މި އަހަރުގެ ފުރަތަމަ 18 ދުވަހުގެ ތެރޭގައި ރާއްޖެ އަައި ޓޫރިސްޓުންގެ އަދަދު 100،000 އިން މައްޗަށް އަރައިފި އެވެ.
ޓޫރިޒަމް މިނިސްޓްރީން އެންމެ ފަހުން އާންމުކޮށްފައިވާ ތަފާސްހިސާބުތަކުން ދައްކާ ގޮތުގައި އިއްޔެއާ ހަމައަށް 117،532 ޓޫރިސްޓުން އައިސްފައިވެ އެވެ. އަދި މިދިޔަ އަހަރުގެ މި މުއްދަތުގައި ރާއްޖެ އައިސްފައި ވަނީ 106،936 ޓޫރިސްޓުންނެވެ. އެހެންވެ، މިއީ 9.9 ޕަސެންޓްގެ ކުރިއެރުމެކެވެ.
މި އަހަރުގެ މިހާތަނަށް އެންމެ ގިނަ ޓޫރިސްޓުން އައިސްފައި ވަނީ ރަޝިއާ އިންނެވެ. އެ ގައުމުން ވަނީ 15،077 ޓޫރިސްޓުން އައިސްފަ އެވެ. އަދި ދެވަނައަށް އެންމެ ގިނަ ޓޫރިސްޓުން އައި އިޓަލީން 12،560 ޓޫރިސްޓުން އަދި ތިންވަނަ އަށް އެންމެ ގިނަ ޓޫރިސްޓުން އައި އިނގިރޭސިވިލާތުން 10،621 މީހުން އައިސްފައިވެ އެވެ.
Advertisement
މިދިޔަ އަހަރު ރާއްޖެއަށް އެންމެ ގިނައިން ޓޫރިސްޓުން އައި ޗައިނާ މިހާރު އޮތީ އެ ލިސްޓުގެ 10 ވަނައިގަ އެވެ،
މިދިޔަ އަހަރު ރާއްޖެއަށް ވަނީ ދެ މިލިއަނަށް ވުރެ ގިނަ ޓޫރިސްޓުން އައިސްފަ އެވެ. ސަރުކާރުގެ މި އަހަރުގެ އަމާޒަކީ 2.2 މިލިއަން ޓޫރިސްޓުން ގެނައުމެވެ.
