އަައިޝަތު ޒީނާ

1484 ލިޔުން

ޤައިދީން އުނގެނޭ ކޮންމެ ދުވަހަކަށް، ހުކުމުން ދުވަހެއް ކަނޑަން ނިންމައިފި

ޤައިދީން އުނގެނޭ ކޮންމެ ދުވަހަކަށް، ހުކުމުން ދުވަހެއް ކަނޑަން ނިންމުމުގެ ބޭނުމަކީ ޖަލުގައި ޤައިދީން ހޭދަކުރާ މުއްދަތުގައި މަސައްކަތެއް ދަސްކޮށްގެން އާމްދަނީ ލިބޭނެ މަގެއް ހޯދައި، މުޖުތަމަޢަށް އަނބުރާ އަވަހަށް ނުކުމެވެނެ ބަޔަކަށް ޤައިދީން ހެދުން ކަމަށް މިނިސްޓްރީން ބުނި.

807 ދުވަސް ކުރިން - 12:56

އިޝާ ނަމާދަށްފަހު ދިގު ރާގަށް ޤުރުއާން ކިޔަވާ ބައްދަލުވުމެއް ބާއްވަން ނިންމައިފި

މިނިސްޓަރ ޝަހީމް މިއަދު ވިދާޅުވީ މިކަން ކުރިއަށް ގެންދާނީ ޤައުމީ ދުވަހާއި ގުޅިގެން އަންނަ ހަފްތާގެ ބަންދށް ފަހު އަންނަ ފުރަތަމަ ހުކުރު ދުވަހުގެ ރޭ ކަމަށް. މިނިސްޓަރ ވިދާޅުވީ ކުޅަދާނަ ޒުވާން މޮޅު ޤާރީން މި ތިލާވަތު މަހެފިލްގައި ފެނިގެންދާނެ ކަމަށް.

807 ދުވަސް ކުރިން - 12:13

ހުޅުމާލެ އިންޑަސްޓްރިއަލް ޒޯނުގައި ޕާކު ކޮށްފައި ހުރި އުޅަނދުތައް ނަގަން އަންގައިފި

ފުލުހުން ބުނީ ހުޅުމާލެ އިންޑަސްޓްރިއަލް ޒޯނުގައިި ހުރި އުޅަނދުތައް ނަގަން އެންގީ އެޗްޑީސީއިން އެ ސަރަޙައްދު ސާފުކުރުމަށް މަސައްކަތް ކުރުމަށްޓަކައި ކަމަށް. މި އުޅަނދުތައް މިރޭ 11 ގެ ކުރިން ނަގަން ވަނީ އަންގާފައި.

807 ދުވަސް ކުރިން - 11:46

އަނެއްކާވެސް ޢީދު މިސްކިތުން ވައްކަން ކޮށްފި

މާލެ ސިޓީ ކައުންސިލުން ބުނީ ޢީދު މިސްކިތުން ވައްކަން ކޮށްފައިވަނީ ރޭގެ ވަގުތެއްގައި ކަމަށް. އެގޮތުން މިސްކިތުގައި ހަރުކޮށްފައި ހުރި 8 ބޮކި ވަގަށް ނަގާފައިވާކަމަށާއި، މި މައްސަލަ ދިވެހި ފުލުހުންނަށް ހުށަހަޅާފައިވާ ކަމަށް ކައުންސިލުން ބުނި.

807 ދުވަސް ކުރިން - 11:35

އޮންލައިންކޮށް ޞަދަޤާތް ކުރެވޭނެ އިންތިޒާމް ހަމަޖައްސައިފި

މިނިސްޓްރީ މެދުވެރިކޮށް އެހީތެރިކަން ފޯރުކޮށްދެވޭ ކަންތައްތަކުގެ ތެރޭގައި ޤުރުއާން ޙިފްޘު ކުލާސްތަކަށް އެހީވުމަށާއި، ޢުމްރާއަށް ފޮނުވުމަށް އެހީވުމާއި، އިސްލާމީ ދާއިރާތަކުން މަތީ ތަޢުލީމަށް އެހީވުމަށާއި، އިސްލާމީ ލައިބްރަރީތައް ޤާއިމްކުރުމަށް އެހީވުމަށާއި، މިސްކިތް ބިނާކުރުމަށް އެހީވުމަށާއި، ޤުރުއާން ހިތުދަސްކޮށް ނިންމާ ފަރާތްތައް ޢުމްރާއަށް ފޮނުވުމަށާއި، ދީނީ ހަރަކާތްތަކަށް ސްޕޮންސަރ ދިނުމުގެ އިތުރުން މިސްކިތްތަކަށް އެހީވުން ހިމެނޭ.

807 ދުވަސް ކުރިން - 11:26

ޤުރުއާން ހިތުދަސްކުރާ ފަރާތްތައް ޢުމްރާއަށް ފޮނުވަނީ

ޤުރުއާން ހިތުދަސް ކުރާ ފަރާތްތަކަށް ޢުމްރާއަށް ފޮނުވުމުގެ މަޝްރޫޢުއެއް ފެށުމަށް ހަމަޖެހިފައިވާކަން ވަޒީރު އިޢުލާން ކުރެއްވީ ކީރިތި ޤުރުއާން ކިޔެވުމުގެ 36 ވަނަ ޤައުމީ މުބާރާތުގެ ނިންމުމުގެ ރަސްމިއްޔާތުގައި ވާހަކަފުޅު ދައްކަވަމުން. މި މަޝްރޫޢުގެ ދަށުން ޢުމްރާ ދަތުރުގެ ފުރަތަމަ ފުރުސަތު އަރުވާފައިވަނީ އަލްޙާފިޡް ޢަލީ ރަޢީފުއަށް.

807 ދުވަސް ކުރިން - 11:23

ގުރައިދޫ ޚާއްސަ އެހީއަށް ބޭނުންވާ މީހުންގެ މަރުކަޒު ހެލްތު މިނިސްޓްރީގެ ދަށަށް ބަދަލުކޮށްފި

މި މަރުކަޒު ހެލްތު މިނިސްޓްރީގެ ދަށަށް ބަދަލުކުރުމުގެ އެންމެ ބޮޑު ބޭނުމަކީ އެ މަރުކަޒަކީ މީހުން ބައިތިއްބާ ތަނެއްގެ ބަދަލުގައި މީހުންނަށް ބޭނުންވާ ފަރުވާ ދިނުމާއި، ޢާއިލާއާ ގުޅުވައިދީ އާއްމު ދިރިއުޅުމެއް އުޅެވޭނެ ފުރުޞަތު ފަހިކޮށްދޭ ތަނަކަށް ހެދުން ކަމަށް ސަރުކާރުން ބުނި. މި މަރުކަޒުގައި މިވަގުތު 219 މީހުން އެބަތިބި.

808 ދުވަސް ކުރިން - 11:08

އެސްއީޒެޑްގެ ފުރަތަމަ މަޝްރޫޢު އަންނަ ނޮވެމްބަރު މަހު ފަށަނީ

މި މަޝްރޫޢުގެ ދަށުން 150 މެގަވޮޓްގެ ކަރަންޓް އުފެއްދުމުގެ ގާބިލްކަން ލިބިގެންވާ ފްލޯޓިން ސޯލާ ޕެނަލް ހަރުކޮށް ލީ އޯން ބެޓެރި ސިސްޓަމަކާއި އެނާޖީ މެނޭޖްމަންޓް ސިސްޓަމެއް ގާއިމުކުރުމަށް ވަނީ ހަމަޖެހިފައި. މި މަޝްރޫޢަށް ގާތްގަނޑަކަށް 1.6 ބިލިއަން ރުފިޔާ ޚަރަދުވާނެ ކަމަށް ބެލެވޭ.

808 ދުވަސް ކުރިން - 11:02

ޑޮލަރުން ޓެކްސް ނަގަން މަޓާޓޯއިން ތާޢީދުކޮށްފި

މަޓާޓޯއިން ބުނީ މާލީ ސިޔާސަތުތުތަކަށް އިސްލާހު ގެނައުމަކީ ވަރަށް މުހިންމު ކަމެއް ކަމަށާއި، އިސްލާހީ ފިޔަވަޅުތައް އެޅުމުގައި އެ ޖަމިއްޔާގެ ފުރިހަމަ އެއްބާރުލުން ލިބޭނެ ކަމަށް. އަދި ރާއްޖޭގެ މާލީ ޙާލަތު ރަނގަޅުކުރުމަށް ރައީސް އަޅުއްވަން ނިންމަވާފައިވާ ފިޔަވަޅުތަކަށް ފުރިހަމައަށް ތާޢީދުކުރާނެ ކަމަށް އެ ޖަމިއްޔާއިން ބުނި.

808 ދުވަސް ކުރިން - 10:47

އިޓަލީން ލައްކައަކަށްވުރެ ގިނަ ފަތުރުވެރިން ރާއްޖެ ޒިޔާރަތްކޮށްފި

ޓޫރިޒަމް މިނިސްޓްރީން އެންމެ ފަހުން އާންމުކުރި ޑެއިލީ އަޕްޓޭޑްސް ރިޕޯޓުގައިވާގޮތުން މި މަހުގެ 26 ވަނަ ދުވަހުގެ ނިޔަލަށް އިޓަލީން 100082 ފަތުރުވެރިން ވަނީ ރާއްޖެ ޒިޔާރަތްކޮށްފައި. އިޓަލީއަކީ މިހާރު 4 ވަނައަށް އެންމެ ގިނައިން ރާއްޖެއަށް ފަތުރުވެރިން ޒިޔާރަތްކުރާ ޤައުމު.

808 ދުވަސް ކުރިން - 10:23

އެމްޕޮކްސް ފެތުރޭ މައިގަނޑު ސަބަބަކީ ގައިގޯޅިވެ، ހުރަހަކާ ނުލައި ބީހުން: ޑަބްލިޔުއެޗްއޯ

ޑަބްލިޔުއެޗްއޯއިން ބުނީ އެމްޕޮކްސް ޖެހިފައިވާ މީހެއްގެ ހަށިގަނޑުގައި އަތްލައި ގައިގޯޅިކޮށް އުޅުމާ ބަލާއިރު، ވާހަކަ ދައްކާއިރު ބުރައިގެންދާ ކުޅަކީ އެ ބަލި ފެތުރޭ ބޮޑު ސަބަބެއްގެ ގޮތުގައި ނުބެލޭ ކަމަށާއި، އެ ބަލި މައިގަނޑު ގޮތެއްގައި ފެތުރެނީ ބަލި ޖެހިފައިވާ މީހަކާ "ކްލޯޒް ފިޒިކަލް ކޮންޓެކްޓް" ވުމުން ކަމަށް. 2022 ވަނަ އަހަރުން ފެށިގެން މި އަހަރުގެ މިހާތަނަށް 116 ޤައުމަކުން މި ބަލީގައި 99000 އަށްވުރެ ގިނަ ކޭސް ވަނީ ފެނިފައި.

808 ދުވަސް ކުރިން - 10:06

ބީއެމްއެލްގެ ޑިރެކްޓަރުންގެ ބޯޑު އައްޔަންކުރަން އާންމު ޖަލްސާއެއް ބާއްވަން ނިންމައިފި

އަންނަ މަހު 21 ގައި މި ޖަލްސާ ބޭއްވުމަށް ނިންމާފައިވާއިރު، މި ޖަލްސާގައި ބޭންކުން ހުސްވެފައިވާ ޑިރެކްޓަރުންގެ މަޤާމަށް ބޭފުޅުން އައްޔަންކުރާނެ ކަމަށް ބީއެމްއެލް އިން ބުނި. މި ޖަލްސާގައި ބައިވެރިވެވޭނީ 10 ސެޕްޓެމްބަރު 2024 ވާ އަންގާރަ ދުވަހުގެ ނިޔަލަށް ބޭންކުގެ ޙިއްސާދާރުންގެ ދަފްތަރުގައި ރަޖިސްޓްރީ ކޮށްފައިވާ ޙިއްސާދާރުންނަށް.

808 ދުވަސް ކުރިން - 09:43