ރޭ ޑީންގީއެއްގައި ކަނޑުމައްޗަށް ނިކުތުމަށް ފަހު ގެއްލިގެން ހޯދި ރ. ވާދޫ، "ވިންޑްސްޓާ"، މުހައްމަދު އިގުބާލު ފެނިއްޖެ ކަމަށް ފުލުހުން ބުނެފި އެވެ.
ފުލުހުން ބުނެފައި ވަނީ، އިގުބާލު ކަނޑުމަތިން ފެނުނީ އޭނާ ހޯދުމުގެ މަސައްކަތުގައި މިއަދު ހެނދުނު ރ. ވާދޫއިން ނުކުތް ބަޔަކަށް ކަމަށެވެ. އަދި އިގްބާލު ފެނުނުއިރު، އެނާ އޮތީ ދަތުރުކުރި ޑިންގީގެ އިންޖީނު ހުއްޓިގެން ރ. އަލިފުށި ކައިރީގައި އޮތް ބޮއެއްގައި އެ އުޅަނދު އައްސައިގެން ކަމަށެވެ. ފުލުހުން ބުނީ އެނާ ކަނޑުމަތިން ހޯދި އިރު އޭނާގެ ހާލު ރަނގަޅު ކަމަށެވެ.
އިގްބާލު ގެއްލިގެން ފުލުހުންނަށް ރިޕޯޓުކޮށްފައި ވަނީ ރޭ ނުވައެއް ޖަހާ ކަންހާއިރު ކަނަށް ފުލުހުން ބުންޏެވެ.
އިގުބާލު އިއްޔެ ކަނޑު މައްޗަށް ނުކުތީ ފަތިހުގެ ވަގުތެއްގައި ކުޑަ ޑިންގީއެއްގައި އެކަނި ކަމަށް ފުލުހުން ބުންޏެވެ.
