އެންމެންގެ މައްޗަށް ހަމަހަމަވާން ޖެހޭނެ ކަމަށް. އެހެންކަމުން ތަހުގީގީ އިދާރާތަކަށް ސަރުކާރުން ހުރަސްނާޅާނެ ކަމަށާއި، ރާއްޖޭގައި އަބަދުވެސް އޮންނާނީ ގާނޫނުއަސާސީ އާއި އިންސާނީ ހައްގުތައް ހިމާޔަތްކުރެވޭ ގާނޫނީ ވެރިކަމެއް ކަމަށް ރައީސް ފާހަގަކުރެއްވި.

3 ދުވަސް ކުރިން - 11:54

ރަސްމާލެ މަޝްރޫއާ ގުޅިގެން ރިފަރަންޑަމްއަކަށް ނުދާނެ: ރައީސް

އެމަނިކުފާނު ވިދާޅުވީ، ރިއަލް އެސްޓޭޓް ބިލުގެ ދަށުން ރައްޔިތުންނާއި އަންނަން އޮތް ޖީލުތަކުގެ ހައްގުތަކާއި، ދައުލަތުގެ މިނިވަންކަމާއި ސިޔާދަތު ފުރިހަމައަށް ހިމާޔަތްކުރެވޭނެ ކަމަށެވެ. އަދި އިދިކޮޅުން ދައްކަނީ ސިޔާސީ ހިޔާލީ ވާހަކަތަކެއް ކަމަށް ވިދާޅުވި.

3 ދުވަސް ކުރިން - 11:40