އައިޝަތު ރުވާ ރިފްޢަތު

3605 ލިޔުން

ހުޅުމާލެ ފިހާރައެއްގެ ތެރޭގައި ވަޅިން މާރާމާރީ ހިންގި މީހަކު ހައްޔަރުކޮށްފި

މި މާރާމާރީ ހިންގާފައިވަނީ މިއަދު ހެނދުނު ފޭސް 2 ގައި ހުންނަ ޑަބްލިއު އެސް ގްރީން ފިހާރައިގައި. މި ހާދިސާއާ ގުޅިގެން އޭނާ ވަނީ ހައްޔަރުކޮށްފައި. މިކަން ހިނގާފައިވަނީ މިއަދު ހެނދުނުގެ ވަގުތެއްގައި. މިފަދަ ހާދިސާއެއް އެ ފިހާރަތެރޭ ރޭގެ ވަގުތެއްގައިވެސް ހިނގި.

147 ދުވަސް ކުރިން - 11:26

ސްކޮޓްލޭންޑް އަތުން ހޯދި މޮޅާއެކު މޮރޮކޯ އަށް ދެވަނަ ބުރުގެ އުންމީދު ބޮޑުވެއްޖެ

މެޗުގެ ހަމައެކަނި ގޯލު 2 ވަނަ މިނެޓުގައި ކާމިޔާބުކޮށްދިނީ އިސްމާއިލް ސައިބާރީ. މި މޮޅާއެކު މޮރޮކޯއަށް މި ވަނީ ޖުމްލަ 4 ޕޮއިންޓު ލިބިފައި. ދެވަނަ ބުރަށް ދިޔުމުގެ ފުރުސަތު ދެ ޓީމަށް ވެސް އެބައޮތް.

147 ދުވަސް ކުރިން - 05:07

ވޯލްޑް ކަޕް ބާއްވާ ތިން ގައުމުވެސް ނޮކައުޓް ބުރަށް ދަތުރުކޮށްފި

އެމެރިކާ އަދި މެކްސިކޯ ދެ މެޗުން ވެސް މޮޅުވެފައިވާއިރި ކެނެޑާ ވަނީ އެއްމެޗު އެއްވަރުވެ ދެވަނަ މެޗު ބޮޑު ތަފާތަކުން ކާމިޔާބުކޮށްފައި. އެހެން ކަމުން ގޯލުގެ ތަފާތުން ވެސް ކެނެޑާ ތިން ވަނައަށް ވެއްޓުމަކީ ނާދިރު ކަމެއް.

147 ދުވަސް ކުރިން - 02:00

15,600 ވޭޕް ކާޓްރިޖް އަތުލައިގެންފި؛ މިއީ ރެކޯޑެއް

ފަސް ދުވަހުގެ ތެރޭގައި ޖުމްލަ 22,300 އަށް ވުރެ ގިނަ ކާޓްރިޖް އަތުލައިގެންފައިވާއިރު، މީގެ ކުރީގެ ޝިޕްމަންޓެއްގައި ކުރީގެ ފަސްޓް ލޭޑީ ފަޒްނާ އަހުމަދުގެ އާއިލީ މަސްލަހަތު އޮންނަ ކުންފުންޏެއް ހިމެނޭކަން ވަނީ ހާމަވެފަ. ގާނޫނުގައިވާގޮތުން ވޭޕް އެތެރެކުރާ ފަރާތްތަކަށް ވަނީ ޖޫރިމަނާގެ ބޮޑު އަދަދެއް ކަނޑައަޅާފައި.

147 ދުވަސް ކުރިން - 23:02

އިންޑިއާއިން ޓެލެގްރާމް މަނާކުރި ކުރުން ދަމަހައްޓަން އެ ގައުމުގެ ކޯޓުން ނިންމައިފި

ޓެލެގްރާމް ބްލޮކް ކުރަން ނިންމީ މެޑިކަލް ކޯސްތަކަށް ކުދިން ހޮވުމަށް ބާއްވާ އިމްތިހާނުގެ ސުވާލު ކަރުދާސްތައް ޓެލެގްރާމްގެ އެކި ޗެނަލްތައް މެދުވެރިކޮށް ވިއްކަމުންދާ ކަމަށް ތުހުމަތު ކުރެވުމާ ގުޅިގެން. އެގައުމުގައި 150 މިލިއަން މީހުން ޓެލެގްރާމް ބޭނުން ކުރޭ.

147 ދުވަސް ކުރިން - 19:04

ރައްޔިތުންނަށް ވެފައިވާ ވައުދުތައް ފުއްދުމަށް ހުރަސްއެޅުމަކުން އެއްވެސް ފަރާތަކަށް ފައިދާއެއް ނުވާނެ: ރައީސް

މަސްވެރިކަމުގެ ސިނާއަތް ކުރިއެރުވުމަށް މިފްކޯ ހަރުދަނާކޮށް، މަސްގަންނަ އަގު 20 ރުފިޔާގައި ހިފެހެއްޓުމަށާއި ބޭރުގެ ބާޒާރުތަކުން ރަނގަޅު ފުރުސަތުތައް ހޯދަން މަސައްކަތް ކުރައްވާ ކަމަށް ވިދާޅުވި. އަދި ވިދާޅުވީ އެސްއޯއީތަކުގެ އިސްލާހީ ބަދަލުތަކާއެކު މި ސިނާއަތަށް ދިމާވެފައިވާ ގޮންޖެހުންތަކަށް ހައްލު ލިބި، މާލޭގައި ޒަމާނީ މަސް މާރުކޭޓެއް ތަރައްގީކުރައްވާނެކަމަށް.

147 ދުވަސް ކުރިން - 16:24

ވޯލްޑް ކަޕް ދަތުރުފަތުރުގެ ހުރަސްތަކާ ގުޅިގެން އީރާނުން ފީފާއަށް ޝަކުވާ ހުށަހަޅަނީ

މި މައްސަލަ އުފެދިފައިވަނީ، އީރާނުގެ ގައުމީ ފުޓްބޯޅަ ޓީމު ކުޅެންޖެހޭ މެޗުގެ ދެ ދުވަސް ކުރިން އެމެރިކާއަށް ދަތުރުކުރަން ޖެހުން. އީރާނުން ބުނި ގޮތުގައި ވޯލްޑް ކަޕް ފަދަ ބޮޑު މުބާރާތެއްގައި ބައިވެރިވާ ހުރިހާ ގައުމުތަކަށް ހަމަހަމަ ފުރުސަތުތަކެއް ލިބެންޖެހޭނެ.

147 ދުވަސް ކުރިން - 16:03

އަމާޒަކީ މިހާރު އޮތް ގޮތަށް 20 ރުފިޔާގައި މަހުގެ އަގު ހިފެހެއްޓުން: ރައީސް

މަހުގެ އަގު މިދިޔަ ހަފްތާގައި މި ސަރުކާރުގައި އެންމެ ފުރަތަމަ މައްޗަށް ޖެއްސީ 18.50އަށް. އަދި އޭގެ ދެ ދުވަސް ފަހުން 20 ރުފިޔާއަށް ވަނީ ޖައްސާފައި. ރައީސް ވިދާޅުވި ގޮތުގައި، ފެލިވަރު ކޭނިން ފެކްޓްރީގެ ގާބިލުކަން އިތުރުކުރުމަށް ބޭރުގެ އެހީގައި ހިންގާ މަޝްރޫއުތައް މިހާރު ހަމަޖެހިފައިވާ ކަމަށް.

147 ދުވަސް ކުރިން - 15:47

ދިވެހި ވަތަނީ ހިދުމަތުގެ ފަންނީ ތަމްރީނު ޕްރޮގްރާމްގެ ދެވަނަ ކޯސް މިއަދު ފަށައިފި

ހަތަރު މަސްދުވަހުގެ މި ތަމްރީނު ޕްރޮގްރާމްގައި އޮޓޯ މޯބައިލް އިންޖިނިއަރިންގ، މެރިން އިންޖިނިއަރިންގ، އިލެކްޓްރީޝަން، ރެފްރިޖެރޭޝަން، ވެލްޑިންގ، މެޓަލް ފެބްރިކޭޝަން އަދި އޮފީސް މެނޭޖުމަންޓް ފަދަ މުހިންމު ދާއިރާތަކުން އަމަލީ ހުނަރުތައް އުނގަންނައިދޭނެ.

147 ދުވަސް ކުރިން - 15:11

ސަރުކާރުގެ ކުންފުނިތަކުން ރިސޯޓު ތަރައްގީކުރާއިރު ދައުލަތުގެ 45 އިންސައްތަ ހިއްސާ އޮންނަންޖެހޭ ގޮތަށް އާ ގަވާއިދެއް އެކުލަވާލައިފި

ކެބިނެޓުގެ ހުއްދައާއެކު ހިންގާ މި މަޝްރޫއުތަކުގައި، އިޖުތިމާޢީ ޒިންމާގެ ދަށުން 50,000 ޑޮލަރު ދައްކަންޖެހޭނެ. އަދި އެއްބަސްވުންތަކުގެ ތަފްސީލު 14 ދުވަސް ތެރޭގައި އޮޑިޓަރ ޖެނެރަލަށް ހުށަހަޅަންޖެހޭ. މީގެ މަގްސަދަކީ ފަތުރުވެރިކަމުގެ ދާއިރާގައި ދައުލަތުގެ ބައިވެރިވުން އިތުރުކޮށް، ރަށްރަށުގެ ތަރައްގީއަށް އެހީތެރިވުން.

147 ދުވަސް ކުރިން - 14:48

ހުތުބާ: އާޝޫރާ ދުވަހަކީ ފިރުއައުނުގެ ކިބައިން މޫސާގެފާނާއި ބަނީ އިސްރާއީލުން ސަލާމަތްކުރެއްވި މާތް ދުވަސް

މި ދުވަހު ރޯދަހިފުމަކީ ވޭތުވެދިޔަ އަހަރުގެ ކުދި ފާފަތައް ފުހެވިގެންދާނޭ މަތިވެރި ސުންނަތެއް. ރަސޫލާ ﷺ އިރުޝާދު ދެއްވާފައިވަނީ އާޝޫރާ ދުވަހާއެކު އޭގެ ކުރީ ދުވަހު ނުވަތަ ފަހު ދުވަހު ރޯދަހިފުމަށް.

148 ދުވަސް ކުރިން - 13:30

ހުޅުމާލެ ފަޅުތެރެއަށް ކުނި ޖަމާވާ މައްސަލައަށް ދާއިމީ ހައްލެއް ހޯދުމަށް އެޗްޑީސީން ކަމާބެހޭ އިދާރާތަކާ މަޝްވަރާކޮށްފި

މި ބައްދަލުވުމުގައި އެޗްޑީސީގެ އިތުރުން ވެމްކޯ، ޔުޓިލިޓީ ރެގިއުލޭޓަރީ އޮތޯރިޓީ، އީޕީއޭ އަދި މިނިސްޓްރީ އޮފް ކްލައިމެޓް ޗޭންޖްގެ އިސް ބޭފުޅުން ބައިވެރިވެވަޑައިގެންނެވި. ފަހަކަށް އައިސް ހުޅުމާލޭ ފަޅުތެރެއަށް ގިނަ އަދަދެއްގެ ޕްލާސްޓިކާއި އެހެނިހެން ކުނި ޖަމާވަމުންދާތީ، އެ ސަރަހައްދު ބޭނުންކުރާ އާންމުން ދަނީ ކަންބޮޑުވުން ފާޅުކުރަމުން.

148 ދުވަސް ކުރިން - 16:32