ޣައްޒާގައި ހިނގަމުންދާ ހަނގުރާމަ ނިމުމަކަށް ގެނައުމާއި ބެހޭ ގޮތުން އެމެރިކާގެ އެހީތެރިކަމާއެކު ހުށަހެޅި ހުށަހެޅުމަކަށް ހަމާސްއިން ޖަވާބު ދީފިއެވެ. ހަމާސް އިން ފާހަގަކުރި ގޮތުގައި، މި ހުށަހެޅުމުގައި ދާއިމީ ގޮތެއްގައި ހަނގުރާމަ ހުއްޓުމުގެ ޔަޤީންކަން ނެތެވެ. ހަމާސް އިން ބޭނުމީ ހަނގުރާމަ ހުއްޓުމަކަށް ގެނައުމުގެ އެއްބަސްވުމެއްގައި ޔަޤީންކަން ހޯދާށެވެ. ހަމާސްގެ ހުށަހެޅުމުގައި ހިމެނެނީ އިސްރާއީލްގެ 10 ރަހީނުން ދޫކޮށްލުމާއި މަރުވެފައިވާ 18 މީހުންގެ ހަށިގަނޑު އަނބުރާ ރައްދުކުރުމެވެ. މީގެ އިތުރުން ޣައްޒާއިން އިސްރާއީލް ސިފައިން މުޅިން ފޭބުމަށާއި އިންސާނީ އެހީ ހުރަހެއްނެތި ފޯރުކޮށްދިނުމަށް ބުނެފައި ވެއެވެ.
އެމެރިކާގެ ޚާއްޞަ މަންދޫބު ސްޓީވް ވިޓްކޮފް ވަނީ ހަމާސްގެ މި ޝަރުޠުތައް ބަލައި ނުގަނެވޭނެ ކަމަށް ބުނެފައެވެ. އަދި ހައްދުފަހަނަ އެޅި އިސްރާއީލް ބޮޑުވަޒީރު ބެންޖަމިން ނެތަންޔާހޫ ވަނީ، ހަމާސްގެ މަޝްވަރާތައް ފަހަތަށް ޖައްސާލައި ހަމާސް ބަލިކޮށް ހުރިހާ ރަހީނުން އަނބުރާ ގެނައުމަށް އިސްރާއީލު އޮތީ ތައްޔާރަށް ކަމަށް ވެސް ބުނެފައެވެ.
ރައީސް ޓްރަމްޕް ވަނީ ދުނިޔޭގެ ތާއީދު ކުޑަވާނެ ކަމުގެ އިންޒާރު ދެއްވަމުން އިސްރާއީލުން ހަނގުރާމަ “ހުއްޓާލުމަށް” ވަކާލާތު ކުރައްވާފަ އެވެ. އަދި ފަލަސްތީނުގެ މީހުން ބަދަލުކުރުން ހިމެނޭ ގޮތަށް ރީޑިވެލޮޕްމަންޓް ޕްލޭންތައް ތަސައްވަރުކޮށް، ޣައްޒާގެ މައްޗަށް އެމެރިކާ ކޮންޓްރޯލް ކުރުމަށް އޭނާ ހުށަހެޅުއްވި އެވެ. މިއާއެކު އެކު ހަމާސްއިން ބުނީ އެމެރިކާގެ ކިބައިގައި ހަނގުރާމަ ހުއްޓާލުމުގެ އިޚްލާޞްތެރި ނިޔަތެއް ނެތް ކަމަށެވެ. އަދި ދާއިމީ ސުލްޙައެއް ގެނައުމުގެ ފުރުޞަތު އޮތް ކަމާމެދު ސުވާލު އުފައްދާފައެވެ.
ޣައްޒާގެ އިންސާނީ ހާލަތު ދަނީ ނާޒުކުވަމުންނެވެ. އޮކްޓޯބަރު 2023 އިން ފެށިގެން މިހާތަނަށް 60،000 އަށް ވުރެ ގިނަ މީހުން ޝަހީދުވެފައިވާ ކަމަށް ހަމާސް އިން ބުނެއެވެ.
