ކ. ގުރަިދޫގައި ހުންނަ ހާއްސަ އެހީއަށް ބޭނުންވާ މީހުންގެ މަރުކަޒު ޒަމާނި ފެނވަރަށް ބަދަލުކޮށް ހުރިހާ ހިދުމަތެއްވެސް ލިބޭނެ މަރުކަޒަކަށް ހެދުމުގެ މަސައްކަތް ފެއްޓެވުމަށް ވަޒީުންގެ މަޖިލީހުން ބޭއްވި ބައްދަލުވުމުގައި ނިންމަވައިފިއެވެ.
އާދިއްތަ ދުވަހު، ވަޒީރުންގެ މަޖިލީހުން ބޭއްވި ބައްދަލުވުމުގައި އެ މަރުކަޒު އިތުރަށް ތަރައްގީ ކުރުމަށް ބޭނުންވާ ހުރިހާ އެހީތެރިކަމެއް ކަމާ ބެހޭ ފަރާތްތަކުން ހޯދަވައިގެން މިކަން ކުރިޔަށް ގެންދިއުމަށް ވަނީ ނިންމަވާފައެވެ.
މާލެއަތޮޅު ގުރައިދޫގައި ތަރައްޤީކޮށްފައިވާ ހާއްސަ އެހީއަށް ބޭނުންވާ މީހުންގެ މަރުކަޒު ހުންނަ އިމާރާތަކީ މިހާރު 50 އަހަރަށް ވުރެ ގިނަ ދުވަސް ވެފައިވާ އިމާރާތެކެވެ. މި މަރުކަޒު ތަރައްގީ ކުރަމުގެ މަސައްކަތްތައް ކުރަމުންދާއިރު، އެ މަރުކަޒުގެ އައު އެކޮމަޑޭޝަން ބްލޮކްގެ މަސައްކަތް ކުރުމަށްވެސްވަނީ ނިންމާވާފައެވެ،
Advertisement
ސަރުކާރުގެ މިހާރުގެ ސިޔާސަތަކީ، ހާއްސަ އެހީއަށް ބޭނުންވާ މީހުން ބައިތިއްބާ މަރުކަޒުން މުޖުތަމަޢު އަށް އަންބުރާ ނިކުންނަ މީހުން، އެ މުޖުތަމަޢުއެއްގައި ހިމެނޭ މުޢައްސަސާތަކާއި، އެމީހެއްގެ ޢާއިލާއަށް ދޭންޖެހޭ މަޢުލޫމާތު ފޯރުކޮށްދީ އެމީހަކަށް ފަހި ވެއްޓެއް ޤާއިމު ކުރުމެވެ. އަދި އޭގެތެރެއިން ވަޒީފާ އަދާކުރަން ބޭނުންވާ މީހުންނަށް މަރުކަޒުގެ އެހީގައި އެ ފުރުސަތު ފޯރުކޮށްދީ، ޢާއިލާއަށް ބުރައަކަށް ވުމުގެ ބަދަލުގައި އަމިއްލައަށް ކަންކަން ކުރެވޭނެ މީހެއްގެ ގޮތުގައި ޢާއިލާތަކަށް މަގުފަހިކޮށްދިނުން ހިމެނޭކަމަށް ހާމަކުރިއެވެ.
މި އަހަރު ޖޫންމަހު ރައްޔިތުންގެ މަޖިލީހުގައި ވާހަކަފުޅު ދައްކަވަމުން، ސިއްހަތާއި، އާއިލީ އިޖުތިމާއީ އެހީއާބެހޭ ވަޒީރު ޤީލާ އަލީ ވިދާޅުވެފައި ވަނީ އެ މަރުކަޒުގައި ތިބި 60 މީހުންނަށް ފަރުވާދެވި، އަނބުރާ މުޖުތަމައުއަށް ނެރެވުނުކަމަށެވެ.
