އައިޝަތު އިމްސާ

327 ލިޔުން

ނިމިދިޔަ ހަފްތާ ކުއްލި ނުރައްކަލުގެ 29 ހާދިސާއެއް ރިޕޯޓުކުރި: އެމްއެންޑީއެފް

އޭގެ ތެރެއިން އެންމެ ގިނައީ މާލެ ސަރަހައްދުގައި ހިނގި 26 ހާދިސާ. މީގެއިތުރުން ސަދަން އޭރިއާގައި 2 އަދި ނޮދަން އޭރިއާގައި 1 ހާދިސާ ހިނގި. މި ހާދިސާތަކުގެ ތެރޭގައި އަލިފާނުގެ 12 ހާދިސާއާއި، ނުރައްކާތެރި މާއްދާތަކާ ގުޅޭ 11 ހާދިސާ ހިމެނޭ.

68 ދުވަސް ކުރިން - 13:15

މަސްވެރިންގެ ތެލުގެ ސަބްސިޑީ ހަރުދަނާކުރުމަށް "ފަހިހަކަތަ" ޕޯޓަލް މެދުވެރިކޮށް ސްބްސިޑީ ދޫކުރުމަށް ނިންމައިފި

މެދުއިރުމަތީގެ ހަނގުރާމައާ ގުޅިގެން ތެލުގެ އަގު އުފުލުމުން މަސްވެރިންނަށް ދޫކުރާ ސަބްސިޑީ ހަރުދަނާކުރުމަށް، ސެޕްޓެމްބަރު 15ގެ ކުރިން "ފަހިހަކަތަ" ޕޯޓަލްގައި ރަޖިސްޓްރީވާން މަސްވެރިކަމާ ބެހޭ ވުޒާރާއިން އެންގެވުމާއެކު، ސަބްސިޑީއާއި ކްރެޑިޓް އުސޫލުން ތެޔޮ ލިބޭނެ އިންތިޒާމު ވަނީ ފުޅާކޮށްފަ.

68 ދުވަސް ކުރިން - 12:06

މި ސަރުކާރުން އަލަށް ފެށި މަޝްރޫޢުތަކާއެކު 54 ރަށެއްގައި 8،588 ހައުސިންގ ޔުނިޓުގެ މަސައްކަތް ކުރިއަށްދަނީ

މީގެ ތެރޭގައި ފްލެޓާއި ރޯހައުސްގެ އިތުރުން އަމިއްލަ ބިންތަކުގައި ގެދޮރު އެޅުމަށް އެހީތެރިވުން ހިމެނޭ. މި 5 އަހަރުގެ ދައުރުގައި ހުރިހާ މަސައްކަތެއް ނިންމުމަށް އަމާޒުހިފާފައިވާއިރު، 57 ރަށެއްގައި 12،000 އަށްވުރެ ގިނަ ޔުނިޓު އެޅުމަށް ވަނީ އިޢުލާނުކޮށްފަ.

68 ދުވަސް ކުރިން - 10:46

ޔޫއޭއީއަށް ދިވެހިރާއްޖޭން ކަނޑައެޅުއްވި އައު ސަފީރު ތޯރިގު އިބްރާހީމް އެގައުމުގެ ރައީސަށް ސަފީރުކަމުގެ ފަތްކޮޅު އަރުވައިފި

ގަސްރު އަލް ވަތަންގައި ބޭއްވި ރަސްމިއްޔާތުގައި ޔޫއޭއީގެ ރައީސް ވަނީ ސަފީރަށް މަރުޙަބާ ވިދާޅުވެ ކާމިޔާބީއަށް އެދިވަޑައިގެންފަ. ސަފީރު ތޯރިގު ވަނީ ރައީސް ޑރ. މުއިއްޒުގެ ސަލާމް ރައްދުކުރައްވައި، ދެގައުމުގެ ގުޅުން ބަދަހިކުރަން މަސައްކަތްކުރައްވާނެ ކަމަށް ވިދާޅުވެފަ.

70 ދުވަސް ކުރިން - 13:45

ފަލަސްތީނަށް ރާއްޖެއިން ކަނޑައެޅުއްވި ސަފީރު ޑރ. ޒުހުރީ ސަފީރުކަމުގެ ފަތްކޮޅު އަރުވައިފި

ދިވެހިރާއްޖެއިން ފަލަސްތީނަށް ކަނޑައެޅުއްވި އައު ސަފީރު ޑރ. އިބްރާހީމް ޒުހުރީ އޮންލައިންކޮށް ސަފީރުކަމުގެ ފަތްކޮޅު އަރުއްވައިފި. މި ބައްދަލުވުމުގައި ދެގައުމުގެ ގުޅުން ބަދަހިކުރުމަށާއި، ފަލަސްތީނުގެ ހައްގުގައި ރާއްޖެއިން އަބަދުވެސް ސާބިތުކަމާއެކު ދެމިއޮންނާނެކަމުގެ ޔަގީންކަން ސަފީރު ދެއްވި.

70 ދުވަސް ކުރިން - 13:30

އުންމަތުގެ ކުޑަކުދިން އަމާން، ރައްކާތެރި މާހައުލެއްގައި ހެދިބޮޑުވުމުގެ މަގު ތަނަވަސްކޮށްދޭންޖެހޭ: ހުތުބާ

ކުޑަކުދިންގެ ހައްގުތަކަށް ހާއްސަކުރި ހުކުރު ހުތުބާގައި، ކުދިންނަށް އަމާން ރައްކާތެރި މާހައުލެއް ހޯދައިދިނުމަށާއި، އިހުމާލުވާ ފަރާތްތަކަށް ގާނޫނީ ގޮތުންނާއި އިސްލާމީ ޝަރީއަތުގައިވާ އެންމެ ހަރުކަށި އަދަބު ދިނުމަށް ކަމާބެހޭ މުއައްސަސާތަކަށް ގޮވާލައިފި.

70 ދުވަސް ކުރިން - 12:54

މާލޭގެ ކަންކަންމަތީގައި ޕާކުކުރުން ހުއްޓުވުމަށް ރީނދޫ ރޮނގު ދަމަން ފަށައިފި

މާލޭގެ ކަންކަންމަތީގައި ޕާކުކުރުމުން ދިމާވާ ތޮއްޖެހުމާއި އެކްސިޑެންޓްތައް މަދުކުރުމަށް، ސަރުކާރުން ވަނީ ޕާކުކުރުން މަނާ ސަރަހައްދުތައް ފާހަގަކުރުމަށް ރީނދޫ ރޮނގު ދެމުމުގެ މަސައްކަތް ފަށާފަ. މިއީ މަގުތައް އަމާންކުރުމަށް ކުރެވޭ މުހިންމު މަސައްކަތެއް.

70 ދުވަސް ކުރިން - 10:18

އޭޝިއާ-ޕެސިފިކް މީޑިއާ ސަމިޓްގެ ހަވާސާ ހަރަކާތްތައް ޗައިނާގައި ފަށައިފި

ޗައިނާގައި ކުރިއަށްދާ އޭޝިއާ-ޕެސިފިކް މީޑިއާ ސަމިޓްގެ ސަބް ފޯރަމްތައް ފަށާފައިވާއިރު، ރާއްޖޭގެ މަންދޫބުން ވަނީ އެ ފޯރަމްތަކުގައި ބައިވެރިވެވަޑައިގެންފައެވެ. 42 ގައުމަކުން 400 އަށްވުރެ ގިނަ މަންދޫބުން ބައިވެރިވާ މި ސަމިޓްގައި ސިނާއީ އެއްބާރުލުމާއި އޭއައިއާ ގުޅޭގޮތުން މަޝްވަރާކުރެވެއެވެ.

70 ދުވަސް ކުރިން - 10:15

އަންހެން ލީޑަރުންގެ ޖީލެއް ބިނާކުރުން: މި ފަހަރުގެ ޕްރޮގްރާމު ސެޕްޓެމްބަރ 22-24 ށ. ފުނަދޫގައި

މިއީ އިސް މަޤާމުތަކުގައި އަންހެނުންގެ ދައުރު ފުޅާކުރުމަށް ރައީސް ޑރ. މުޢިއްޒުގެ ވައުދުފުޅުގެ ދަށުން ސޯޝަލް މިނިސްޓްރީން ކުރިއަށްގެންދާ ސިލްސިލާގެ 5 ވަނަ ޕްރޮގްރާމެއް. ލީޑަރޝިޕާއި ގަވަރނަންސްގެ ހުނަރުތައް ދަސްކޮށްދޭ މި ތަމްރީނުގައި ބައިވެރިވުމުގެ ފުރުޞަތު މިހާރު ވަނީ އޮންލައިންކޮށް ހުޅުވާލާފަ.

71 ދުވަސް ކުރިން - 17:28

މާލޭގެ ފިހާރައަކުން ގިނަ އަދަދެއްގެ ފައިސާއާއި ފޯނެއް ވަގަށް ނަގައިގެން ފުރަން އުޅުނު ލަންކާ ރައްޔިތަކު ހައްޔަރުކޮށްފި

މާލޭގެ ފިހާރައަކުން 25،000 ރުފިޔާއާއި ފޯނެއް ވަގަށް ނަގައިގެން ފުރަން އުޅުނު ލަންކާގެ ޗަންދްރެސްކަރަން އެންތޮނީ ނަމަކަށް ކިޔާ މީހާ 15 ދުވަހަށް ބަންދު ކުރަން ކޯޓުން ވަނީ އަމުރުކޮށްފަ.

71 ދުވަސް ކުރިން - 15:41

އެއާޕޯޓް ޓެކުހާއި ފީގެ ގޮތުގައި ދައުލަތަށް ލިބުނު އާމްދަނީ 2.54 ބިލިޔަން ރުފިޔާއަށް އަރައިފި

މިދިޔަ މަހުގެ 27 އާ ހަމައަށް އެއާޕޯޓް ޓެކުހާއި ފީގެ ގޮތުގައި ދައުލަތަށް 2.54 ބިލިޔަން ރުފިޔާ ލިބިފައިވާކަމަށް މާލީ ވުޒާރާއިން ބުނެފި. މިއީ މިދިޔަ އަހަރުގެ މި މުއްދަތާ އަޅާބަލާއިރު 8.5 އިންސައްތައިގެ އިތުރުވުމެއް.

71 ދުވަސް ކުރިން - 13:57

އަންނަ ސެޕްޓެމްބަރު 15 އިން ފެށިގެން ތައިލޭންޑުގައި ވިސާއާ ނުލައި ދިވެހިންނަށް 30 ދުވަހު ތިބެވޭނެ

ތައިލޭންޑުގެ ވިސާ ޕޮލިސީއަށް ގެނައި ބަދަލާއެކު، ސެޕްޓެމްބަރު 15 އިން ފެށިގެން ދިވެހިންނަށް ވިސާއާ ނުލައި އެ ގައުމުގައި 30 ދުވަހު ތިބެވޭނެ. މި ބަދަލު ގެނައީ ދެ ގައުމުގެ ހާރިޖީ ވަޒީރުން ކުރެއްވި މަޝްވަރާތަކަށްފަހު.

71 ދުވަސް ކުރިން - 12:52