އައިޝަތު ރުވާ ރިފްޢަތު

3598 ލިޔުން

ޓޭބަލް ޓެނިހުގެ ކާމިޔާބީގެ ރޭހަށް ރާއްޖޭގެ ޒުވާން ފިރިހެން ކުޅުންތެރިން ނިކުމެއްޖެ

31 ވަނަ ގައުމީ މުބާރާތުގައި ވިދާލި އާލް، އުމައިރު އަދި ހަލަފް ފަދަ ހުނަރުވެރިން ވަނީ 17 އަދި 19 އަހަރުން ދަށުގެ ބައިން މޮޅު ކުޅުމެއް ދައްކައި މެޑަލްތައް ހޯދާފަ. ކުރިއަށް އޮތް ލޮސް އެންޖެލިސް އޮލިމްޕިކްސްއަށް ވަނީ އަމާޒު ހިފާފައި.

5 ދުވަސް ކުރިން - 09:58

ނަތަންޔާހޫގެ ސަރުކާރު ބަދަލުކުރަން ޖެހޭ ކަމަށް އިސްރާއީލުގެ އިދިކޮޅު ލީޑަރު ގޯލާން ބުނެފި

އެކްސްގައި ކުރެއްވި ޕޯސްޓެއްގައި އޭނަ ބުނީ، ވެރިކަން ބަދަލުކުރުމަށް އޭނާގެ ޕާޓީން ހުރިހާ މަސައްކަތެއް ކުރާނެ ކަމަށް. އަދި އާ ސަރުކާރެއް އެކުލަވާލުމަށްޓަކައި "އަލްޓްރާ-އޯތޮޑޮކްސް" މުޖުތަމައު އަސްކަރިއްޔާއަށާއި ވަޒީފާގެ ބާޒާރަށް ނެރެ، އެ މީހުންނާއެކު ގުޅިގެން މަސައްކަތްކުރަން ޖެހޭ ކަމަށްވެސް ގޯލާން ބުނި.

5 ދުވަސް ކުރިން - 00:43

ބޮޑު ތަފާތަކުން ރޮދި ބޮޓްސް ބަލިކޮށް ހަވިއްތަ ސްޕޯޓްސް ފައިނަލަށް؛ ޖޫނިއަރސް ކަޓައިފި

މި މެޗުގައި ރޮދި ބޮޓްސް ފުރަތަމަ ލީޑު ނެގި ނަމަވެސް، ހަވިއްތަގެ ހުސައިން ގައްސާން ލަބީބް (ހުސީ) ވަނީ ހެޓްރިކް ހަދައި އެޓީމު މޮޅުކޮށްދީފަ. އަދި ނާއިހް، އަހުސަންގެ އިތުރުން ޒާދު ދެ ގޯލު ޖެހި.

5 ދުވަސް ކުރިން - 16:47

ސުބާންގް ކަޕް: ކާމިޔާބު ކުޅުމަކަށްފަހު ހަވިއްތަ ސްޕޯޓްސް އަދި ހަވިއްތަ ޖޫނިއަރސް ސެމީ ފައިނަލަށް

ކުއާޓަރ ފައިނަލުގައި ހަވިއްތަ ސްޕޯޓްސް މޮޅުވީ ކްލަބް އީސީއާ ވާދަކޮށް 2-0 އިން. ހަވިއްތަ ޖޫނިއަރސް ސެމީއަށް ދިޔައީ އީސިއަން 4-3 އިން ބަލިކޮށްގެން. ނަމަވެސް އެޗްއެސް ޔުނައިޓެޑް ވަނީ ޓީމް އީސީ އަތުން 6-1 އިން ބަލިވެ ކަޓާފަ.

5 ދުވަސް ކުރިން - 15:53

މެންހެޓަން ގްރޭންޑް ހޮޓެލް ރަސްމީކޮށް ހުޅުވުމުގެ މުނާސަބަތުގައި މިރޭ ހުޅުމާލޭގައި ހަވާ އަރުވަނީ

މިއީ އެ ހޮޓަލުގެ އަމިއްލަ ހަރަދުގައި ކުރިއަށްގެންދާ ހަރަކާތެއް. ފަސްތަރީގެ ފެންވަރަށް ތަރައްގީކޮށްފައިވާ މި ހޮޓަލުގައި 162 ކޮޓަރިއާއި، 4 ރެސްޓޯރަންޓުގެ އިތުރުން ހާއްސަ އިވެންޓްތަކަށް ބޭނުންކުރާ 3 މާލަން ހިމެނޭ. މިއީ ފަތުރުވެރިކަމުގެ ޚިދުމަތްތައް ފުޅާކުރުމަށް އެޅުނު މުހިންމު ފިޔަވަޅެއް.

5 ދުވަސް ކުރިން - 15:11

ސުބާންގް ކަޕް: ހަވިއްތަ ސްޕޯޓްސްގެ ތިން ޓީމުވެސް ކުއާޓަރ ފައިނަލަށް ދަތުރުކޮށްފި

ގްރޫޕް ސްޓޭޖުގެ ހުރިހާ މެޗަކުން މޮޅުވެ ހަވިއްތަ ސްޕޯޓްސް އާއި އަލަށް އުފެއްދި ހަވިއްތަ ޖޫނިއަރސް ކުއާޓަރަށް ދިޔައިރު، އެޗްއެސް ޔުނައިޓެޑް ދިޔައީ ގްރޫޕުގެ ދެވަނަ ހޯދައިގެންނެވެ. މެނޭޖްމަންޓުން ބުނީ މިއީ ކުޅުންތެރިންގެ ބުރަ މަސައްކަތުގެ ނަތީޖާ ކަމަށް.

5 ދުވަސް ކުރިން - 14:25

އދ. ދަނގެތީގައި އެފްއެސްއެމްގެ ފިއުލް ސްޓޭޝަނުން ރަސްމީކޮށް ޚިދުމަތް ދޭން ފަށައިފި

ދަނގެތި ދާއިރާގެ މެންބަރު އިފްތިތާހު ކޮށްދެއްވި މި ސްޓޭޝަނުން މާލެއާ އެއް އަގެއްގައި ޑީސަލް ލިބެން ހުންނާނެ. މިއީ ރައީސް މުއިއްޒުގެ ވައުދުފުޅާ އެއްގޮތަށް އެޅުނު މުހިންމު ފިޔަވަޅަކަށްވާއިރު، މީގެ ސަބަބުން ދަނގެތީގެ އިތުރުން އެ ސަރަހައްދުގެ މަސްވެރިންނަށާއި ދަތުރުވެރިންނަށް ފަސޭހަކަމާއެކު ހެޔޮއަގުގައި ތެޔޮ ލިބިގެންދާނެ.

6 ދުވަސް ކުރިން - 01:43

އިރުމަތީ ގުދުސްގައި ފަލަސްތީނުގެ ޓީޗަރުންނަށް ދަތިކޮށް، މަންހަޖު ބަދަލުކުރުމަށް އިސްރާއީލުން ބާރުއަޅަނީ

ފަލަސްތީނުގެ ތާރީހާއި ވަނަވަރު ފޮހެލުމަށްޓަކައި، އިސްރާއީލުގެ މަންހަޖު މަޖުބޫރުކުރަމުންދާއިރު، މިހާރު އެ މަންހަޖަށް 45،000 އަށް ވުރެ ގިނަ ކުދިން ކިޔަވަމުންދޭ. ޖާގައާއި ވަސީލަތްތަކުގެ ދަތިކަން ބޮޑު މި ސްކޫލުތަކުގައި، ދަރިވަރުންގެ ފޮތްދަބަސް ބަލައިފާސްކުރުން ފަދަ އުނދަގޫތައް ކުރިމަތިކުރުވުމުން، މިއީ ތައުލީމީ ދާއިރާ ހިސޯރުކުރުމަށް އިސްރާއީލުން ހިންގާ ޖަރީމާއެއް.

6 ދުވަސް ކުރިން - 18:41

ދުޅަހެޔޮ ސިއްހަތަކީ މާތް ﷲ ދެއްވައިފައިވާ މަތިވެރި ނިއުމަތެއް: ހުތުބާ

އިންސާނާގެ ނަފުސަކީ މާތްﷲ ހަވާލުކުރައްވާފައިވާ މަތިވެރި އަމާނާތެއްކަން ފާހަގަކޮށް، ހިތް އެދޭހައި ގޮތަކަށް އެ އަމާނާތް ނަގައިލުމުގެ ހައްގު އެއްވެސް މީހަކަށް ލިބިގެން ނުވާކަމަށް ހުތުބާގައި ފާހަގަކުރި.

6 ދުވަސް ކުރިން - 12:58

އަންނަ ބުރާސްފަތި ދުވަހަކީ ސަރުކާރު ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާ ހަމަޖައްސަވައިފި

ރައީސް އޮފީހުން ނެރުނު ދެންނެވުމުގައި ބުނެފައިވަނީ މިގޮތަށް ނިންމެވީ، ބުދަ ދުވަހަށް ދިމާވާ ޖުމްހޫރީ ދުވަހުގެ ޗުއްޓީއަށްފަހު އަންނަ ބުރާސްފަތި ދުވަސް ބަންދުކޮށް، ހަފުތާ ބަންދާ އެކު މުވައްޒަފުންނަށް މެދުކެނޑުމެއް ނެތި ޗުއްޓީ ލިބޭނޭ މަގު ފަހިކޮށްދިނުމަށް. މިއާއެކު ސަރުކާރު މުވައްޒަފުންނަށް ހަތަރު ދުވަހުގެ ޗުއްޓީއެއް ލިބޭނެ.

7 ދުވަސް ކުރިން - 18:41

ދެއްވަދޫ ހަވިއްތަ ސްޕޯޓްސްގެ 3 ޓީމެއް މެލޭޝިއާގެ ސުބާންގް ކަޕުގައި ވާދަކުރަނީ: އަމާޒަކީ ތަށި ހޯދުން!

މުބާރާތަށް އެ ކުލަބުން ނެރޭ ޓީމުތަކަކީ މައި ޓީމުގެ އިތުރުން އެޗްއެސް ޔުނައިޓެޑާއި ހަވިއްތަ ޖޫނިއާސް. މިއީ އެ ކްލަބުން މި މުބާރާތުގައި ވާދަކުރާ ފުރަތަމަ ފަހަރު. ރާއްޖެއިން ތަޖުރިބާކާރު ކުޅުންތެރިން ޓީމުތަކުގައި ހިމަނައިގެން ހަވިއްތައިން ނުކުންނަނީ މުބާރާތުގެ ތަށި ހޯދުމުގެ މަތީ އަމާޒުގައި.

7 ދުވަސް ކުރިން - 13:12

ކުޑަކުއްޖަކާ ބެހުނު ޝާހިދުގެ ބަންދަށް 30 ދުވަސް ޖަހައިފި

ފުލުހުން ކަށަވަރުކޮށްދީފައިވާ މި ހައްޔަރާ ގުޅިގެން، އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން، ކޯޓުން ވަނީ ތަހުގީގަށް ޝާހިދު 30 ދުވަހުގެ މުއްދަތަކަށް ބަންދުގައި ބެހެއްޓުމަށް އަމުރުކޮށްފަ. ފުލުހުން މި މައްސަލަ އިތުރަށް ތަހުގީގު ކުރަމުންދޭ.

9 ދުވަސް ކުރިން - 15:10