ޣައްޒާގެ ދެކުނުގައިވާ ޚާން ޔޫނިސްގެ އިރުމަތީގައި އަލް-ޤައްސާމް ބްރިގޭޑާއި ސަރާޔާ އަލް-ޤުދުސްއިން އިސްރާއީލްގެ ތިން ރަހީނުން ރެޑް ކްރޮސްއާއި ހަވާލުކޮށްފިއެވެ. މިއީ ރަހީނުންނާއި ބަންދު މީހުން ބަދަލުކުރުމުގެ އެއްބަސްވުމުގެ 6 ވަނަ މަރުހަލާގެ ދަށުން ކުރެވުނު ކަމެއްކަމަށް ހަމާސް އިން ރިޕޯޓުކޮށްފައި ވެއެވެ.

އަލްޤައްސާމް ބްރިގޭޑްސްގެ އަސްކަރީ ތަރުޖަމާނު އަބޫ އޮބެއިދާ ވިދާޅުވީ ގައިދީން ބަދަލުކުރުމުގެ އެއްބަސްވުމުގެ ތެރެއިން، އިޒްރޭލުން އަސީރުކޮފައިވާ ފަލަސްޠީނުގެ 369 އަސީރުން މިއަދު މިނިވަން ކުރުމަށް ޓަކައި ޔަހޫދީންގެ 3 މީހުން ދޫކޮށްލާފައިވާ ކަމަށެވެ. އެމީހުންނަކީ:

1- ސާޝާ އެލެގްޒެންޑަރ ޓްރަބްނޮވް

2- ސާގި ޑެކެލް ހާން

3- ޔައިރް ހޯރން