އައިޝަތު އިމްސާ

327 ލިޔުން

ކާބަފައިންގެ ރިވެތި އަހްލާގީ ސިފަތައް ދެމެހެއްޓުމަށާއި ގައުމު އިސްކުރުމަށް މިނިސްޓަރ ހީނާ ވަލީދު އިލްތިމާސްކުރައްވައިފި

މިނިސްޓަރ މިހެން ވިދާޅުވީ ހުރަވީ ދުވަހުގެ ރަސްމީ ޖަލްސާގައި ވާހަކަދައްކަވަމުން. މިފަދަ މުހިންމު ދުވަހެއް ފާހަގަކުރަމުންދާއިރު، ގައުމުދެކެ ލޯބިވުމާއި ގައުމީ ވިސްނުން އަބަދުވެސް އިސްކުރުމުގެ މުހިންމުކަމުގެ މައްޗަށް އެކަމަނާ އަލިއަޅުވާލި. އަދި މިހާރުގެ ރައީސްގެ ސިޔާސަތު ބިނާވެފައިވަނީ ހަމައެކަނި އުމްރާނީ ބިނާކުރުމުގެ މައްޗަށް އެކަނި ނޫން ކަމަށް ވިދާޅުވި.

20 ގަޑިއިރު ކުރިން - 15:44

މިއަދު ވެސް ރާއްޖޭގެ ބޮޑުބަޔަކަށް ވިއްސާރަ؛ މޫސުން އަލިވާނީ މާދަމާއިން ފެށިގެން

ވައިގެ ބާރުމިން އާންމުގޮތެއްގައި ގަޑިއަކު 5 މޭލާއި 16 މޭލާ ދެމެދުގައި ހުންނާނެ ކަމަށް ބެލެވުނަސް، ވިލާގަނޑުގައި ގަޑިއަކު 40 މޭލަށް ވައިގަދަވާނެ. އުތުރުގެ ކަނޑުތައް އާދައިގެ ވަރަކަށް މަޑުވި ނަމަވެސް އެހެން ސަރަހައްދުތަކުގައި ކަނޑުތައް އާދައިގެ ވަރަކަށް ގަދަވެފައި ވިލާގަނޑުގައި އިތުރަށް ގަދަވާނެތީ ސަމާލުވުމަށް ވަނީ އިލްތިމާސްކޮށްފަ.

23 ގަޑިއިރު ކުރިން - 12:11

ކެފޭއެއްގެ ތެރޭގައި ބަޔަކު ހިފަހައްޓައި އަނިޔާކުރި މީހަކު 20 ދުވަހަށް ބަންދުކުރަން އަމުރުކޮށްފި

ހައްޔަރުކޮށްފަވަނީ ގއ. މާމެންދޫ، އިފްހާމް އަހުމަދު، އުމުރުން 19 އަހަރު. ފުލުހުން ކޯޓުގައި ބުނެފައިވާ ގޮތުގައި އިފްހާމް ކެފޭ ތެރޭގައި ބަޔަކު ހިފަހައްޓައި، އަނިޔާ ލިބުނު ފަރާތްތަކުގެ ފޯނު ނުދީފިނަމަ ބިއްލޫރިފުޅިއަކުން ޖަހާނެ ކަމަށް ބުނެ ބިރުދެއްކި. އަދި ތިން ގަޑިއިރު ވަންދެން މީހުން ހިފަހައްޓައިގެން ހުރި.

23 ގަޑިއިރު ކުރިން - 12:06

ވީއައިއޭގެ ވޯޓާ އެއިރޯޑްރޯމްގައި ޓީއެމްއޭގެ ބޯޓަކަށް ހާދިސާއެއް ދިމާވި ނަމަވެސް ހިދުމަތްތައް މެދުނުކެނޑި ކުރިއަށްދަނީ

މިފަދަ ހާދިސާތަކަށް އެ ކުންފުނީގެ ޓީމުތައް އަބަދުވެސް ތައްޔާރަށް އޮންނަކަން ފާހަގަކުރަމުން އެމްއޭސީއެލް އިން ބުނީ، މި ހާދިސާއާ ގުޅިގެން ސީޕްލޭންގެ ޚިދުމަތްތަކަށް އެއްވެސް ބުރޫއެއް އަރާފައިނުވާ ކަމަށް. އަދި ވޯޓާ އެއިރޯޑްރޯމްގެ އޮޕަރޭޝަންތައް މެދުކެނޑުމެއްނެތި، އާންމު އުސޫލުން މިހާރުވެސް ކުރިއަށްދާ ކަމަށް.

1 ދުވަސް ކުރިން - 20:05

ޖުމްހޫރީ ދުވަހުގެ ޗުއްޓީއާ ދިމާކޮށް މޫސުން ގޯސްވާތީ ރައްކާތެރިކަމުގެ ފިޔަވަޅުތައް އެޅުމަށް ފުލުހުން އިލްތިމާސްކޮށްފި

މަގުމަތީގައި އުޅަނދުފަހަރުގެ ދުވެލި މަޑުކުރުމަށާއި، ފެންބޮޑުވެދާނެތީ ކަރަންޓުގެ ނުރައްކާތަކުންނާއި މުހިންމު ތަކެތި ރައްކާތެރިކުރުމަށް އިރުޝާދު ދީފައިވޭ. އަދި ކަނޑުދަތުރުކުރާއިރު ލައިފްޖެކެޓް ހަމަކުރުމަށާއި، މޫސުން ގޯސްނަމަ ދަތުރު ފަސްކުރުމަށް ވަނީ އަންގާފަ.

1 ދުވަސް ކުރިން - 16:19

ޖުމްހޫރީ ދުވަހުގެ މުނާސަބަތުގައި ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދު ތަހުނިޔާ ފޮނުއްވައިފި

އެކަމަނާ ވަނީ ރައްޔިތުންނަށް ފާގަތިކަމާއި ބާއްޖަވެރިކަމަށް އެދިވަޑައިގެން، ގައުމުގެ އިޖުތިމާޢީ އަދި އިގްތިސާދީ ދާއިރާއަށް ހެޔޮ ބަދަލުތަކެއް އައުމަށް އުންމީދުކުރައްވާފަ. މީގެއިތުރުން، ޖުމްހޫރީ ވެރިކަމުގެ ހިޔަލުގައި ޤައުމަށް އިތުރު ކުރިއެރުމާއި ތަމައްދުނު މިންވަރުކުރެއްވުން އެދި ދުއާކުރެއްވި.

1 ދުވަސް ކުރިން - 13:24

ގަސްދުގައި ޓެކްސް ނުދައްކާ ފަރާތްތަކާމެދު ގާނޫނީ ފިޔަވަޅު އަޅާނެ ކަމުގެ ޔަގީންކަން މީރާއިން ދީފި

އެއް މިލިއަނަށް ވުރެ ގިނަ ރުފިޔާގެ ޖީއެސްޓީ ނުދައްކާ 25 ފަރާތެއްގެ ނަން މިހާރު ވަނީ އާންމުކޮށްފަ. ކުދި ވިޔަފާރިތަކަށް ލުއިތަކާއި އިންސްޓޯލްމަންޓްގެ ފުރުސަތު ދިން ނަމަވެސް، ގަސްދުގައި ޓެކްސް ނުދައްކާ ފަރާތްތަކާމެދު ފަސްޖެހުމެއްނެތި ގާނޫނީ ފިޔަވަޅު އަޅާނެ ކަމުގެ ޔަގީންކަން މީރާއިން ދިން.

1 ދުވަސް ކުރިން - 12:33

ޖުމްހޫރީ ދުވަސް: ރަސްކަމުން ޖުމްހޫރިއްޔާއަށް އައި ސިޔާސީ އިންގިލާބުގެ ދަތުރު

ދިވެހިރާއްޖޭގެ ޖުމްހޫރީ ދުވަހަކީ 1968 ވަނަ އަހަރު ދެވަނަ ޖުމްހޫރިއްޔާ އުފެދި، ރަސްކަމުގެ ނިޒާމު ނިމުމަކަށް އައިސް، ގައުމުގެ ސިޔާސީ މަސްރަޙަށް އައި މުހިންމު ތާރީހީ ބަދަލުތަކާއި، ޑިމޮކްރެޓިކް ނިޒާމު ކުރިއެރިގޮތް ފާހަގަކުރާ ދުވަހެއް.

2 ދުވަސް ކުރިން - 11:10

ރ. މާކުރަތު ކައުންސިލުން އިމިގްރޭޝަން ކޮންޓްރޯލަރ ޖެނެރަލާ ބައްދަލުކުރައްވައިފި

މި ބައްދަލުވުމުގައި ކޮންޓްރޯލަރ ޖެނެރަލް ކައުންސިލުން ފާޅުކުރެއްވި ކަންބޮޑުވުންތަކަށް އަލިއަޅުއްވާލައްވައި، އެކަންކަން ހައްލުކުރުމަށްޓަކައި އިމިގްރޭޝަނާއި ކައުންސިލާ ދެމެދު އޮންނަ ގުޅުމާއި އެއްބާރުލުން އިތުރަށް ހަރުދަނާކޮށް ވަރުގަދަކުރައްވާނެކަމުގެ ފުރިހަމަ ޔަގީންކަން ދެއްވި. ބިދޭސީ މަސައްކަތްތެރިންގެ ލިޔެކިޔުންތަކާއި ގަވާއިދުތަކާ ގުޅޭގޮތުން މަޝްވަރާކުރެއްވި، މިކަންކަން ހައްލުކުރުމަށް ދެ ފަރާތް ގުޅިގެން މަސައްކަތްކުރަން އެއްބަސްވި.

2 ދުވަސް ކުރިން - 14:43

މޫސުމީ ކާރިސާތަކަށް މުޖުތަމައު އަހުލުވެރިކޮށް ކުރިއާލައި އިންޒާރުދޭ ނިޒާމު ހަރުދަނާކުރުމަށް ފަހުމުނާމާއެއްގައި ސޮއިކޮށްފި

މި އެއްބަސްވުމުގެ މައިގަނޑު މަގުސަދަކީ މުޖުތަމައުގައި ކާރިސާތަކަށް ތައްޔާރުވެފައިވާ މިންވަރު ފުއިތުރުކުރުމާއި، ކުރިމަތިވެދާނެ ނުރައްކާތަކަށް އާންމުން ހޭލުންތެރިކުރުން. މި އެއްބަސްވުމުގެ ސަބަބުން މޫސުމީ ބަދަލުތަކުގެ ސަބަބުންނާއި ގުދުރަތީ ގޮތުން ދިމާވާ އެކިއެކި ކާރިސާތަކުން ރައްކާތެރިވުމަށް ރަށްރަށުގެ ފެންވަރުގައި މަސައްކަތް ކުރާ ފަރާތްތަކުގެ ގާބިލުކަން އިތުރުވެގެންދާނެ.

2 ދުވަސް ކުރިން - 14:22

ރާއްޖޭގެ ފަތުރުވެރިކަމުގެ ދާއިރާއިން ލިބޭ އާމްދަނީގެ %40 ރަސްމާލެއިން އެކަނި ލިބޭނެ: ހައުސިން މިނިސްޓަރ

ރަސްމާލޭގައި ތަރައްގީކުރާ ޕްރޮޕަރޓީތަކަކީ ބޭރުމީހުން ދާއިމީގޮތަކަށް ވަޒަންވެރިވާނެކަމަށް ދެކެވޭ ވާހަކަތައް މިނިސްޓަރ މުޅިން ދޮގުކުރެއްވި. މި ޕްރޮޕަޓީތަކަކީ "ހޮލިޑޭ ހޯމް" ތަކެއްގެ ގޮތުގައި ބޭނުންކުރާނެ ތަންތަން ކަމަށާއި، އެއްވެސް މީހަކު އެތަނުގައި ރަށްވެހިވެގެން ނުދާނެކަމަށް މިނިސްޓަރ ވިދާޅުވި. ދައުލަތަށް ދުރު މުސްތަގުބަލުގައި ބޮޑު މަންފާއެއް ހޯދައިދޭނެ ކަމަށްވެސް ވިދާޅުވި.

2 ދުވަސް ކުރިން - 14:19

މިއަހަރުގެ ފުރަތަމަ ނުވަ މަސް ދުވަހުގެ ތެރޭގައި ދައުލަތަށް ޑޮލަރު އާމްދަނީގެ ގޮތުގައި 1.2 ބިލިޔަން ލިބިއްޖެ

މިއީ މިދިޔަ އަހަރުގެ މި މުއްދަތާ ހަމައަށް ލިބިފަވާ 1.1 ބިލިއަން ޑޮލަރަށް އަޅާބަލާއިރު %5.6 ގެ ކުރިއެރުމެއް. މިހާތަނަށް ލިބިފަވާ ޑޮލަރު އާމްދަނީގެ އެންމެ ބޮޑު ބައެއް ހިއްސާކުރަނީ ޓެކުހުގެ ގޮތުގައި ލިބުނު ފައިސާ. އޭގެތެރެއިން ބޮޑު އަދަދެއް ހިއްސާކުރަނީ ފަތުރުވެރިކަމުގެ ދާއިރާއިން ލިބުނު ޓީޖީއެސްޓީ.

2 ދުވަސް ކުރިން - 12:21