2026 ވަނަ އަހަރުގެ ނޮވެންބަރު މަހުގެ 12 ވާ ބުރާސްފަތި ދުވަހަކީ، ސަރުކާރު ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ހަމަޖައްސަވައިފިއެވެ. މިކަން އިޢުލާނު ކުރައްވާފައިވަނީ ރައީސުލްޖުމްހޫރިއްޔާގެ އޮފީހުން މިއަދު ނެރުއްވި ދެންނެވުމެއްގައެވެ.
ރައީސުލްޖުމްހޫރިއްޔާގެ އޮފީހުން ނެރުއްވި ނަންބަރު 2026/18 ދެންނެވުމުގައި ބަޔާންކޮށްފައިވާ ގޮތުގައި، މި ދުވަސް ބަންދު ދުވަހެއްގެ ގޮތުގައި ހަމަޖެއްސެވީ، ދިވެހިރާއްޖޭގެ ޖުމްހޫރީ ދުވަސް ކަމުގައިވާ ނޮވެންބަރު މަހުގެ 11 ވަނަ ދުވަހަކީ ސަރުކާރު ބަންދު ދުވަހަކަށް ވެފައި، އޭގެ އަނެއް ދުވަހަކީ (ނޮވެންބަރު 12 ވާ ބުރާސްފަތި ދުވަހަކީ) ހަފުތާ ބަންދުގެ ކުރިން އަންނަ ރަސްމީ ދުވަހަކަށް ވާތީއެވެ.
އެހެންކަމުން، ބަންދު ދުވަސްތަކަށް މެދުކެނޑުމެއް ނައިސް، ހަފުތާ ބަންދާ އެކު ސަރުކާރުގެ މުވައްޒަފުންނަށް ލުއިފަސޭހަކަމާއެކު ދިގު ޗުއްޓީއެއް ލިބޭނޭ މަގު ފަހިކޮށްދެއްވުމުގެ މަގްސަދުގައި ރައީސުލްޖުމްހޫރިއްޔާ މި ނިންމެވުން ނިންމެވި ކަމަށް އެ ދެންނެވުމުގައި ވެއެވެ.
Advertisement
މި ނިންމެވުމާއެކު، ޖުމްހޫރީ ދުވަހުގެ ބަންދާ ގުޅިގެން ސަރުކާރު މުވައްޒަފުންނަށް ބުދަ ދުވަހުން ފެށިގެން ހޮނިހިރު ދުވަހުގެ ނިޔަލަށް ހަތަރު ދުވަހުގެ ޗުއްޓީއެއް ލިބިގެންދާނެއެވެ. ސަރުކާރުގެ އޮފީސްތައް އަލުން ހުޅުވޭނީ 2026 ނޮވެންބަރު 15 ވާ އާދީއްތަ ދުވަހުއެވެ.
