އާނާ ފަހީމް

1291 ލިޔުން

މޫސުމީ ބަދަލުތަކާ ގުޅޭ ފޯރަމެއް އެމްއޭސީއެލް އިން ބާއްވައިފި

މޫސުމީ ބަދަލުތަކުން ވައިގެ ދަތުރުފަތުރަށް ކުރާ ނޭދެވޭ އަސަރާ ގުޅޭގޮތުން މަޢުލޫމާތު ހިއްސާކުރުމަށް އެމްއޭސީއެލްއިން ފޯރަމެއް ބާއްވައިފި. އޯޒޯން ދުވަހާ ގުޅިގެން ބޭއްވުނު މި ފޯރަމްގައި ސަރުކާރުގެ އެކި އިދާރާތަކުން ވަނީ ބައިވެރިވެފައި.

787 ދުވަސް ކުރިން - 14:20

ސިނަމާލެ ބްރިޖާއި ހަލިމަގުގައި ސައިކަލުގައި ސަރފްބޯޑެއް އުފުލި މީހަކަށް ފިޔަވަޅު އަޅައިފި

ސިނަމާލެ ބްރިޖާއި ހަލިމަގު ހުރަސްކޮށް ސައިކަލުގައި ސަރފްބޯޑެއް އުފުލި މީހަކަށް ފުލުހުން ވަނީ ފިޔަވަޅު އަޅާފައި. މި މައްސަލަ ސަމާލުކަމަށް އައީ މީސްމީޑިއާގައި ދައުރުވި ވީޑިއޯއަކާ ގުޅިގެން.

787 ދުވަސް ކުރިން - 14:15

ބޮކްސާ ތެރެއިން ޑައިމޯފިން ފެނުނު މީހަކު އުމުރަށް ޖަލަށް

ޑައިމޯފިން ޓްރެފިކްކުރުމުގެ ދަޢުވާ އަޙްމަދު މިފްޒާލްގެ މައްޗަށް ސާބިތުވެ ކްރިމިނަލް ކޯޓުން އޭނާއަށް 24 އަހަރާއި 10 މަހާއި 20 ދުވަހުގެ ޖަލު ޙުކުމަކާއި 100،000 ރުފިޔާގެ ޖޫރިމަނާއެއް އިއްވައިފި. މި މައްސަލަ ފެށުނީ 2019 ގައި ފެރީއެއްގައި ހިންގުނު އޮޕަރޭޝަނަކުން މިފްޒާލްގެ އަތުން 100 ގްރާމަށްވުރެ ގިނަ ޑައިމޯފިން ފެނުމާ ގުޅިގެން.

787 ދުވަސް ކުރިން - 14:00

ފެނަކައިން ވަކިކުރި ނާއިފް ވެމްކޯގެ ޑީއެމްޑީއަކަށް

ފެނަކަ ކޯޕަރޭޝަންގެ ޑެޕިއުޓީ މެނޭޖިންގ ޑިރެކްޓަރުގެ މަޤާމުން ވަކިކުރެވުނު އިބްރާހިމް ނާއިފް، ވެމްކޯ ގެ ޑެޕިއުޓީ މެނޭޖިންގ ޑިރެކްޓަރުގެ މަޤާމަށް އައްޔަންކޮށްފި.

787 ދުވަސް ކުރިން - 13:57

ރެއިޑްތަކުގައި އިމިގްރޭޝަން އޮފިސަރުން ހަރަކާތްތެރިވާނީ ޔުނީފޯމާއި ފާހާއެކު

ޤަވާއިދާ ޚިލާފަށް އުޅޭ ބިދޭސީން ހޯދުމަށް ކުރާ ރެއިޑްތަކުގައި އިމިގްރޭޝަން އޮފިސަރުން ހަރަކާތްތެރިވާނީ ޔުނީފޯމާއި ރަސްމީ ފާހާއެކުގައި ކަމަށް އިމިގްރޭޝަނުން ބުނެފި. އިމިގްރޭޝަނުން މިފަދައިން ބުނެފައިވަނީ އިމިގްރޭޝަން އޮފިސަރުންކަމަށް ބުނެ ބަޔަކު އޮޅުވާލައިގެން ބިދޭސީންގެ ތަންތަން ބަލާ ފާސްކުރަމުންދާ ކަމުގެ މައްސަލައެއް ފެންމަތިވުމާ ގުޅިގެން.

787 ދުވަސް ކުރިން - 13:55

މޯލްޑިވްސް މީޑިއާ ކައުންސިލްގެ މެންބަރުކަމަށް ކުރިމަތިލުމުގެ ފުރުޞަތު ހުޅުވާލައިފި

މޯލްޑިވްސް މީޑިއާ ކައުންސިލްގެ އާ ދައުރަށް މެންބަރުން ހޮވުމަށް ކުރިމަތިލުމުގެ ފުރުޞަތު ހުޅުވާލައިފި. މި މަހުގެ 25 ވަނަ ދުވަހުގެ 14:00 އާ ހަމައަށް އެޕްލިކޭޝަން ހުށަހެޅުމަށް ވަނީ އިޢުލާނުކޮށްފައި. ކައުންސިލްގައި ހިމެނެނީ މީޑިއާތަކުން ތަމްސީލުކުރާ 7 މެންބަރުންނާއި އާންމު 3 މެންބަރުން.

787 ދުވަސް ކުރިން - 13:50

އެމްޕީއެލް އިން އައްޑޫގައި ބައިނަލްއަޤްވާމީ ސީފުޑް ހަބެއް ޤާއިމްކުރަނީ

އައްޑޫ ސިޓީގައި ބައިނަލްއަގްވާމީ ސީފުޑް ހަބެއް ޤާއިމްކުރުމަށް އެމްޕީއެލް އިން ރާވައިފައިވާއިރު މި މަޝްރޫޢުގެ ސަބަބުން ރާއްޖޭގެ ރިސޯޓުތަކަށް ބޭނުންވާ ސީފުޑް ސަޕްލައި ކުރުމަށް ބޭރު ޤައުމުތަކުން އިމްޕޯޓްކުރާ މިންވަރު މަދުކުރެވޭނެ ކަމަށް އެމްޕީއެލްގެ ސީއީއޯ މުޙައްމަދު ވަޖީހު ވަނީ ވިދާޅުވެފައި.

787 ދުވަސް ކުރިން - 13:47

ގަން އެއަރޕޯޓް ތަރައްޤީކުރުމުގެ މަސައްކަތް 2025 ގައި ނިމޭނެ

ގަން އިންޓަރނޭޝަނަލް އެއަރޕޯޓް ތަރައްޤީކުރުމުގެ މަސައްކަތް ހުއްޓުމެއްނެތި ކުރިއަށްދާކަމަށާއި، މުޅި މަޝްރޫޢު 2025 ވަނަ އަހަރުގެ މާރިޗު މަހަށް ނިމޭނެކަމަށް އައްޑޫ އިންޓަރނޭޝަނަލް އެއަރޕޯޓުން ބުނެފި. މި މަޝްރޫޢުގެ ދަށުން ތަރައްޤީކުރެވޭ ޓާމިނަލަކީ އަހަރަކު 1.5 މިލިއަން ފަސިންޖަރުންނަށް ޚިދުމަތް ދެވޭނެ ފެންވަރުގެ ޒަމާނީ ވަސީލަތްތަކާއެކު ތަރައްޤީކުރެވޭ ޓާމިނަލެއް.

787 ދުވަސް ކުރިން - 13:42

ކުންފުނިތަކުގެ ޚާއްޞަ އާންމު ޖަލްސާ ބާއްވަންދޭ މުއްދަތު ކުރުކުރުމަށް މަޖިލީހުން ނިންމައިފި

މިއަދު ބޭއްވުނު މަޖިލީސް ޖަލްސާގައި ވަނީ ކުންފުނިތަކުގެ ޚާއްޞަ އާންމު ޖަލްސާ ބޭއްވުމާ ގުޅޭ މުއްދަތުތައް ކުރުކުރުމަށް ހުށަހެޅުނު އިޞްލާޙު ފާސްކޮށްފައި. މި އިޞްލާޙުގެ ދަށުން، ޖަލްސާ ބޭއްވުމަށް އެދި ލިޔުން ލިބޭތާ 3 ދުވަހުގެ ތެރޭގައި ދަޢުވަތު ދޭންޖެހޭނެ. އަދި ޚާއްޞަ އާންމު ޖަލްސާއަށް 7 ދުވަސް ކުރިން ނޯޓިސް ދޭންޖެހޭނެ. މި އިޞްލާޙަށް ޢަމަލުކުރަން ފަށާނީ ރައީސުލްޖުމްހޫރިއްޔާ ބިލު ތަޞްދީޤުކުރެއްވުމުން.

787 ދުވަސް ކުރިން - 13:30

މެލޭޝިއާއިން އެމްޕޮކްސްގެ އައު ކޭހެއް ފެނިއްޖެ

މެލޭޝިއާގައި އެމްޕޮކްސް ވައިރަސްގެ އައު ކޭހެއް ފާހަގަކުރެވި، ބަލި ޖެހުނު މީހާ އެކަހެރިކޮށްފި. މިއީ ކްލޭޑް 2 ބާވަތުގެ ކޭހެއް ކަމަށާއި، މިއީ މާ ގޯސްނޫން ބާވަތެއްކަމަށް މެލޭޝިއާގެ ސިއްޚީ ވުޒާރާއިން ވަނީ ބުނެފައި. މެލޭޝިއާއިން މިހާތަނަށް އެމްޕޮކްސްގެ 10 ކޭސް ވަނީ ފާހަގަކުރެވިފައި.

787 ދުވަސް ކުރިން - 13:27

ޕީޖީއަކަށް އައްބާސް އައްޔަންކުރުމަށް މަޖިލީހުން ރުހުން ދީފި

ހުސްވެފައިވާ ޕްރޮސެކިއުޓަރ ޖެނެރަލްގެ މަޤާމަށް ހައި ކޯޓުގެ ކުރީގެ ފަނޑިޔާރު އަލްއުސްތާޛް ޢައްބާސް ޝަރީފު އައްޔަން ކުރުމަށް ރައްޔިތުންގެ މަޖިލީހުން ރުހުން ދީފި. މަޖިލީހުގެ ޖަލްސާގައި ހާޒިރުވެވަޑައިގެން ތިއްބެވި 85 މެންބަރުންގެ އިއްތިފާގުން މި ނިންމުން ވަނީ މިއަދު ފާސްކޮށްފައި.

787 ދުވަސް ކުރިން - 13:21

ޖަޕާނުގެ އެހީގައި މާލޭގެ ބޭރު ތޮށި މަރާމާތުކުރަނީ

ޖަޕާނު ސަރުކާރުން މާލޭގެ ބޭރު ތޮށި މަރާމާތުކުރުމަށާއި ފެންހިންދާ ނިޒާމް އަޕްގްރޭޑްކުރުމަށް 140،000 އެމެރިކާ ޑޮލަރުގެ ހިލޭ އެހީއެއް ދޭން ނިންމައި އެއްބަސްބުމުގައި މިއަދު ސޮއިކުރެވިއްޖެ. މި މަޝްރޫޢުގެ ދަށުން މާލޭގެ އެއްގަމު ތޮށި ވަރުގަދަވެ، ކަނޑުގެ ލޮނުގަނޑު އުފުލުމާއި މޫސުމީ ކާރިސާތަކުގެ ނުރައްކަލުން މާލެ ރައްކާތެރިވެގެންދާނެ އަދި މާލޭގެ ފެންހިންދާ ނިޒާމް އަޕްގްރޭޑްކުރެވުމުން، ވާރޭވެހި ފެންބޮޑުވުމުގެ މައްސަލަތައް ވެސް ޙައްލުވެގެންދާނެ.

787 ދުވަސް ކުރިން - 12:39