ނުވަރަށެއްގެ ސިއްހީ ހިދުމަތްދޭ ތަންތަން އިމާރާތްކުރަން ފެނަކަ ކޯޕަރޭޝަންއާ އިއްޔެ ހަވާލުކޮށްފި އެވެ.
ހެލްތު މިނިސްޓްރީން ބުނީ އެ އިދާރާގައި ރޭ ބޭއްވި ރަސްމިއްޔާތެއްގައި މިނިސްޓްރީގެ ފަރާތުން އެއްބަސްވުންތަކުގައި ސޮއިކުރެއްވީ ސްޓޭޓް މިނިސްޓަރު އިސްމާއިލް ޝަރީފް ކަމަށެވެ. ފެނަކައިގެ ފަރާތުން ސޮއިކުރެއްވީ ޑެޕިއުޓީ މެނޭޖިން ޑިރެކްޓަރު މުހައްމަދު އާރިފެވެ.
ފެނަކަ އާއި ހަވާލުކުރީ ދެރަށެއްގައި ސިއްހީ މަރުކަޒުގެ އާ އިމާރާތް އެޅުމަށާއި ހަތްރަށެއްގައި ސިއްހީ މަރުކަޒުގެ އެކްސްޕެންޝަން މަސައްކަތް ކުރުމަށް ކަމަށް މިނިސްޓްރީން ބުންޏެވެ.
މަސައްކަތް ހަވާލުކުރި ރަށްރަަށް
- ހއ. މުރައިދޫ ސިއްހީ މަރުކަޒުގެ އެކްސްޕެންޝަން އިމާރާތުގެ މަސައްކަތް / މަސައްކަތުގެ އަގު: 9.7 މިލިއަން ރުފިޔާ
- ހއ. ތަކަންދޫ ސިއްހީ މަރުކަޒުގެ އެކްސްޕެންޝަން އިމާރާތުގެ މަސައްކަތް / މަސައްކަތުގެ އަގު 10.4 މިލިއަން ރުފިޔާ
- ހއ. މޮޅަދޫ ސިއްހީ މަރުކަޒުގެ އާ އިމާރާތުގެ މަސައްކަތް / މަސައްކަތުގެ އަގު: 27.4 މިލިއަން ރުފިޔާ
- ހދ. ނޭކުރެންދޫ ސިއްހީ މަރުކަޒުގެ އެކްސްޕެންޝަން އިމާރާތުގެ މަސައްކަތް / މަސައްކަތުގެ އަގު: 9.2 މިލިއަން ރުފިޔާ
- ރ. ކިނޮޅަސް ސިއްހީ މަރުކަޒުގެ އެކްސްޕެންޝަން އިމާރާތުގެ މަސައްކަތް / މަސައްކަތުގެ އަގު: 9.2 މިލިއަން ރުފިޔާ
- ރ. ފައިނު ސިއްހީ މަރުކަޒުގެ އެކްސްޕެންޝަން އިމާރާތުގެ މަސައްކަތް / މަސައްކަތުގެ އަގު: 9.7 މިލިއަން ރުފިޔާ
- ރ. ރަސްމާދޫ ސިއްހީ މަރުކަޒުގެ އެކްސްޕެންޝަން އިމާރާތުގެ މަސައްކަތް / މަސައްކަތުގެ އަގު: 10.8 މިލިއަން ރުފިޔާ
- ރ. މަޑުއްވަރީ ސިއްހީ މަރުކަޒުގެ އައު އިމާރާތުގެ މަސައްކަތް / މަސައްކަތުގެ އަގު: 28.5 މިލިއަން ރުފިޔާ
- ދ. ރިނބުދޫ ސިއްހީ މަރުކަޒުގެ އެކްސްޕެންޝަން އިމާރާތުގެ މަސައްކަތް / މަސައްކަތުގެ އަގު: 12.2 މިލިއަން ރުފިޔާ
ސަރުކާރުން އަންނަނީ ރަށްރަށުގައި ހިންގާ ސިއްހީ މަރުކަޒުތަކާއި ހޮސްޕިޓަލުތަކުގެ ފެންވަރު މަތިކުރުމަށް ސިއްހީ ހިދުމަތް ދޭ ތަންތަން ތަރައްގީކުރުމުގެ އެކި މަޝްރޫއުތައް ހިންގަމުންނެވެ.
