އިންޑިޔާގެ ދެޒުވާނަކު 6 ކިލޯގެ ޑުރަގާއެކު ރާއްޖެއިން ހައްޔަރު ކޮށްފިއެވެ.
ހައްޔަރު ކުޮށްފައި ވަނީ ވެލާނާ އިންޓަނޭޝަނަލް އެއާޕޯޓުން ރާއްޖެ އައި އިންޑިއާ އަށް ނިސްބަތްވާ 21 އަހަރުގެ ކަތިރިވިލް މަނިމަރަން އަދި 19 އަހަރުގެ ދަނޫޝްކާނދަން ގޯޕާލެވެ.
ކްރިމިނަލް ކޯޓުން އެ ދެމީހުންގެ ބަންދާ މެދު ގޮތެއް ނިންމަން ކޯޓަށް ހާޒިރު ކުރުމުން، އެ ކޯޓުން ވަނީ ބަންދަށް ހަދުވަސް ޖަހާފައި އެވެ. އެ ދެމީހުން ވަނީ ގާނޫނީ ވަކީލެއް ބޭނުންވާ ކަމަށް ކޯޓުގައި ބުނެފައެވެ.
ފުލުުހުން ބުނީ ގޮތުގައި އެ ދެމީހުންނާއި މެދު ޝައްކު އުފެދިގެން ކަސްޓަމުން ލަގެޖް ބަލައި ފާސްކުރުމުން، މަސްތުވާތަކެތި ކަމަށް ބެެލެވޭ ފުޅިތަކެއް ފެނިފައިވާ ކަމަށެވެ.
އޭގެ އިތުރުން އެ ފުޅިތަކުގައި ހުރި އެއްޗެހި ޓެސްޓު ކުރުމުން އެތަކެތި ވަނީ ހަޝިޝް އޮއިލްއަށް ޕޮޒިޓިވްވެފައި ކަމަށާއި، އެދެމީހުންގެ އަތުން އަތުލައިގަތް މަސްތުވާތަކެތީގެ ވަގުތީ ބަރުދަނަކީ 6.7 ކަމަށް ފުލުހުން ބުނެއެވެ.
