އަހަރުގެ މިހާތަނަށް އިޓަލީން ލައްކައަކަށް ވުރެ ގިނަ ފަތުރުވެރިން ރާއްޖެ ޒިޔާރަތްކޮށްފައިވާ ކަމަށް ޓޫރިޒަމް މިނިސްޓްރީން ބުނެފިއެވެ.
ޓޫރިޒަމް މިނިސްޓްރީން އެންމެ ފަހުން އާންމުކުރި ޑެއިލީ އަޕްޓޭޑްސް ރިޕޯޓުގައިވާގޮތުން މި މަހުގެ 26 ވަނަ ދުވަހުގެ ނިޔަލަށް އިޓަލީން 100082 ފަތުރުވެރިން ވަނީ ރާއްޖެ ޒިޔާރަތްކޮށްފައެވެ.
އިޓަލީއަކީ މިހާރު 4 ވަނައަށް އެންމެ ގިނައިން ރާއްޖެއަށް ފަތުރުވެރިން ޒިޔާރަތްކުރާ ޤައުމެވެ.
Advertisement
މިދިޔަ އަހަރުގެ ތެރޭގައި އިޓަލީން ރާއްޖެއަށް ޒިޔާރަތްކޮށްފައިވަނީ ޖުމްލަ 118412 ފަތުރުވެރިންނެވެ. މިދިޔަ އަހަރު އިޓަލީ ވެފައިވަނީ ރާއްޖެއަށް ހަ ވަނައަށް އެންމެ ގިނައިން ފަތުރުވެރިން ޒިޔާރަތްކުރި ޤައުމަށެވެ.
އިޓަލީން ރާއްޖެ އަންނަ ފަތުރުވެރިން އިތުރުވަމުން އަންނަ އިރު، ސަރުކާރުން އަންނަނީ އިޓަލީގައި ރާއްޖެ އިޝްތިހާރުކުރުމަށް މަސައްކަތް ކުރުމަށްޓަކައި ރޯޑް ޝޯތައް ބޭއްވުމަށް ތައްޔާރުވަމުންނެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮތުން އަހަރުގެ މިހާތަނަށް 1.3 މިލިއަން ފަތުރުވެރިން ވަނީ ރާއްޖެއަށް ޒިޔާރަތްކޮށްފައެވެ. މިއީ މިދިޔަ އަހަރުގެ މި މުއްދަތުގައި ރާއްޖެ ޒިޔާރަތްކުރި ފަތުރުވެރިންގެ އަދަދަށް ބަލާއިރު %10.5 ކުރިއެރުމެކެވެ.
ސަރުކާރުގެ އަމާޒަކީ މި އަހަރު 2 މިލިއަން ފަތުރުވެރިން ރާއްޖެ ގެނައުމެވެ.
