މި ތިން ވަޒީރުންނަކީ ޚާރިޖީ ވަޒީރުކަމަށް އައްޔަން ކުރެއްވި ޑރ. ޢަބްދުﷲ ޚަލީލް، މާލީ ވަޒީރުކަމަށް އައްޔަން ކުރެއްވި މޫސާ ޒަމީރު އަދި ސިއްޙަތާބެހޭ ވަޒީރުކަމަށް އައްޔަންކުރެއްވި ޢަބްދުﷲ ނާޡިމް އިބްރާހީމް.
718 ދުވަސް ކުރިން - 19:23
ރައީސް މުޢިއްޒު އދ. އަށް ކުރެއްވެވި ދަތުރުފުޅަށް ސަރުކާރުން ޚަރަދުވެފައިވަނީ 2.4 މިލިއަން ރުފިޔާ. މިއީ 2021 ގައި އދ. އަށް ވަޑައިގެންނެވި ރައީސް ސޯލިހުގެ ދަތުރުފުޅަށްވުރެ 2.9 މިލިއަން ރުފިޔާގެ ކުޑަ އަދަދެއް.
718 ދުވަސް ކުރިން - 17:19
މި ފުރުޞަތު ހުޅުއްވާލައްވާފައި ވަނީ މިއަދުން ފެށިގެން 16 އޮކްޓޫބަރު 2024 ވާ ބުދަ ދުވަހުގެ 12:00 އާ ހަމައަށް. މި މަޤާމަށް ކުރިމަތިލެއްވުމަށް އެދޭ ފޯމު ރައީސުލްޖުމްހޫރިއްޔާގެ އޮފީހުގެ ރިސެޕްޝަނުން ލިބޭނެ.
729 ދުވަސް ކުރިން - 22:33
މި ބައްދަލުވުމުގައި ނަޑެއްލާ ކައުންސިލުގެ މެންބަރުން އެރަށުގެ ތަރައްޤީއަށް އެންމެ ބޭނުންވާ ކަންކަމާއި، ކުރިމަތިވާ ދަތި މައްސަލަތައް ނައިބު ރައީސްއާ ހިއްސާކުރެއްވި. ކައުންސިލުން ފާހަގަކުރެއްވި ކަންކަމުގެ ތެރޭގައި، ރަށުގެ ބަނދަރު ކުޑަވުމުން ދިމާވާ މައްސަލަތަކާއި، ފެނާއި ނަރުދަމާގެ މަސައްކަތް ހުއްޓިފައި އޮތުމުން ދިމާވާ ދަތިތަކުގެ ވާހަކަ ހިމެނޭ.
738 ދުވަސް ކުރިން - 21:45
ރައީސުލްޖުމްހޫރިއްޔާ ވިދާޅުވީ މިދަތުރުފުޅުގެ އެންމެ މުހިންމު ބޭނުމަކަށްވަނީ ރާއްޖޭގެ ވާހަކަތައް ކިޔައިދީ، ކުދި ޖަޒީރާ ޤައުމުތަކުގެ ތަރައްޤީއަށް ބޭނުންވާ މުހިންމު ދާއިރާތަކާމެދު ދުނިޔޭގެ ބޮޑެތި ޤައުމުތަކުގެ ސަމާލުކަމަށް ގެނައުންކަމަށް. އަދި ރާއްޖޭގެ ކަންކަމުގެ އިތުރުން، ބޭރުގެ މަޝްރަހުގައި ހިނގާ ކަންކަމާ ގުޅޭގޮތުންވެސް ރާއްޖޭގެ ބަސް އިއްވަންޖެހޭ ކަންކަމުގައި ބަސް އިއްވާނެކަމަށް އެމަނިކުފާނު ވިދާޅުވި.
742 ދުވަސް ކުރިން - 19:47
މި 50 މިލިއަން ޑޮލަރަކީ ޓްރެޜަރީ ބިލުގެ މިއަހަރުގެ ދައްކަންޖެހޭ ދެވަނަ ބައި ކަމަށްވާއިރު، ފުރަތަމަ ބައި ވަނީ މިދިޔަ މެއި 13 ގައި ރޯލްއޯވާކޮށްފައި. މި ނިންމުން އައިސްފައިވަނީ ދެ ޤައުމުގެ ގުޅުން އިތުރަށް ބަދަހިކުރުމަށް މަސައްކަތްކުރަމުންދާ ދަނޑިވަޅެއްގައި.
743 ދުވަސް ކުރިން - 22:40
އަހަރުގެ މިހާތަނަށް 473 މިލިޔަން ރުފިޔާ ދޫކޮށްފައިވާކަމަށް ވަޒީރު މާރިޔާ ވިދާޅުވެފައި ވާއިރު މަތީ ތަޢުލީމަށް ކިޔެވުމަށް ދަރިވަރުންނަށް ދޫކޮށްފައިވާ ލޯނު ފައިސާ ދޫކުރުން ލަސްވަނީ އިދާރީ ގޮތުން ހުރި ދަތިތަކެއްގެ ސަބަބުން ކަމަށް ވަޒީރު ވިދާޅުވެފައިވޭ.
743 ދުވަސް ކުރިން - 18:12
ހީނާ ވިދާޅުވީ ރައީސް މުޢިއްޒު ވެރިކަމާ ހަވާލުވެވަޑައިގަތުމަށްފަހު، މި މަޝްރޫޢުގެ މަސައްކަތަށް ބޭނުންވާ 400 މިލިއަން ރުފިޔާ ބަޖެޓުގައި ހިމެނުމަށް ހުށަހެޅުއްވި ނަމަވެސް، އޭރުގެ މަޖިލީހުގެ މެޖޯރިޓީ އޮތް އެމްޑީޕީން އެކަމަށް ދެކޮޅު ހެދިކަމަށް. ރަސްމާލެ މަޝްރޫޢަކީ ރައީސްގެ ބޮޑު ވަޢުދަކަށް ވާއިރު، ތާރީޚަށް ބަދަލު އައިނަމަވެސް، ވަރަށް ކާމިޔާބު މަޝްރޫޢުއެއްގެ ގޮތުގައި މަޝްރޫޢު ކުރިއަށްދާނެ ކަމަށް ހީނާ ވިދާޅުވި.
744 ދުވަސް ކުރިން - 17:43
އިސްލާމީ މަރުކަޒުގައި ކުރިން ހުރި ލައިބްރަރީ ބަންދުކޮށް، ފޮތްތައް މިދިޔަ އަހަރު ގުދަނަށް ލާފައިވެއިވާ ކަމަށް އެހެންނަމަވެސް މިހާރު އެކަން ބަދަލުކޮށް، ސަލްމާން މިސްކިތުގައި މީހުންނަށް ވަދެވޭނެހެން ޤައުމީ އިސްލާމީ ލައިބްރަރީއެއް ޤާއިމުކުރައްވާނެ ކަމަށް ވަޒީރު ވިދާޅުވެފައިވޭ.
744 ދުވަސް ކުރިން - 14:15
ބޭންކް އޮފް މޯލްޑިވްސްގެ ޑިރެކްޓަރުންގެ ބޯޑުގެ ޗެއަރމަންކަމަށް އަޙްމަދު އަލީ ޙަބީބު ޢައްޔަންކުރެއްވުމަށްޓަކައި، ސަރުކާރުން ޕީސީބީ ބޯޑަށް އޭނާގެ ނަން ހުށަހަޅައިފި. ޙަބީބަކީ ބީއެމްއެލްގެ ޗެއަރމަންގެ މަޤާމުގެ މަސްޢޫލިއްޔަތު އަދާކުރުމަށް ޤާބިލު ބޭފުޅަކަށް ވާނެކަމަށް ސަރުކާރުން ޤަބޫލުކުރައްވާކަމަށް ހީނާ ވިދާޅުވެފައިވޭ.
745 ދުވަސް ކުރިން - 21:15
މި ޕްލޭނުގެ ސަބަބުން ދިގު މުއްދަތަކަށް ރާވައިގެން ކުރިއަށްގެންދާ މަޝްރޫޢުތައް ހުއްޓުމެއްނެތި ކުރިއަށް ގެންދެވޭނެކަމަށް ސަރުކާރުން އުންމީދުކުރާ ކަމަށާއި އަދި މިއީ ޤައުމުގެ ތަރައްޤީއަށް ވަރަށް މުހިންމު ފިޔަވަޅެއް ކަމަށްވެސް ހީނާ ފާހަގަކުރައްވާފައިވޭ.
745 ދުވަސް ކުރިން - 20:57
ސައީދު ވިދާޅުވީ ރާއްޖެއާއި ޗައިނާއާ ދެމެދު ވެފައިވާ ފްރީ ޓްރޭޑް އެގްރީމަންޓް (އެފްޓީއޭ) އަންނަ އަހަރުގެ ޖެނުއަރީ މަހުން ފެށިގެން ތަންފީޒުކުރެވޭނެ ކަމަށް ލަފާކުރެވޭއިރު ޗައިނާއިން ރާއްޖެއަށް އެތެރެކުރާ މުދަލުގެ %91 ބާވަތުން ޑިއުޓީ ދައްކަން ނުޖެހޭނެ ކަމަށް. ސައީދު ވިދާޅުވީ ދެ ޤައުމުގެ ފައިސާއިން މުޢާމަލާތްކުރުމަށް އެމްއޯޔޫއެއްގައި ސޮއިކުރެވިފައިވާ ކަމަށް. އަދި މީގެ ސަބަބުން ދިވެހި ރުފިޔާއިން ޗައިނާއިން މުދާ ގަނެވޭނެ ކަމަށްވެސް ސައީދު ވިދާޅުވި.
745 ދުވަސް ކުރިން - 20:49
