އަައިޝަތު ޒީނާ

1484 ލިޔުން

މޯޕާއިން ވެމްކޯއަށް ޕިކަޕްތަކެއް ހަދިޔާކޮށްފި

މޯޕާއިން ވަނީ ވެމްކޯއަށް ހަތަރު ޕިކަޕާއި ބެއިލަރުގެ އިތުރުން ޕްލާސްޓިކް ފުޅި އެއްކުރަން ގިނަ ޢަދަދެއްގެ ގޯނި ހަދިޔާކޮށްފައި. ވެމްކޯގެ އެމްޑީ މުޖުތަބާ ވިދާޅުވީ ރައްކާތެރިކޮށް ޕްލާސްޓިކް މެނޭޖުކުރުމަށް އެ ކޯޕަރޭޝަނަށް ދަތިކަމެއް އެބަހުރި ކަމަށާއި މޯޕާއިން މިއަދު ހަދިޔާކުރި ތަކެއްޗާއެކު މާލެއިން އުކާލާ ގިނަ ޢަދަދެއްގެ ޕްލާސްޓިކް މެނޭޖުކުރުމަށާއި އަތޮޅުތަކުން އުކާލާ ޕްލާސްޓިކްވެސް ރައްކާތެރިކޮށް ރިސައިކަލް ކުރުމުގެ ފުރުޞަތު ފަހިވެފައިވާ ކަމަށް.

785 ދުވަސް ކުރިން - 15:58

ނޮވެމްބަރު 17 ގެ ކުރިން 3 މިސްކިތެއްގެ މަސައްކަތް ނިންމަނީ

ވަޒީރު ވިދާޅުވީ، މިހާރު ކުރިއަށްދާ 22 މިސްކިތް މަޝްރޫޢުތަކުގެ ތެރެއިން 3 މިސްކިތެއްގެ މަސައްކަތް މިއަހަރުގެ ނޮވެމްބަރު 17 ގެ ކުރިން ނިންމޭ ވަރަށް މަސައްކަތްތައް ކުރިއަށް ދާކަމަށް. އެ ތިން މިސްކިތަކީ އދ. ދިގުރަށުގައި އިމާރާތް ކުރަމުންދާ މިސްކިތާއި ނ. މަނަދޫގައި އިމާރާތްކުރަމުންދާ މިސްކިތާއި ހދ. ހިރިމަރަދޫގައި އިމާރާތް ކުރަމުންދާ މިސްކިތް.

785 ދުވަސް ކުރިން - 15:41

އައްޑޫ ސިޓީގައި ވަޤުފް އިމާރާތެއް ބިނާ ކުރަނީ

ޝަހީމް ވިދާޅުވީ، ވަޤުފް މަޝްރޫއުއަށް ޕްރޮޕޯސަލް ހުށައެޅި ކައުންސިލްތަކުގެ ތެރެއިން އެންމެ ރަނގަޅު ޕްރޮޕޯސަލެއް ހުށައެޅީ އައްޑޫ ސިޓީ ކައުންސިލުންކަމަށާއި އެ ޕްރޮޕޯސަލްއާއެކު ކުރިއަށް ދިއުމަށް ނިންމާ އެ ޕްރޮޖެކްޓުގެ ފީޒިބިލިޓީ މަސައްކަތްތައް މިހާރު ކުރިއަށްދާކަމަށް.

785 ދުވަސް ކުރިން - 15:37

މިހާތަނަށް "ރިސާލަތު"ގެ 623 ޕްރޮގްރާމް ކުރިއަށް ގެންގޮސްފި

"ރިސާލަތު" ޕްރޮގްރާމްގެ ދަށުން ދިވެހިބަހުގެ އިތުރަށް އިނގިރޭސި ބަހުން ވެސް ދީނީ ޢިލްމުވެރިންގެ ނަޞޭޙަތްދިނުން ވަނީ ކުރިއަށް ގެންގޮސްފައި. މި ޕްރޮގްރާމްތަކުގައި މަޢުލޫމާތު ދެއްވަނީ ދިވެހިރާއްޖޭގެ މަޝްހޫރު ދީނީ ޢިލްމުވެރީން.

785 ދުވަސް ކުރިން - 15:34

އދ. ގެ އާންމު މަޖިލީހުގެ 79 ވަނަ ސެޝަންގައި ރައީސް ބައިވެރިވެވަޑައިގަންނަވަނީ

ހީނާ ވިދާޅުވީ އދ. ގެ އާންމު މަޖިލީހުގެ 79 ސެޝަންގައި ރައީސް ބައިވެރިވެވަޑައިގަތުމަށް ނިންމެވިކަން ޢިއުލާނުކުރައްވާ ކަމަށް. ހީނާ ވިދާޅުވީ މިއީ ދިވެހިރާއްޖޭގެ ތާރީޚުގައި އދ. ގެ ސެކިއުރިޓީ ކައުންސިލްގެ ޑިބޭޓެއްގައި ރާއްޖޭގެ ރައީސަކު ބައިވެރިވެވަޑައިގަންނަވާ ފުރަތަމަ ފަހަރަކަމަށް.

786 ދުވަސް ކުރިން - 14:33

އަމާޒަކީ މިއަހަރު ނިމުމުގެ ކުރިން 100 އިމާމުންނަށް ރާއްޖޭން ބޭރުން ތަމްރީން ހޯދައިދިނުން: ޝަހީމް

ވަޒީރު ޝަހީމް ވިދާޅުވީ، މިއަހަރުގެ މިހާތަނަށް 60 އިމާމުންނަށް ރާއްޖެއިން ބޭރުން ތަމްރީންވުމުގެ ފުރުސަތު ހޯދައިދެވިފައިވާކަމަށާއި ވުޒާރާގެ އަމާޒަކީ މިއަހަރުގެ ނިޔަލަށް 100 އިމާމުންނަށް އެ ފުރުސަތު ހޯދައިދިނުންކަމަށް. މި ޕްރޮގްރާމްގެ ދަށުން 40 އިމާމުން ސަޢުދީ އަރަބިއްޔާއިން އިތުރު ތަމްރީން ހޯދާފައިވާއިރު 20 އިމާމުން ވަނީ އިތުރު ތަމްރީނަށް ބުރޫނާޢީއަށް ދަތުރުކޮށްފައި.

786 ދުވަސް ކުރިން - 17:57

ފަލަސްޠީނުގެ މައްސަލައިގައި ރައީސް ކުރައްވަމުން ގެންދަވާ މަސައްކަތްޕުޅަށް ވަޒީރު ޝަހީމްގެ ތަޢުރީފް

ވަޒީރު ޝަހީމް ވިދާޅުވީ، ބައިނަލްއަޤުވާމީ އެކިއެކި މެޙެފިލްތަކާއި ބައްދަލުވުންތަކުގައި ރައީސް މުޢިއްޒު އަމިއްލަފުޅަށް އަދި ކެބިނެޓުގެ މެމްބަރުން އަޑުއުފުއްލަވަމުން ގެންދަވާކަމަށާއި، ދެކުނު އެފްރިކާއިން ހުށައެޅުއްވި މައްސަލައަށް އެންމެ ފުރަތަމަ ތަދައްޚުލުވި ޤައުމަކަށް ރާއްޖެ ވެގެންދިއުމުންވެސް މިކަން ސާބިތުވާކަމަށް.

786 ދުވަސް ކުރިން - 17:54

ޖަރުމަނުން ޒިޔާރަތްކުރި ފަތުރުވެރިންގެ އަދަދު ލައްކަ އަކަށް އަރައިފި

ރާއްޖޭގެ ފަތުރުވެރިކަމުގެ މާކެޓުގެ ފަސް ވަނައިގައި އޮތް ޖަރުމަނުން އަހަރުގެ މިހާތަނަށް 100,796 ފަތުރުވެރިން ވަނީ ރާއްޖެ ޒިޔާރަތްކޮށްފައި. ޖަރުމަނުގެ އިތުރުން ޖުމްލަ ފަސް ޤައުމަކުން އަހަރުގެ މިހާތަނަށް އެއް ލައްކައަށްވުރެ ގިނަ ފަތުރުވެރިން ރާއްޖެ އައިސްފައިވާއިރު އޭގެ ތެރޭގައި ހިމެނެނީ ޗައިނާ، ރަޝިއާ، ޔޫކޭ އަދި އިޓަލީ.

788 ދުވަސް ކުރިން - 14:48

ޑާކްރެއިންގެ "ބިބީ"ގެ ޓިކެޓް ވިއްކަން ފަށައިފި

މި ފިލްމުގެ ޕްރޮޑިއުސަރ މުޙައްމަދު އަލީ ބުނީ ހެނދުނު 10:00 އިން ރޭގަނޑު 22:00 ގެ ނިޔަލަށް އޮލިމްޕަސް ކައުންޓަރުން ޓިކެޓު ލިބޭނެ ކަމަށް. އަންނަ މަހުގެ ހަތް ވަނަ ދުވަހު ރިލީޒް ކުރަން ހަމަޖެހިފައިވާ މި ފިލްމަކީ ޑާކްރެއިންގެ ފުރަތަމަ ހޮރޯ-ކޮމެޑީ ފިލްމެއް.

788 ދުވަސް ކުރިން - 11:03

އޭލެވެލް އަށް ކިޔަވާ ދަރިވަރުންގެ އަދަދު %77 އިތުރުވެއްޖެ

މިހާރު ރާއްޖޭގެ 23 ސްކޫލެއްގައި 3 މާއްދާއިން ނުވަތަ 2 މާއްދާއިން ފާސްވި ދަރިވަރުންނާއެކު، ގިނަ ދަރިވަރުންނަށް މަތީ ސާނަވީ ކިޔެވުމުގެ ފުރުޞަތު ވަނީ ފަހިކޮށްދީފައި. މިގޮތަށް އަލަށް ހުޅުވާލި ފުރުޞަތާއެކު މި އަހަރު ސަރުކާރު ސްކޫލްތަކުގައި އަލަށް 2000 އަށް ވުރެ ގިނަ ދަރިވަރުން އޭލެވެލްއަށް ކިޔަވަމުން ދާއިރު، މިއީ މިދިޔަ އަހަރާއި އަޅާބަލާއިރު %77 ގެ އިތުރުވުމެއް ކަމަށް މިނިސްޓްރީން ބުނި.

788 ދުވަސް ކުރިން - 10:51

އިމިގްރޭޝަނުގެ ނަމުގައި ދެ މީހަކު ގެތަކަށް ދާ މައްސަލައެއް ފެންމަތިވެއްޖެ

ޝައްމާން ވިދާޅުވީ، އިމިގްރޭޝަންގެ ރެއިޑްތަކުގައި އޮފިސަރުންގެ އިމިގްރޭޝަން އައިޑީ ފެންނަ ގޮތަށް ހުންނާނެ ކަމަށް. އަދި މިހާރުގެ އޮޕަރޭޝަންތަކަކީ ޔުނިފޯމް ލައިގެން ކުރިއަށްގެންދާ އޮޕަރޭޝަންތަކަކަށް ވާއިރު، ފޮޓޯއިން ފެންނަ ދެ ފަރާތަކީ އިމިގްރޭޝަނާ އެއްވެސް ގުޅުމެއް އޮންނަ ދެ ފަރާތެއް ނޫން ކަމަށް ޝައްމާން ވިދާޅުވި. އެ ދެމީހުންގެ މައްސަލަ ފުލުހުން އަންނަނީ ބަލަމުން.

788 ދުވަސް ކުރިން - 10:26

ކުޑަކުދިންގެ ޒާތީ މަޢުލޫމާތު ދެނެގަނެވޭނެ ފޮޓޯ އަދި ވީޑިއޯ އާންމުނުކުރުމަށް އިލްތިމާސްކޮށްފި

ޢާއިލީ ތަރައްޤީއާ ބެހޭ ވުޒާރާއިން މިފަދައިން އިލްތިމާސްކޮށްފައިވަނީ ދެ ދަރިންނާ ބެހުނު ބައްޕައެއްގެ މައްސަލައެއް ފެންމަތިވެފައި ވަނިކޮށް. ވުޒާރާގެ ނޫސްބަޔާނުގައި ބުނެފައިވަނީ ކުދިންގެ ބައްޕަގެ ފޮޓޯ އާންމުކުރުމަކީ ނުސީދާގޮތުން ނަމަވެސް އެ ކުދިންނަކީ ކޮން ބައެއްކަން އާންމުންގެ ތެރެއިން ބަޔަކަށް އެނގި، އެކަމުގެ ސަބަބުން އެކުދިންނަށް ނަފްސާނީ ގޮތުން އިތުރު ގެއްލުންތައް ލިބި ކުދިންގެ ކަރާމާތަށް އުނިކަން ލިބިގެންދާނެ ކަމެއް ކަމަށް.

788 ދުވަސް ކުރިން - 19:43