ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ މާސްޓަރޕްލޭން އިޢުލާނުކުރުމަށް ބޭއްވުމަށް ހަމަޖެހިފައިވާ ޙަފްލާއަކީ އަގުބޮޑު ޙަފްލާއެއް ކަމަށް ދުވަހު ނޫހަކުން ކުރި ރިޕޯޓަކާއި ގުޅިގެން ރައީސް އޮފީހުން ވަނީ އެ މަޢުލޫމާތު ދޮގުކޮށްފައެވެ.

ރައީސް އޮފީހުގެ ތަރުޖަމާނު ހީނާ ވިދާޅުވި ގޮތުގައި މި ޙަފްލާއަކީ ގާތްގަނޑަކަށް ދެ ލައްކަ ރުފިޔާއަށްވުރެ ކުޑަ ބަޖެޓަކުން، މުޅި ރާއްޖެ ޝާމިލުވާގޮތަށް ހިންގުމަށް ރޭވިފައިވާ ޙަރަކާތެކެވެ.

"ވޭތުވެދިޔަ އަހަރެއްހާ ދުވަހުގެ ތެރޭގައި އަދަދު ނޫހުން ވަނީ މިފަދަ އެތައް ދޮގު މަޢުލޫމާތެއް ގަސްތުގައި ފަތުރާފައި," ހީނާ ވިދާޅުވިއެވެ. "މިނިވަން ނޫސްވެރިކަމުގެ ނަމުގައި މި ޤައުމުގައި ދޮގު މަޢުލޫމާތު ފަތުރައި، ފިތުނަ ފަސާދަ އުފެއްދުމަށް މަސައްކަތް ނުކުރުމަށް އަޅުގަނޑުމެން އިލްތިމާސްކުރަން." ތަރުޖަމާނުގެ އެކްސްގައި ވެއެވެ.

ސަރުކާރުގެ މުހިންމު މަޝްރޫޢުތަކާ ގުޅޭ މަޢުލޫމާތު ރައްޔިތުންނާ ހިއްސާކުރުމަކީ ސަރުކާރުގެ ޒިންމާއެކެވެ. މިފަދަ ހަރަކާތްތައް ވީހާވެސް ޚަރަދު ކުޑަކޮށް ކުރިއަށް ގެންދިއުމަށް ސަރުކާރުން އަބަދުވެސް މަސައްކަތްކުރެއެވެ.

މީޑިއާ ކައުންސިލުން ވަނީ ނޫސްވެރިން އަބަދުވެސް ޒިންމާދާރު ގޮތެއްގައި މަޢުލޫމާތު ގެނެސްދިނުމަށް އިލްތިމާސްކޮށްފައެވެ.

ރޭ ބޭއްވި އެވޯޑް ދިނުމުގެ ޙަފްލާގައި ނައިބު ރައީސް ވެސް ވަނީ ނޫސްވެރިން ދޮގު ޚަބަރު ނުފެތުރުމަށް އިލްތިމާސް ކުރައްވާފައިކަން ފާހަގަކޮށްލަން ޖެހެއެވެ.