އަައިޝަތު ޒީނާ

1484 ލިޔުން

ވިނަރެސް ފްލެޓް ގަންނަން ހުށަހެޅި ބައެއް ފޯމުތައް ބާތިލްކޮށްފި، ދެން އިތުރަށް ހުޅުވައެއް ނުލާނެ

އެޗްޑީސީން ބުނީ މިދިޔަ ނޮވެމްބަރު މަހު އޮންލައިން ޕޯޓަލް މެދުވެރިކޮށް ވިނަރެސް ފްލެޓު ގަތުމަށް ހުޅުވާލުމާއެކު މަދު ވަގުތުކޮޅެއްގެ ތެރޭގައި ފްލެޓްތައް ވިކި ހުސްވިކަމަށް ޕޯޓަލް އިން ދެއްކި ކަމަށެވެ. އަދި ޓެކްނިކަލް މައްސަލައެއް ދިމާވުމާ ގުޅިގެން އެޕްލިކޭޝަންތައް ބާތިލުކޮށްފައިވާކަމަށް އެ ކޯޕަރޭޝަނުން ބުންޏެވެ.

926 ދުވަސް ކުރިން - 23:55

ފުލުހުންގެ ސިވިލް ސަރވިސް މުވައްޒަފުންގެ މުސާރަ ޖޫން މަހު ބޮޑުކުރަނީ

ފުލުހުންގެ ތެރޭގައި އުޅޭ ސިވިލް ސަރވިސް މުވައްޒަފުންގެ މުސާރަ އަންނަ ޖޫން މަހުގެ ތެރޭގައި ބޮޑުވާނެ ކަމަށް މިނިސްޓަރ އިހުސާން ވިދާޅުވެއްޖެއެވެ. އިހުސާން ވިދާޅުވީ މުސާރަތައް މުރާޖައާކުރަމުން އަންނަނީ ދަޢުލަތަށް ފައިސާ ވަންނަ މިންވަރަކުން ކަމަށެވެ.

926 ދުވަސް ކުރިން - 23:36

700 ފޭކް ޑޮމެއިން ނަމްބަރު ހުރީ ވިއްކާފައި، ޤާނޫނުގެ ތެރެއަށް ވެއްދުމުގެ ފުރުޞަތު ދެނީ

ޓްރާންސްޕޯޓް މިނިސްޓްރީގެ ރެކޯޑުތަކުން ދައްކާގޮތުގައި 1400 ޑޮމެއިން ނަމްބަރު ބޭނުންކުރަމުން އަންނައިރު، 700 އެއްހާ ޑޮމެއިން ނަމްބަރަކީ ޞައްޙަ ނޫން ނަމްބަރުތަކެވެ. ޞައްޙަ ނޫން ގޮތުގައި ބޭނުންކުރާ ޑޮމެއިން ނަމްބަރުތައް އެ ބޭނުންވާ ލިޔެކިޔުންތަކާއެކު ހުށަހަޅައިގެން ޤާނޫނީ ނިޒާމުގެ ތެރެއަށް ވެއްދުމުގެ ފުރުޞަތު ދޭން ނިންމާފައިވާއިރު ވަރަށް އަވަހަށް އެކަމަށް ހުޅުވާލާނެ ކަމަށް މިނިސްޓަރ ވިދާޅުވިއެވެ.

926 ދުވަސް ކުރިން - 22:06

65 އަހަރުން މަތީ މީހުންނަށް ދާއިމީ އައިޑީކާޑެއް ހަދަނީ

އުމުރުން 65 އަހަރުން މަތީގެ މީހުންގެ އައިޑީކާޑުގެ މުއްދަތު ހަމަނުވާގޮތަށް ހަދަން ނިންމީ، އެ ފަރާތްތަކުގެ އައިޑީކާޑު މުއްދަތު ހަމަވުމުން އާ ކުރުމަށް ދަތިތަކާ ކުރިމަތިވާކަމުގެ ޝަކުވާތައް ލިބެމުން އަންނާތީއެވެ. އެކަން ކުރުމަށްޓަކައި ފަންނީގޮތުން ބަލަންޖެހޭ ކަންކަން ބެލުމަށްފަހު ކަރުދާހެއް ތައްޔާރުކޮށް ކެބިނެޓަށް ފޮނުވާފައިވާއިރު، އެކަމުގައި ގޮތެއް ނިންމާނީ ކެބިނެޓުންނެވެ.

926 ދުވަސް ކުރިން - 21:23

ނައިފަރުގައި ހިންގި މަސްތުވާތަކެތީގެ އޮޕަރޭޝަނެއްގައި މީހަކު ހައްޔަރުކޮށްފި

މަސްތުވާތަކެއްޗާ ދެކޮޅަށް ކުރަމުންދާ މަސައްކަތުގެ ތެރެއިން ޅ. ނައިފަރު ޕޮލިސް ސްޓޭޝަނުން ހިންގި އޮޕަރޭޝަނެއްގައި 29 އަހަރުގެ ދިވެހި ފިރިހެނެއް ހައްޔަރުކޮށްފިއެވެ. އެރަށު ގެއެއްގެ ތެރެއިން އެ މީހާ ފުލުހުންގެ ބެލުމުގެދަށަށް ގެނެސް ބަލައިފާސްކުރި އިރު މަސްތުވާތަކެތި ކަމަށް ޝައްކުކުރެވޭ އެއްޗެއްހުރި 19 ރަބަރު ޕެކެޓު ވަނީ ފެނިފައެވެ.

926 ދުވަސް ކުރިން - 21:07

ޑްރޯންތަކާއި ގުޅިގެން ޣައްސާން ހާޒިރުކުރި ކޮމިޓީ ބައްދަލުވުން ސިއްރުކޮށްފި

ޑްރޯންތަކާއި ގުޅިގެން ޣައްސާން ހާޒިރުކުރި ކޮމިޓީ ބައްދަލުވުން ސިއްރުކޮށްގެން މިއަދު ބާއްވާފައިވާއިރު އިދިކޮޅު ފަރާތްތަކުން ދަނީ ސަރުކާރަށް ބޮޑެތި ތުހުމަތުތަކެއް ކުރަމުންނެވެ. އެގޮތުން ޑްރޯންތައް ގަތުމުގައި ބޮޑެތި ކޮރަޕްޝަން ހިންގާފައިވާކަމަށް އެ ޕާޓީން ވަނީ ތުހުމަތުކޮށްފައެވެ. އަދި މިއީ ރައްޔިތުންގެ ޓެކްސް ފައިސާއިން ޚަރަދުކޮށްގެން ކުރާ ކަންކަމަށްވާއިރު، އެކަންކަމުގެ ތަފްސީލު ރައްޔިތުންނަށް ހާމަކުރުމަށް އެމްޑީޕީން ވަނީ މީގެ ކުރިންވެސް އެކި ފަހަރު މަތިން ގޮވާލާފައެވެ.

927 ދުވަސް ކުރިން - 00:15

ރާއްޖެ ޒިޔާރަތްކުރި ފަތުރުވެރިންގެ ލިސްޓްގެ 1 ވަނާގައި ޗައިނާ، މިއަހަރުގެ މިހާތަނަށް 81000 ފަތުރުވެރިން އަތުވެއްޖެ!

އިއްޔެގެ ނިޔަލަށް 762,125 ފަތުރުވެރިން ރާއްޖެ ޒިޔާރަތްކޮށްފައިވާއިރު އޭގެ ތެރެއިން 81,914 ފަތުރުވެރިންނަކީ ޗައިނާ ފަތުރުވެރިންނެވެ. މިއަހަރުގެ މިހާތަނަށް ރާއްޖެއަށް އެންމެ ގިނައިން ފަތުރުވެރިން އައިސްފައިވާ 5 ޤައުމުގެގެ ތެރޭގައި ހިމެނެނީ ޗައިނާ، އިނގިރޭސިވިލާތް، ރަޝިއާ، އިޓަލީވިލާތް އަދި ޖަރުމަނުވިލާތެވެ.

927 ދުވަސް ކުރިން - 23:15

19 ވަނަ މަޖިލީހުގެ ފަހު ޖަލްސާ މެއި 13ގައި

ހިނގަމުންދާ 19 ވަނަ ރައްޔިތުންގެ މަޖިލީހުގެ ފަހު ޖަލްސާ އަންނަ މެއި މަހުގެ 13 ވަނަ ދުވަހު ބޭއްވުމަށް ނިންމައިފިއެވެ. 20 ވަނަ ރައްޔިތުންގެ މަޖިލީހަށް ހޮވިވަޑައިގެންފައިވާ މެމްބަރުން ހުވާ ކުރެއްވުމަށް ހަމަޖެހިފައިވަނީ މެއި މަހުގެ 28 ވަނަ ދުވަހުއެވެ.

927 ދުވަސް ކުރިން - 22:51

ޔޫޕީއާރު ވޯކިން ގްރޫޕްގެ 46 ވަނަ ސެޝަނުގައި ރާއްޖެއިން ބައިވެރިވެއްޖެ

ޖެނީވާގައި ހުންނަ ޕަލައިސް ޑެސް ނޭޝަންސްގައި ޔޫޕީއާރުގެ 46 ވަނަ ސެޝަން މިއަދު ފަށާފައިވާއިރު ދެ ހަފުތާގެ މުއްދަތަށް މި ސެޝަން ކުރިއަށްގެންދިއުމަށް ވަނީ ހަމަޖެހިފައެވެ. ޔޫޕީއާރު އަކީ އދ.ގެ މެމްބަރު ގައުމުތަކުގެ އިންސާނީ ޙައްޤުތަކުގެ މުޅި ޙާލަތު މުރާޖައާކުރާ ސެޝަނެކެވެ. އ.ދ.ގެ މި މެކޭނިޒަމްގެ ސަބަބުން، އިންސާނީ ޙައްޤުތަކުގެ މަސްއޫލިއްޔަތުތަކާއި ވަޢުދުތައް ފުއްދުމުގައި ލިބިފައިވާ ކުރިއެރުންތައް އިޢުލާނުކުރުމުގެ ފުރުޞަތު، މުރާޖަޢާކުރަމުންދާ ޤައުމުތަކަށް ލިބިގެންދެއެވެ.

927 ދުވަސް ކުރިން - 22:34

ހަވާލުކޮށްފައި ނުވާ ގޯތިތައް 3 މަސް ތެރޭ ހަވާލުކުރަން ލާޒިމްވާގޮތަށް ހަދައިފި

މިއަދު ފާސްކުރި އިސްލާހުގައި ބުނާގޮތުން ގޯތި ލިބޭ ފަރާތްތަކުގެ ދާއިމީ ލިސްޓު ގެޒެޓުގައި ޝާއިޢުކުރާތާ ތިން މަސް ތެރޭގައި ގޯތިތައް ހަވާލުކުރަން ޖެހޭނެއެވެ. އަދި މި ޤާނޫނަށް ޢަމަލުކުރަން ފަށާތާ 3 މަސް ދުވަހުގެ ތެރޭގައި އެހާތަނަށް ސަރުކާރުން ޙަވާލުކޮށްފައިނުވާ ގޯތިތައް ޙަވާލުކުރަން ޖެހޭނެކަމަށްވެސް އެ އިސްލާހުގައި ބުނެފައިވެއެވެ.

927 ދުވަސް ކުރިން - 21:12

ސިވިލް ސަރވިސް ވަޒީފާ ދޫކޮށްލާފައިވާ މީހުން އަލުން ވަޒީފާ އަދާކުރުމުގެ ފުރުޞަތު ދޭން ނިންމައިފި

އެކި ސަބަބުތަކަށްޓަކައި ސިވިލް ސަރވިސްގެ ވަޒީފާ ދޫކޮށްލައިފައިވާ މީހުން އަލުން ސިވިލް ސަރވިސްގައި ވަޒީފާ އަދާކުރުމުގެ ފުރުޞަތު ފަހިކޮށްދެއްވުމަށް ރައީސް ނިންމަވައިފިއެވެ. ރައީސް މި ނިންމެވުން ނިންމަވާފައިވަނީ ސިވިލް ސަރވިސްއަށް މީހުން ރެކްރޫޓްކުރުމުގެ އިޖުރާޢަތުތައް ހުރިގޮތުން މީހުން ލިބުން ދަތިނޫން މަޤާމުތަކަށްވެސް މީހުން ހަމަޖެއްސުން ލަސްވާތީ ބައެއް މުއައްސަސާތަކުން ޚިދުމަތް ދިނުމުގައްޔާއި، މުއައްސަސާތަކުން ކުރަންޖެހޭ މަސައްކަތްތައް ކުރުމުގައި ދަތިވާކަމަށް، ފާހަގަކުރެވުމުންނެވެ.

927 ދުވަސް ކުރިން - 20:35

މިދިޔަ 5 ހަފްތާ ތެރޭގައި ޗިކުންގުންޔާގެ 78 ކޭސް

އެޗްޕީއޭއިން ބުނީ ޗިކުންގުންޔާ ހަލުވިކަމާއެކު ފެތުރެމުން އަންނަކަމަށާއި މި ބަލިން ރައްކާތެރިވުމަށް ޚާއްސަ ސަމާލުކަމެއް ދޭން ޖެހޭ ކަމަށެވެ. މިދިޔަ 5 ހަފްތާގެ ތެރޭގައި 78 ކޭސް ފެނިފައިވާއިރު، އޭގެ ތެރޭގައި ގިނައީ މާލެ ސަރަޙައްދުން ފެނިފައިވާ ކޭސްތައް ކަމަށް އެޗްޕީއޭ އިން ބުންޏެވެ. އަދި މިހާތަނަށް މި ބަލި އެންމެ ގިނައިން ޖެހިފައިވަނީ 25 އަހަރުން މަތީގެ މީހުންނަށް ކަމަށް އެޗްޕީއޭއިން ބުންޏެވެ.

927 ދުވަސް ކުރިން - 20:05