ޖަރުމަނުން ރާއްޖެ ޒިޔާރަތްކުރި ފަތުރުވެރިންގެ އަދަދު ލައްކައަކަށް އަރައިފިއެވެ.
ޓޫރިޒަމް މިނިސްޓްރީން އާންމު ކުރާ ޑެއިލީ އަޕްޓޭޑްްސް ރިޕޯޓުގައިވާ ގޮތުން ރާއްޖޭގެ ފަތުރުވެރިކަމުގެ މާކެޓުގެ ފަސް ވަނައިގައި އޮތް ޖަރުމަނުން އަހަރުގެ މިހާތަނަށް 100,796 ފަތުރުވެރިން ވަނީ ރާއްޖެ ޒިޔާރަތްކޮށްފައެވެ.
ޖަރުމަނާއެކު ޖުމްލަ ފަސް ޤައުމަކުން އަހަރުގެ މިހާތަނަށް އެއް ލައްކައަށްވުރެ ގިނަ ފަތުރުވެރިން ވަނީ ރާއްޖެ އައިސްފައެވެ. އެއީ ޖަރުމަނުގެ އިތުރުން، ޗައިނާ، ރަޝިއާ، ޔޫކޭ އަދި އިޓަލީއެވެ.
Advertisement
ރާއްޖެއަށް މިހާތަނަށް 1,426,697 ފަތުރުވެރިން ޒިޔާރަތްކޮށްފައިވާއިރު މިއީ މިދިޔަ އަހަރުގެ މި މުއްދަތާ އަޅާ ބަލާއިރު 10% އިތުރު އަދަދެކެވެ. އެގޮތުން މިދިޔަ އަހަރު މި މުއްދަތުގައި ރާއްޖެ ޒިޔާރަތްކޮށްފައިވަނީ 1,294,875 ފަތުރުވެރިންނެވެ.
ރާއްޖެއަށް އެންމެ ގިނައިން ފަތުރުވެރިން އައިސްފައިވާ 10 ޤައުމުގެ ތަފްޞީލަކީ:
- ޗައިނާ – 208,428 ފަތުރުވެރިން
- ރަޝިއާ – 154,872 ފަތުރުވެރިން
- ޔޫކޭ – 122,198 ފަތުރުވެރިން
- އިޓަލީ – 104,217 ފަތުރުވެރިން
- ޖަރުމަނު – 100,796 ފަތުރުވެރިން
- އިންޑިއާ – 86,229 ފަތުރުވެރިން
- ޔޫއެސްއޭ – 48,327 ފަތުރުވެރިން
- ފްރާންސް – 40,265 ފަތުރުވެރިން
- ސްޕެއިން – 31,983 ފަތުރުވެރިން
- ސްވިޒަލެންޑް – 26,493 ފަތުރުވެރިން
ރާއްޖެއަށް މިހާރު އެވްރެޖްކޮށް 5400 އެއްހާ ފަތުރުވެރިން ޒިޔާރަތްކުރެއެވެ.
ފަތުރުވެރިކަމަށް މި ވަގުތު ރާއްޖޭގައި ޖުމްލަ 1222 ޓޫރިސްޓް ފެސިލިޓީ ހިންގާއިރު، މީގެ ތެރޭގައި 174 ރިސޯޓާއި 881 ގެސްޓްހައުސް އާއި 153 ސަފާރީ އަދި 14 ހޮޓާ ހިމެނެއެވެ.
