ރ.މަޑުއްވަރީއަށް ދެމެހެއްޓެނިވި ގޮތެއްގައި ކަރަންޓުގެ ހިދުމަތް ފޯރުކޮށްދިނުމަށްޓަކައި ކުރަމުންދާ މަސައްކަތުގެ ތެރެއިން، އެރަށުގައި ފޯރުކޮށްދެމުންދާ ކަރަންޓުގެ ހިދުމަތް އިތުރަށް ހަރުދަނާކުރުމުގެ ގޮތުން 800 ކިލޯވަޓުގެ އާ ޖެންސެޓެއް އެރަށަށް ގެންގޮސްފި ކަމަށް ފެނަކަ އިން ބުނެފިއެވެ.

އެ ކުންފުނިން ބުނީ އާ ޖެންސެޓް ގެންދިއުމަށްފަހު ކަރަންޓު އުފައްދާ މިންވަރު 2100 ކިލޯވަޓުން 2900 ކިލޯވަޓަށް އިތުރުވެއްޖެއެވެ. އައު ޖެނެރޭޓަރު ހިމަނައިގެން، މިހާރު މަޑުއްވަރީގައި ޖުމުލަ 4 ޖެންސެޓު ހުންނާނެ ކަމަށާއި، އެއީ 800 ކިލޯވަޓުގެ 3 ޖެންސެޓާއި 500 ކިލޯވަޓުގެ 1 ޖެންސެޓުކަމުގައި ފެނަކައިން ހާމަކުރެއްވިއެވެ.

ޕީކް ގަޑިތަކުގަ އާއޮ، ކުރިމަގުގައި އެ ރަށުގެ ތަރައްގީއާއެކު ކަރަންޓު ބޭނުންކުރާ މިންވަރު އިތުރުވެގެން ދިޔަނަމަވެސް، މެދުކެނޑުމެއް ނެތި ރައްޔިތުންނަށް ކަރަންޓުގެ ހިދުމަތް ލިބޭނެކަމުގެ ޔަގީންކަށް ފެނަކައިން ދެއްވިއެވެ.

މިއީ ރާއްޖޭގެ އެކި ރަށްރަށުގެ އެންޖީނުގެ ތަކުގެ ހާލަތު ރަންގަޅުކޮށް، އަސާސީ ހިދުމަތްތަކުގެ ފެންވަރު މަތިކުރުމަށް ސަރުކާރުން ގެންގުޅޭ ސިޔާސަތުގެ ދަށުން ފެނަކައިން މެދުކެނޑުމެއްނެތި ކުރިޔަށް ގެންދާ މަސައްކަތުގެ ތެރެއިން ކުރި މަސައްކަތެއް ކަމުގައި ފެނަކައިން ބުނެއެވެ.

ރާއްޖޭގެ ރަށްތަކަށް ދިމާވެފައިވާ ކަރަންޓުގެ މައްސަލަ ހައްލުކުރުމަކީ ރައީސް ޑރ. މުއިއްޒުގެ ވަރަށް ބޮޑު ވައުދުފުޅެކެވެ. އެ ވައުދުފުޅާއި އެއްގޮތަށް އިންޖީނުގެ ތަރައްގީ ކުރުމާއި ބޭނުންވާ އާ ޖެންސެޓްތައް ގެންދަނީ ރަށްތަކަށް ފޯރުކޮށްދެމުންނެވެ.