31 އޮކްޓޯބަރު 2023 ގެ ނިޔަލަށް 248 ސިޔާސީ މުވައްޒަފުން މަދުކުރެވިފައިވާ ކަމަށް ރައީސް އޮފީހުގެ ތަރުޖަމާނު ހީނާ ވަލީދު ވިދާޅުވި.
579 ދުވަސް ކުރިން - 21:22
ރައީސުލްޖުމްހޫރިއްޔާގެ މާސްޓަޕްލޭން އިޢުލާން ކުރުމަށް އޮންނަ ރަސްމިއްޔާތަށް ޚަރަދުވާނީ ދެލައްކަ ރުފިޔާއަށްވުރެ ކުޑަ ބަޖެޓެއް ކަމުގެ ޔަޤީންކަން ރައީސް އޮފީހުގެ ތަރުޖަމާނު ހީނާވަލީދު ވަނީ ދެއްވާފަ.
580 ދުވަސް ކުރިން - 18:12
ހީނާ ވަލީދު ވަނީ ސަރުކާރު ކުންފުނިތަކުން މުވައްޒަފުން މަދުކުރާކަމަށް ބުނެ ފެތުރޭ މަޢުލޫމާތު ދޮގުކުރައްވައި، ނޫސްވެރިންނަށް ޒިންމާދާރުކަމާއެކު ޙަޤީޤަތް ހޯދުމަށް ގޮވާލައްވައިފި.
596 ދުވަސް ކުރިން - 16:54
ރާއްޖޭގެ ވަފްދު އެ ހޯލުން ނުކުތީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު ފަލަސްތީނާއިމެދު ގެންގުޅުއްވާ ހާއްސަ ސަމާލުކަމާއި، އެ ގައުމުގެ ހައްގުގައި އެމަނިކުފާނު ކުރައްވަމުން ގެންދަވާ ހާއްސަ މަސައްކަތްޕުޅަށް އިހްތިރާމް ކުރެއްވުމުގެ ގޮތުން ކަމަށާއި، ދިވެހި ވަފްދުގެ އިތުރުން ތުރުކީގެ ވަފުދާއި އެހެން ގިނަ ބަޔަކުވެސް ވަނީ އެތަނުން ނުކުމެފައި ކަމަށް ހީނާ ވިދާޅުވި.
614 ދުވަސް ކުރިން - 22:36
ހީނާ ވިދާޅުވީ ރައީސް މުޢިއްޒު ވެރިކަމާ ހަވާލުވެވަޑައިގަތުމަށްފަހު، މި މަޝްރޫޢުގެ މަސައްކަތަށް ބޭނުންވާ 400 މިލިއަން ރުފިޔާ ބަޖެޓުގައި ހިމެނުމަށް ހުށަހެޅުއްވި ނަމަވެސް، އޭރުގެ މަޖިލީހުގެ މެޖޯރިޓީ އޮތް އެމްޑީޕީން އެކަމަށް ދެކޮޅު ހެދިކަމަށް. ރަސްމާލެ މަޝްރޫޢަކީ ރައީސްގެ ބޮޑު ވަޢުދަކަށް ވާއިރު، ތާރީޚަށް ބަދަލު އައިނަމަވެސް، ވަރަށް ކާމިޔާބު މަޝްރޫޢުއެއްގެ ގޮތުގައި މަޝްރޫޢު ކުރިއަށްދާނެ ކަމަށް ހީނާ ވިދާޅުވި.
623 ދުވަސް ކުރިން - 17:43
ބޭންކް އޮފް މޯލްޑިވްސްގެ ޑިރެކްޓަރުންގެ ބޯޑުގެ ޗެއަރމަންކަމަށް އަޙްމަދު އަލީ ޙަބީބު ޢައްޔަންކުރެއްވުމަށްޓަކައި، ސަރުކާރުން ޕީސީބީ ބޯޑަށް އޭނާގެ ނަން ހުށަހަޅައިފި. ޙަބީބަކީ ބީއެމްއެލްގެ ޗެއަރމަންގެ މަޤާމުގެ މަސްޢޫލިއްޔަތު އަދާކުރުމަށް ޤާބިލު ބޭފުޅަކަށް ވާނެކަމަށް ސަރުކާރުން ޤަބޫލުކުރައްވާކަމަށް ހީނާ ވިދާޅުވެފައިވޭ.
624 ދުވަސް ކުރިން - 21:15
މި ޕްލޭނުގެ ސަބަބުން ދިގު މުއްދަތަކަށް ރާވައިގެން ކުރިއަށްގެންދާ މަޝްރޫޢުތައް ހުއްޓުމެއްނެތި ކުރިއަށް ގެންދެވޭނެކަމަށް ސަރުކާރުން އުންމީދުކުރާ ކަމަށާއި އަދި މިއީ ޤައުމުގެ ތަރައްޤީއަށް ވަރަށް މުހިންމު ފިޔަވަޅެއް ކަމަށްވެސް ހީނާ ފާހަގަކުރައްވާފައިވޭ.
624 ދުވަސް ކުރިން - 20:57
މިކަމުގެ ސަބަބުން ރާއްޖޭގެ އިިޤްތިޞާދީ ދުވެލި އިތުރަށް ހަލުވިވެ، ބައިނަލްއަޤްވާމީ ވިޔަފާރީގައި ރާއްޖޭގެ ދައުރު ފުޅާވެގެންދާނެ ކަމަށް ސަރުކާރުން އުންމީދުކުރާކަމަށް ހީނާ ވިދާޅުވެފައިވޭ.
625 ދުވަސް ކުރިން - 20:38
ރާއްޖޭގެ ބާޒާރުގައި ދިމާވެފައިވާ ފިޔާގެ ދަތިކަމާއި އަގުބޮޑުވުމުގެ މައްސަލައަށް އަވަސް ހައްލެއް ހޯދުމަށް ސަރުކާރުން މަސައްކަތްކުރަމުންދާކަމަށާއި މި މައްސަލަ ހައްލުކުރުމަށް އަޅާ ފިޔަވަޅެއްގެ ގޮތުން، އަންނަ ހަފުތާގައި އެސްޓީއޯ މެދުވެރިކޮށް ރާއްޖެއަށް ފިޔާ ގެނައުމަށް ހަމަޖެހިފައިވާކަމަށް ހީނާ ވިދާޅުވި.
625 ދުވަސް ކުރިން - 20:35
ދޮގުހަދައި ނަފްރަތު އުފައްދާނަމަ ފިޔަވަޅު އަޅަން އެބަ ޖެހޭ! ތަރުޖަމާނު ހީނާ އާއި ޕީއެންސީގެ ޕީޖީ ލީޑަރު ފަލާހުގެ އިތުރުން ހުޅުމާލޭ މެދު ދާއިރާގެ މެމްބަރު ޝަޒީމް ވިދާޅުވީ މެމްބަރުންނަށް ނުހައްގުން ފައިސާދޭ ވާހަކައަކީ ދޮގެއް ކަމަށް..
628 ދުވަސް ކުރިން - 18:13
ރައީސުލްޖުމްހޫރިއްޔާގެ ފަރާތްޕުޅުން ޕީއެންސީގެ މަޖިލިސް މެންބަރުންނަށް ފައިސާ ދިންކަމަށް ބުނެ އޮންލައިންގައި ޝާއިޢުކޮށްފައިވާ އަދަދުތަކަކީ ހަގީގަތާ ޚިލާފު ދޮގު މަޢުލޫމާތު ކަމަށް ރައީސް އޮފީހުގެ ތަރުޖަމާނު ވިދާޅުވެއްޖެ. މި ދޮގު ޚަބަރު ފެތުރި ފަރާތްތަކާމެދު ޤާނޫނީ ފިޔަވަޅު އެޅުމުގެ މަސައްކަތް ކުރަމުންދާ ކަމަށާއި، މިފަދަ ދޮގު މަޢުލޫމާތުތަކާމެދު ރައްޔިތުން ސަމާލުވުމަށް އިލްތިމާސް ކޮށްފައިވޭ.
630 ދުވަސް ކުރިން - 19:18
ހީނާ ވިދާޅުވީ ފަލަސްޠީނުގެ ރައްޔިތުންނަށްޓަކާ މަސްދަޅު ކޭސްތަކެއް ހަދިޔާކުރުމަށް ނިންމާފައިވާ ކަމަށާއި، އޭގެ ފުރަތަމަ ޝިޕްމަންޓް މި މަހުގެ 15 ވަނަ ދުވަހު ފުރުވާލުމަށް ތައްޔާރުވެފައިވާ ކަމަށް. މި ޝިޕްމެންޓުގައި 7800 މަސްދަޅު ކޭސް ފަލަސްޠީނަށް ފޮނުވުމަށް ހަމަޖެހިފައިވާ ކަމަށް ހީނާ ވިދާޅުވި.
631 ދުވަސް ކުރިން - 15:40
