އައިޝަތު އިމްސާ

327 ލިޔުން

މޫސުމީ ބަދަލުތަކުން އަރައިގަތުމަށް ރާއްޖެއަށް ބޭނުންވާ މާލީ އެހީތެރިކަމާ ގުޅޭގޮތުން، މިނިސްޓަރ އަލީ ޝަރީފް ޖީސީއެފްގެ އިސްވެރިޔާއާ ބައްދަލުކުރައްވައިފި

މި މަޝްވަރާތަކުގެ ސަބަބުން މޫސުމީ ބަދަލުތަކުން ރައްކާތެރިވުމަށް ރާއްޖެއިން ކުރަމުންދާ މަސައްކަތްތަކަށް ބޭނުންވާ ފަންޑިންގ އިތުރަށް ފަސޭހަކޮށް، ޖީސީއެފް މެދުވެރިކޮށް މާލީ އެހީތެރިކަން އަވަސްކުރުމަށް މަގުފަހިވެގެންދާނެ. ބައްދަލުވުން ކުރިއަށްދިޔައީ ތައިލޭންޑްގެ ބެންކޮކްގައި ކުރިއަށްދާ އައިއެމްއެފް އަދި ވޯލްޑް ބޭންކްގެ އަހަރީ ބައްދަލުވުންތަކުގެ ހަވާސާގަ ތެރެއިން.

29 ދުވަސް ކުރިން - 12:11

ރިސޯޓު ކުލީގެ ގޮތުގައި ދައުލަތަށް ލިބުނު އާމްދަނީ %10.8 އިތުރުވެއްޖެ

ރާއްޖެއަށް ޒިޔާރަތްކުރާ ފަތުރުވެރިންގެ ތެރެއިން އެންމެ ގިނަ މީހުން ޗުއްޓީ ހޭދަކުރަނީ ރިސޯޓުތަށް ކަމުގަވީނަމަވެސް ފަތުރުވެރިކަމަށް ދޫކޮށްފައިވާ ގިނަ އަދަދެއްގެ ރަށްތަކާއި ފަޅުތައް ރިސޯޓު ގޮތުގައި ތަރައްގީ ނުކުރެވި ގިނަ ދުވަސްވެފައިވާކަން މިނިސްޓަރު ފާހަގަކުރި.

29 ދުވަސް ކުރިން - 11:40

ދިވެހިރާއްޖެއާއި ފިލިޕީންސްގެ ހިއުމަން ރައިޓްސް ކޮމިޝަނާ ދެމެދު މުހިންމު ފަހުމުނާމާއެއްގައި ސޮއިކޮށްފި

އެޗްއާރުސީއެމްގެ މެންޑޭޓާއި، ކުރިއަށްގެންދާ ޕްރޮގްރާމްތަކާއި އިސްނެގުންތަކާ ގުޅޭގޮތުން ޕްރެޒެންޓޭޝަނެއް ހުށައެޅި. އަދި ފިލިޕީންސްގެ ކޮމިޝަނުންވެސް އިންސާނީ ހައްގުތައް ހިމާޔަތްކުރުމާއި، ސިޔާސަތުތައް އެކަށައެޅުމާއި، ހޭލުންތެރިކަން އިތުރުކުރުމުގެ ދާއިރާއިން ކުރަމުންދާ މަސައްކަތްތަކާ ގުޅޭގޮތުން ޕްރެޒެންޓޭޝަންތައް ހުށަހެޅި.

30 ދުވަސް ކުރިން - 19:57

ކުރިއަށް އޮތް ތިން ދުވަހުވެސް ރާއްޖޭގެ ހުރިހާ ހިސާބަކަށް ބޯކޮށް ވާރޭވެހި މޫސުން ގޯސްވާނެ

އެލްނީނޯގެ ސަބަބުން ކުރިއަށް އޮތް ތިން ދުވަހު ރާއްޖޭގެ ހުރިހާ ހިސާބަކަށް ބޯކޮށް ވާރޭވެހޭނެ. ދެކުނަށް މޫސުން ވަރަށް ގޯސްވާނެއިރު، ދުރު ފެންނަ މިންވަރު ވަނީ 7 ކިލޯމީޓަރަށް ދަށްވެފަ.

30 ދުވަސް ކުރިން - 15:15

ރާއްޖޭގައި ހަރަކާތްތެރިވި 29 ފޮރިން އިންވެސްޓްމަންޓެއް އުވާލައިފި

2024 ވަނަ އަހަރު އަމަލުކުރަން ފެށުނު ފޮރިން އިންވެސްޓްމެންޓް ގާނޫނާ ގުޅޭ ސިޔާސަތުގެ ދަށުން، ޝަރުތު ފުރިހަމަނުވާ ގިނައަދަދެއްގެ ފޮރިން އިންވެސްޓްމަންޓެއް ހިމެނޭއިރު، އުވައިލީ ދިވެހި ވިޔަފާރިވެރިންނަށް ބޮޑެތި ފުރުސަތުތަކެއް އޮތް އަދި އިންވެސްޓް ކުރުމުގެ ގާބިލުކަން ސީދާ ލިބިގެންވާ ދާއިރާތަކުގެ އިންވެސްޓްމެންޓް.

30 ދުވަސް ކުރިން - 13:57

ރާއްޖޭގެ ރަށްރަށުގައި މިސްކިތްތައް ތަރައްގީކުރުމުގެ މަސައްކަތް ބާރަށް ކުރިއަށްދާކަމަށް އިސްލާމިކް މިނިސްޓްރީން ހާމަކޮށްފި

ދ. ރިނބުދޫގައި ބިނާކުރާ 500 މީހުންގެ ޖާގައިގެ މިސްކިތް، އއ. ހިމަންދޫގައި ބިނާކުރާ 300 މީހުންގެ ޖާގައިގެ މިސްކިތާއި އައްޑޫ ސިޓީ މީދޫގައި ބިނާކުރާ 700 މީހުންގެ ޖާގައިގެ މިސްކިތުގެ ނިމުމުގެ މަސައްކަތްތައް ކުރިޔަށްދަނީ. ދ. ދިގުރަށް އަދި ހއ. ތުރާކުނުގައި ބިނާކުރާ މިސްކިތްތަކުގެ މަސައްކަތް ފެށިއްޖެ.

30 ދުވަސް ކުރިން - 13:51

ބާޒާރުގައި 5 ރުފިޔާގެ ނޫޓު މަދުވުމުން އެމްއެމްއޭއިން އައު ސްޓޮކެއް ގެނެސް ދައުރުކުރަން ފަށަނީ

މާދަމާ ދައުރުކުރަން ފަށާ އައު ނޫޓުގައި ދިވެހި ރުފިޔާގެ ނިޝާން (ރ) ހިމަނާފަވޭ އަދި މި ނޫޓުގައިވާ ތާރީހަކީ 31 ޖުލައި 2025، 6 ސަފަރު 1447. މި ނޫޓުގައި ސޮއިކުރައްވާފައިވަނީ އެމްއެމްއޭގެ ގަވަރުނަރު އަހްމަދު މުނައްވަރު.

30 ދުވަސް ކުރިން - 13:39

ރަސްމާލެ ވޯޓަރފްރޮންޓް މަޝްރޫއާއެކު މަތީ ފަންތީގެ ފަތުރުވެރިން ރާއްޖެއަށް ގެނެވޭނެ: އަލްއައްބާރު

ރަސްމާލެ ވޯޓަރފްރޮންޓް މަޝްރޫއިން 31 ބިލިއަން ޑޮލަރުގެ އާމްދަނީއެއް ލަފާކުރެވޭއިރު، މަތީ ފަންތީގެ ފަތުރުވެރިން އިތުރުވެ ދައުލަތަށް ޓެކްސް އާމްދަނީ ލިބޭނެ. އެއްބަސްވުމުގެ މަޝްވަރާތަކަށްފަހު އަމަލީ މަސައްކަތް ފަށަން އީގަލް ހިލްސް އޮތީ ތައްޔާރަށް.

30 ދުވަސް ކުރިން - 13:33

ހުޅުމާލޭ ރަށުމާރުކޭޓުން 9 ގޮޅިއެއް ކުއްޔަށް ދޫކުރުމަށް އެޗްޑީސީން ފުރުސަތު ހުޅުވާލައިފި

ގޮޅި ކުއްޔަށް ނަގަން ބޭނުންވާ ފަރާތްތަކުން ފޯރމް އޮންލައިންކޮށް ފުރާލެވޭނެ. އިތުރު މައުލޫމާތު ސާފުކުރަން ބޭނުންވާ ފަރާތްތަކުން އެޗްޑީސީގެ ހޮޓްލައިން ނަންބަރު 1516 އަށް ގުޅުއްވައިގެން މައުލޫމާތު ސާފުކުރުމަށް އެޗްޑީސީން ވަނީ އިލްތިމާސްކޮށްފަ

31 ދުވަސް ކުރިން - 19:16

ބޭސްފަރުވާއަށް ދޫކުރާ 1،000 ޑޮލަރު ހާއްސަ 6 ގައުމަކަށް އެކަނި ދޫކުރާ ގޮތަށް އެމްއެމްއޭއިން ހަމަޖައްސައިފި

އަމިއްލަ ހަރަދުގައި ދަތުރުކުރާ ފަރާތްތަކަށް ދޭ ޑޮލަރުގެ ނަހަމަ ގޮތުގައި ބޭނުންކުރުން ހުއްޓުވައި، ސީދާ ބޭސްފަރުވާއަށް ބޭނުންވާ ދިވެހިންނަށް ބޭރު ފައިސާ ފަސޭހަކަމާއެކު ލިބޭނެ އިންތިޒާމު ހަރުދަނާކުރުމަށް ގެނައި ބަދަލެއް. މި ހަ ގައުމަކީ އިންޑިއާ، ސްރީލަންކާ، ތައިލެންޑް، މެލޭޝިއާ، ސިންގަޕޫރު، އަދި ޔޫ.އޭ.އީ.

31 ދުވަސް ކުރިން - 19:15

ކާރިސާތަކުން ލިބޭ ގެއްލުން ކުޑަކުރުމުގެ ގައުމީ ނިޒާމު ހަރުދަނާކޮށް ރާއްޖެއިން ބޮޑެތި ކުރިއެރުންތަކެއް ހޯދައިފި

ކާރިސާތަކުން ލިބޭ ގެއްލުން ކުޑަކުރުމުގެ ދުވަހާ ގުޅިގެން، ރާއްޖޭގައި ނެޝަނަލް ރިސްކް ރެޖިސްޓަރ 2026 އާއި ޑާލާ ނިޒާމު އެކުލަވާލައި، ރަށްރަށަށް ވަސީލަތްތައް ފޯރުކޮށްދީ ވިލުންތެރި މުޖުތަމަޢެއް ބިނާކުރުމުގެ މުހިންމު މަސައްކަތްތަކެއް ކުރެވިފައިވާކަން އެންޑީއެމްއޭއިން ހާމަކޮށްފި

31 ދުވަސް ކުރިން - 13:19

މާލޭގައި ތަރައްގީކުރާ ޕާކިން ބިލްޑިންތަކުގެ މަސައްކަތް އަންނަ އަހަރުގެ ނޮވެންބަރަށް ނިމޭނެ: ސައީދު

މާލެ ސަރަޙައްދުގައި 7 ޕާކިން ބިލްޑިން އެޅުމަށް ނިންމައި، ހަތަރު ފުރޮޅުލީ އުޅަނދުތަކަށް 2600 އަށްވުރެ ގިނަ ޖާގަ އަދި ދެ ފުރޮޅުލީ އުޅަނދުތަކަށް 1000 ޖާގަ ލިބިގެންދާނެ. ދަތުރުފަތުރާ ބެހޭ ގާނޫނަށް ގެނެވުނު އިސްލާހުތަކާއެކު، މަސައްކަތްތަކަށް ލަފާދިނުމަށްޓަކައި "ރޯޑް ސޭފްޓީ ކައުންސިލް" ވަނީ އުފައްދާފައި.

31 ދުވަސް ކުރިން - 12:21