އައިޝަތު ރުވާ ރިފްޢަތު

3605 ލިޔުން

ރެކޯޑަކަށްފަހު ރެކޯޑެއް! މިފަހަރު ސަރުކާރުން ރެކޯޑު މިހެދީ ހުރިހާ އާރުޓީއަކަށް 100 އިންސައްތަ ޖަވާބުދީގެން

މިއީ ރާއްޖޭގެ ތާރީހުގައި މިފަދަ ކާމިޔާބީއެއް ހާސިލުކުރި ފުރަތަމަ ފަހަރު. މީގެ ކުރިން 34 އިންސައްތައިގައި އޮތް މި ރޭޓް މަތިވުމަކީ ދެފުށް ފެންނަ، ޖަވާބުދާރީވާ ސަރުކާރެއް ބިނާކުރުމަށް އެޅުނު ވަރަށް މުހިންމު ފިޔަވަޅެއް. މިއީ ކޮރަޕްޝަންގެ ފުރުސަތުތައް ހަނިކޮށް، ސަރުކާރަށް އޮތް އިތުބާރު ބޮޑުވެގެންދާނެ ކަމެއް.

159 ދުވަސް ކުރިން - 19:33

މިފްކޯއިން މަސް ގަންނަ އަގު 18.50 އަށް ބޮޑުކޮށްފި؛ އަމާޒަކީ ކިލޯއެއް 20 ރުފިޔާއަށް ޖެއްސުން - ސީއީއޯ

ސީއީއޯ ވިދާޅުވީ ރައީސް މުޢިއްޒުގެ އަމާޒަކީ މަސް ކިލޯއެއް 20ރ. އަށް ޖެއްސުން. މި ސަރުކާރުން ވަނީ ކުރީގެ ދަރަންޏާއެކު ބިލިއަނެއްހާ ރުފިޔާ މަސްވެރިންނަށް ދޫކޮށްފައެވެ. އަދި މިހާރު 48 ގަޑިއިރު ތެރޭ ފައިސާ ދަނީ ދޫކުރަމުން.

160 ދުވަސް ކުރިން - 13:26

ހިތަދޫ އުތުރު ދާއިރާގައި ޕީއެންސީ/ޕީޕީއެމް/ޑީއާރުޕީ ފިކުރަށް ތާރީހީ ކުރިއެރުމެއް

އެމްޑީޕީގެ ކެންޑިޑޭޓް ސޯބެ އިންތިހާބު ކާމިޔާބުކުރީ އެންމެ 62 ވޯޓުގެ ތަފާތުން ކަމަށްވާތީ، މިއީ އިންތިހާބުން ބަލިވި ނަމަވެސް ޕީއެންސީގެ ސަޕޯޓަރުން އުފާފާޅުކުރަން ހައްގުވާ ފަދަ ތާރީހީ ކުރިއެރުމެއްކަން އިލެކްޝަން ކޮމިޝަނުގެ ތަފާސްހިސާބުތަކުން ދައްކާ.

160 ދުވަސް ކުރިން - 10:48

ކެމްޕެއިން ޓީމުން ކުރީ ތައުރީފު ހައްގު މަސައްކަތެއް: އަބްދުއްރަހީމް

ޕީއެންސީގެ ކެނޑިޑޭޓް ސޮޑާއަށް ވޯޓްދެއްވި އެ ދާއިރާގެ ލޮބުވެތި ރައްޔިތުންނަށް ނުހަނު އިހުލާސްތެރިކަމާއެކު އަބްދުއްރަހީމް ވަނީ ޝުކުރު ދަންނަވާފަ. މިއަދުގެ ނަތީޖާއިން ހިތްވަރު ލިބިގެން، 2028 ވަނަ އަހަރުގެ ރިޔާސީ އިންތިހާބަށް ރައީސް ޑރ. މުހައްމަދު މުއިއްޒާ އެކު ތިއްބެވީ ވަރަށް ވަރުގަދަ އަމާޒެއްގައި ކަމަށްވެސް އޭނާ ވިދާޅުވި.

160 ދުވަސް ކުރިން - 23:26

އިބްރާހީމް ރަޝާދު ދެމިއޮތުމުގެ އާލަމަށް ދަތުރުކުރެއްވުމާ ގުޅިގެން ރައީސުލްޖުމްހޫރިއްޔާ ތައުޒިޔާ ވިދާޅުވެއްޖެ

އިބްރާހީމް ރަޝާދު ދައުލަތުގެ ހިދުމަތް ފެށްޓެވީ 26 ޖޫން 1961 ގައި. ހިދުމަތުން ވަކިވެވަޑައިގެންނެވީ 2008 ވަނަ އަހަރު. ރައީސް ވިދާޅުވީ އިބްރާހީމް ރަޝާދަކީ ދައުލަތުން ހަވާލުކުރެއްވި ކޮންމެ މަސްއޫލިއްޔަތެއް މުރާލިކަމާއި، ތެދުވެރިކަމާއި، ރޭވުންތެރިކަމާއެކު އަދާކުރެއްވުމުގައި ލާމަސީލު ނަމޫނާއެއް ކަމަށް.

160 ދުވަސް ކުރިން - 22:21

7 ފޮށީގެ ތެރެއިން 4 ފޮށި ޕީއެންސީއަށް؛ ސޯބެ އިންތިހާބު ކާމިޔާބުކުރީ ހަނި ގޮތަކަށް

ހިތަދޫ ފޮށިތަކުން ޕީއެންސީ ކެންޑިޑޭޓް ސޮޑާއަށް 958 ވޯޓު ލިބިފައިވާއިރު، ސޯބެއަށް ލިބިވަޑައިގަތީ 924 ވޯޓު. މާލޭ ފޮށީގެ ނަތީޖާ ދައްކާގޮތުން ސޯބެއަށް 451 ވޯޓު ލިބިވަޑައިގަތްއިރު، ސޮޑާއަށް ލިބިވަޑައިގަތީ 355 ވޯޓު. ސޯބެ އިންތިހާބު ކާމިޔާބުކުރީ 62 ވޯޓު ކުރީގައި އޮވެގެން.

160 ދުވަސް ކުރިން - 19:55

ތިމާވެށި ހިމާޔަތްކުރުމަށް ގްރީން ފަންޑުން އަހަރަކު 7 މިލިއަން ރުފިޔާ ކަނޑައަޅުއްވައިފި

މޫސުމީ ބަދަލުތަކަށް ހައްލު ހޯދުމުގައި ކުރިމަތިވާ އެންމެ ބޮޑު ގޮންޖެހުމަކީ އެކަށީގެންވާ މާލީ ވަސީލަތްތައް ނެތުންކަން ރައީސް ވަނީ ފާހަގަކުރައްވާފަ. ގްރީން ފަންޑުން ކަނޑައެޅި މި 7 މިލިއަން ރުފިޔާއަކީ ތިމާވެށީގެ ދާއިރާއަށް މިހާރުވެސް ދައުލަތުގެ ބަޖެޓުން ކުރާ ހޭދައިގެ އިތުރުން ދެވޭނެ އެހީއެއް ކަމަށް ރައީސް ވިދާޅުވި.

160 ދުވަސް ކުރިން - 18:49

ވިލިމާލޭގެ ތެލުގެ ދަތިކަމަށް ހައްލެއް: އެފް.އެސް.އެމްގެ އައު ފިއުލް ސްޓޭޝަންގެ މަސައްކަތް ފަށައިފި

މި މަޝްރޫއަކީ ވިލިމާލޭ ފަޅުތެރޭގައާއި އެ ސަރަހައްދުގައި ދަތުރުފަތުރުކުރާ ފަރާތްތަކަށް ތެޔޮ ހޯދުމުގައި ދިމާވާ ގޮންޖެހުންތަކަށް ދާއިމީ ހައްލެއް ހޯދައިދިނުމަށް ސަރުކާރުގެ އިރުޝާދުގެ ދަށުން ފެށިގެންދިޔަ މުހިންމު މަސައްކަތަކަށްވަާއިރު، މި ސްޓޭޝަން ގާއިމުވުމުން، ތެޔޮ އެޅުމަށްޓަކައި މާލެއަށް ނުވަތަ ތިލަފުށްޓަށް ކުރަންޖެހޭ ދިގު ދަތުރުތައް ހުއްޓުމަކަށް އަންނާނެކަން ފާހަގަކޮށްލެވޭ.

160 ދުވަސް ކުރިން - 15:48

ހިތަދޫ އުތުރު ދާއިރާގެ ބައި-އިލެކްޝަން ފަށައިފި: މިހާތަނަށް 530 މީހުން ވޯޓުލައިފި

08:00 ގައި ފެށި މި ވޯޓުލުން މިއަދު ހަވީރު 16:00 އާ ހަމައަށް ކުރިއަށްދާނެ. ވޯޓު ލުމުގެ ހައްގު 4،121 މީހުންނަށް ލިބިގެންވޭ. ވޯޓުލުމަށްޓަކައި ދަރުމަވަންތަ ސްކޫލުގައި ދެ ފޮށްޓެއް އަދި ހިތަދޫގައި ފަސް ފޮށްޓެއް ބަހައްޓާފައިވޭ. އިންތިހާބުގައި ވާދަކުރަނީ ސޮޑާ އަދި ސޯބެ.

161 ދުވަސް ކުރިން - 10:25

ރައްޔިތުންގެ ކަންބޮޑުވުންތަކަށް ޖަވާބުދާރީވުމަށް "ދަ ޕަލްސް" ޕޮޑްކާސްޓް ސިލްސިލާ އިފްތިތާހުކޮށްފި

ތިމާވެށީގެ ދުވަހާ ގުޅުވައިގެން ނެރުނު ފުރަތަމަ އެޕިސޯޑް ހާއްސަކޮށްފައިވަނީ ތިމާވެށީގެ މައްސަލަތަކަށް. ކުރިއަށް އޮތް ތަނުގައި ކޮންމެ ހަފްތާއަކުވެސް ރަޖިސްޓްރީކޮށްފައިވާ މީޑިއާތަކަށް ދައުރުވާ އުސޫލުން މި ޕޮޑްކާސްޓްގައި ބައިވެރިވެ ރައީސާ ސުވާލުކުރުމުގެ ފުރުސަތު ލިބިގެންދާނެ.

161 ދުވަސް ކުރިން - 02:59

ހެޔޮ ކަންކަމަށް އަމުރުކޮށް ނުބައި ކަންކަން ނަހީކުރުމުގައި ފަރުދީ ޒިންމާ އަދާކުރާން ހުތުބާގައި ގޮވާލައިފި

މީސްތަކުންގެ ލެޔާއި، މުދަލާއި، އަބުރު ރައްކާތެރިކުރުމަށްޓަކައި އެންމެން ގުޅިގެން މަސައްކަތްތަކެއް ކުރަން ޖެހިފައިވާކަން ހުތުބާގައި ފާހަގަކުރި. ހަރުދަނާ އަހުލާގީ ޖީލެއް ބިނާކުރުމަށްޓަކައި މައިންބަފައިންނާއި، މުދައްރިސުންނާއި، ދީނީ އިލްމުވެރީންގެ އިތުރުން މުޖުތަމައުގެ ހުރިހާ މަސްއޫލުވެރިން އެކުގައި މަސައްކަތްކުރުމަށް ހުތުބާގައި ގޮވާލެއްވި.

162 ދުވަސް ކުރިން - 13:00

ރާއްޖޭގެ ބޮޑުބަޔަކަށް މިއަދުވެސް މޫސުން ގޯސްވާނެ ކަމަށް ލަފާކޮށްފި

މި ދުވަސްވަރަކީ ހުޅަނގު މޫސުމުގެ ވިއްސާރަ ކުރަމުންދާ ދުވަސްވަރަކަށް ވާތީ، ކަނޑުދަތުރުކުރާ ފަރާތްތަކުން މޫސުމަށް ހާއްސަ ސަމާލުކަމެއް ދިނުމަށާއި، ރައްކާތެރިކަމުގެ ފިޔަވަޅުތައް އެޅުމަށް ގައުމީ މޫސުމާ ބެހޭ އިދާރާއިން ވަނީ އިލްތިމާސްކޮށްފައި.

162 ދުވަސް ކުރިން - 12:25