އައިޝަތު އިމްސާ

327 ލިޔުން

އުނގޫފާރު ސްކޫލްގެ ޖާގައިގެ ދަތިކަން ހައްލުކުރުމަށް ހިންގާ މަޝްރޫއުގެ މުހިންމު މަސައްކަތްތަކެއް ނިންމާލައިފި

މި މަޝްރޫއަކީ އުނގޫފާރު ސްކޫލުގައި ކިޔަވާ ދަރިވަރުންގެ އިތުރުން މަސައްކަތް ކުރާ މުވައްޒަފުންނަށް ދިމާވެފަވާ ޖާގައިގެ ދަތިކަމަށް ހައްލެއް ހޯދުމުގެ ގޮތުން ފަށާފަވާ މަސައްކަތެއް. މި ޕްރޮޖެކްޓު އެމްޓީސީސީއާ ހަވާލުލުކުރެވުނީ މިދިޔަ އަހަރު އޭޕްރިލަ މަހުގެ ތެރޭގައި ހާއްސަ އެއްބަސްވުމެއްގެ ދަށުން. ދަރިވަރުންނާއި މުވައްޒަފުންނަށް ގިނަ ފަސޭހަތަކެއް ލިބިގެންދާނެ.

36 ދުވަސް ކުރިން - 11:41

ހުޅުމާލޭގައި ޓޭކްއެވޭ ހިދުމަތްދޭ ވިޔަފާރިވެރިން ކާބޯތަކެތި ބަންދުކުރުމާއި ލޭބަލްކުރުމުގެ ގަވާއިދަށް އަހުލުވެރިކުރުމަށް ސެޝަނެއް ބާއްވައިފި

މަގުސަދަކީ، އަންނަ ޑިސެންބަރު 9 ގައި އަމަލުކުރަން ފަށާ މި ގަވާއިދުގެ ދަށުން ކާބޯތަކެތީގެ ރައްކާތެރިކަމާއި، މުއްދަތު ހަމަވާ ތާރީހު ފަދަ މުހިންމު މައުލޫމާތުތައް ލޭބަލްކުރުމަށް ވިޔަފާރިވެރިން ހޭލުންތެރިކުރުވުން. މިއީ އާންމު ސިއްހަތު ރައްކާތެރިކުރުމަށާއި، ވިޔަފާރިތަކުގެ ޚިދުމަތުގެ ފެންވަރު މަތިކުރުމަށް އެޅުނު މުހިންމު ފިޔަވަޅެއް.

36 ދުވަސް ކުރިން - 10:55

ކެނދިކުޅުދޫގައި އަލަށް އިމާރާތްކުރާ ހޮސްޕިޓަލްގެ މަސައްކަތް ނިންމައި އަންނަ އަހަރު ހިދުމަތް ދޭން ފަށަނީ

ނ އަތޮޅު ހޮސްޕިޓަލުގައި އައިސީޔޫގެ ހިދުމަތާއި، ނަފްސާނީ ބަލިތަކަށް ހާއްސަ ޑޮކްޓަރުންގެ ހިދުމަތުގެ އިތުރުން ފިޒިއޮތެރަޕީގެ ހިދުމަތް ފަށާފައިވާކަން މިނިސްޓަރު ފާހަގަކުރެއްވި. އަދި އަތޮޅު ތެރޭގައި ޑައިލިސިސްއާއި ދަތުގެ ފަރުވާގެ ހިދުމަތްތައް އިތުރަށް ފުޅާކުރެވިފައިވޭ. ރަށްރަށުގެ ސިއްހީ މަރުކަޒުތަކަށްވެސް އެކިކަހަލަ ހިދުމަތްތައް ތައާރަފްކޮށް ހިދުމަތް ދޭން ފަށައިފި.

36 ދުވަސް ކުރިން - 10:49

"5 މީހުންނަށް އަނިޔާވި އެކްސިޑެންޓު ހިނގަން މެދުވެރިވީ އެއްސައިކަލަކަށް ތިން މީހަކު އަރުވައިގެން ދުއްވުމުން"

އޭގެ ތެރެއިން 4 މީހެއްގެ ހާލު ސީރިއަސްވެ، އައިޖީއެމްއެޗްގައި ދަނީ ފަރުވާދެމުން. ފުލުހުން ބުނީ މި އެކްސިޑެންޓް ހިނގީ ވަގަށް ނަގާފައިވާ ކަމަށް ބެލެވޭ ސައިކަލަކަށް 3 މީހުން އަރުވައިގެން، ލައިސަންސް ނެތް މީހަކު ވަންވޭއާ ޚިލާފަށް ދުއްވުމުން ކަމަށް.

37 ދުވަސް ކުރިން - 13:57

ހުއްދަނެތި ބޭރު ފައިސާގެ ވިޔަފާރިކުރާ ފަރާތްތަކާ ދެކޮޅަށް ފުލުހުންގެ ހާއްސަ އޮޕަރޭޝަނެއް ފަށައިފި

އޮޕަރޭޝަންގެ ދަށުން މިހާތަނަށް 4 ބިދޭސީއަކާ، ދިވެއްސަކާ، ވިޔަފާރިކުރާ ފިހާރައަކާ ބިދޭސިއަކު ދިރިއުޅޭ ތަނެއް ބަލާފާސްކޮށްފަވޭ. އޮޕަރޭޝަންގެ މައި މަގުސަދަކީ ޑޮލަރުގެ ވިޔަފާރި ކަޅު ބާޒާރުގައި ހުއްޓުވައި ރާއްޖޭގެ މާލީ ހާލަތު ހަމައަކަށް އެޅުން. މައުލޫމާތު ހިއްސާކުރެވޭނެ ނިޒާމެއް ވަނީ ގާއިމުކޮށްފަ.

37 ދުވަސް ކުރިން - 11:44

އަސާސީ ކާބޯތަކެތީގެ ލިސްޓަށް ބާވަތްތައް އިތުރުކުރީ ކުދި ވިޔަފާރިތަކާ ވާދަކުރާކަށް ނޫން: ސައީދު

އެއީ މެދުކެނޑުމެއްނެތި ރައްޔިތުންނަށް އެތަކެތި ފޯރުކޮށްދެވޭނެ އިންތިޒާމު ހަމަޖެއްސުމަށް ކަމަށް ސައީދު ވިދާޅުވި. އަދި ރާއްޖެއިން އެއްވެސް ދަތިކަމެއް ނެތި އަސާސީ ކާބޯތަކެތި ލިބެން ހުންނަކަން ސަރުކާރުން އަބަދުވެސް ކަށަވަރު ކުރަމުންދާނެ ކަމަށާއި މީގެ މައިގަނޑު ބޭނުމަކީ ރައްޔިތުންނަށް ކާބޯތަކެތީގެ ރައްކާތެރިކަން ދެމެހެއްޓެނިވި ގޮތެއްގައި ފޯރުކޮށްދިނުން ކަމަށް ވިދާޅުވި.

37 ދުވަސް ކުރިން - 11:41

އައްޑޫ އެކުއެޓޯރިއަލް ހޮސްޕިޓަލަށް ބޮޑުއަގުގައި ތަކެތި ގަތް މައްސަލަތަކެއް އޮޑިޓް ރިޕޯޓުން ފާހަގަކޮށްފި

މައްސަލަ ފާހަގަވެފަވަނީ 2022، 2023 އަދި 2024 ވަނަ އަހަރުގެ އޮޑިޓް ރިޕޯޓުތަކުން. ސާމްޕަލްގެ ގޮތުގައި ބެލި 3.08 މިލިއަން ރުފިޔާގެ ތަކެތި ގެނެސްފައިވަނީ މާކެޓު އަގަށްވުރެ 2.08 މިލިއަން ރުފިޔާ އަގުބޮޑުކޮށް. ދައުލަތަށް ގެއްލުންވާގޮތަށް އަމަލުކޮށްފައިވާތީ، މާލިއްޔަތު ގަވާއިދާ އެއްގޮތަށް މާލީ ނިޒާމު ހަރުދަނާކުރުމަށް އިލްތިމާސްކޮށްފި

38 ދުވަސް ކުރިން - 13:24

އުފެއްދުންތެރިކަމުގެ މައުރަޒަށް ބޮޑު ތަރުހީބެއް: 1000 އަށްވުރެ ގިނަ ވިޔަފާރި

މިއަހަރު އުފެއްދުންތެރިކަމުގެ މައުރަޒު ރޭވިފަވަނީ 7 ޑިސްޓްރިކްޓެއްގެ މައްޗަށް އަދި، ގިނަ ވިޔަފާރި ބައިވެރިވެފައިވާއިރު، އުފެއްދުންތެރިޔާގެ ނަމުގައި ބައިވެރިވެވޭ ގޮތް ހަދައި، ވިޒިޓަރ އިކޮނޮމީ އާއި އިންޓަރނޭޝަނަލް ޑިސްޓްރިކްޓް އަލަށް އިތުރުކުރަން ބީސީސީއިން ވަނީ ނިންމާފަ. މިއަހަރު މައުރަޒު ކުރިޔަށްދާން ހަމަޖެހިފަވަނީ 9 ދުވަހުގެ މުއްދަތަކަށް.

38 ދުވަސް ކުރިން - 11:27

"ފަސްޓް ގްލޯބަލް ޗެލެންޖް 2026" ރޮބޮޓިކްސް ގައި ބައިވެރިވުމަށް ދިވެހި ޓީމު ފުރައިފި

ޖުމުލަ 10 ދަރިވަރުންގެ މި ޓީމުން ތައްޔާރުކޮށްފައިވަނީ ޖަންގަލިތަކުގައި ރޯވާ އަލިފާން ކޮންޓްރޯލްކުރުމަށް އެހީވާނެ އީޖާދީ ރޮބޮޓެއް. "ވިމެން އިން ޓެކް މޯލްޑިވްސް" ގެ އިސްނެގުމުގެ ދަށުން ރާއްޖެ ތަމްސީލުކުރާ މި ޓީމަށް "ފޯލޫޕް ކޯޑިންގ އެކެޑަމީ" އިން ވަނީ ފަންނީ ތަމްރީނު ފޯރުކޮށްދީފަ.

38 ދުވަސް ކުރިން - 11:26

ރާއްޖެއަށް ދުވަހަކުވެސް މުދާ އެތެރެނުކުރާ މިންވަރަށް މުދާ އެތެރެކޮށް އިގްތިސާދު ކުރިއަރަނީ: ވަޒީރު ސައީދު

ރާއްޖެއަށް މުދާ އެތެރެކުރާ މިންވަރު އިތުރުވެ، ތިލަފުށީ ބަނދަރު ތަރައްގީކުރުމަށް 3 ކުންފުނީގެ ކޮންސޯޓިއަމްއެއް އުފައްދައި، 2028 ވަނަ އަހަރުގެ ނޮވެމްބަރަށް ފުރިހަމަ ބަނދަރެއް ލިބޭނެކަމަށް ވަޒީރު ސައީދު ހާމަކުރައްވައިފި.

38 ދުވަސް ކުރިން - 11:23

މިއަހަރުގެ މިހާތަނަށް ގްރީން ޓެކުހުގެ ގޮތުގައި ދައުލަތަށް 1.5 ބިލިއަން ރުފިޔާ ލިބިއްޖެ

މިއީ މިދިޔަ އަހަރަށްވުރެ 0.7 އިންސައްތައިގެ ކުރިއެރުމެއް. 2016 ވަނަ އަހަރު ތައާރަފުކުރި މި ޓެކުހަކީ ފަތުރުވެރިންގެ އަތުން ނަގާ ޓެކުހެކެވެ. އެގޮތުން ރިސޯޓުތަކުން 12 ޑޮލަރު އަދި ގެސްޓްހައުސްތަކުން 6 ޑޮލަރު ނަގާ. މި ފައިސާ ބޭނުންކުރަނީ ރަށްރަށުގެ ފެނާއި ނަރުދަމާ، ގޮނޑުދޮށް ހިމާޔަތްކުރުން ފަދަ ކަންކަމަށް.

38 ދުވަސް ކުރިން - 10:46

މާލޭގެ ވިޔަފާރި ބަނދަރު ތިލަފުއްޓަށް ބަދަލުކުރުމަކީ އިންގިލާބީ ބަދަލެއް: އެމްޕީއެލް ސީސީއޯ ޝަފީގް

މާލޭގެ ވިޔަފާރީގެ ބަނދަރު ތިލަފުށްޓަށް ބަދަލުކުރުމަކީ ތާރީހީ ބަދަލެއް ކަމަށާއި، އޭއައި އާއި ޒަމާނީ ޓެކްނޮލޮޖީއާއެކު ހިދުމަތްތައް އަވަސްވެ އިންސާނީ ވަސީލަތް ތަރައްގީކުރެވޭނެކަމަށް ދެވަނަ މެރިޓައިމް ކޮންފަރެންސްގައި އެމްޕީއެލްއިން ހާމަކޮށްފި. އަދި މެރިޓައިމްކޮންފަރެންސްގެ މުހިއްމުކަމާ ބެހޭގޮތުން ވާހަކަ ދައްކަމުން ގައުމުތަކުގެ މެދުގައި އޮންނަ ގުޅުން އިތުރަށް ބަދަހިވެގެންދާކަމުގައި ފާހަގަކުރެއްވި.

39 ދުވަސް ކުރިން - 11:06