އީރާނުގެ މަސްރަހު މިހާރު ގޯސްވެފައިވަނީ އެގައުމުގެ ސަރުކާރުގެ އަމަލުތަކުގެ ސަބަބުން ކަމަށް ބުނެ، ޔޫކްރެއިނުގެ ފޮރިން މިނިސްޓްރީން އީރާނުގެ ސަރުކާރަށް ވަރަށް ބޮޑަށް ފާޑުކިޔައިފިއެވެ.
ޔޫކްރެއިންގެ ފޮރިން މިނިސްޓްރީން ނެރުނު ބަޔާނެއްގައި ބުނެފައިވަނީ، އީރާނުގައި މިހާރު ހިނގަމުންދާ ހަމަނުޖެހުންތަކަކީ އެގައުމުގެ ވެރިކަން ކުރާ ނިޒާމުގެ ތެރޭގައި އޮތް އަނިޔާވެރިކަމާއި، ގާނޫނީ ގޮތުން ފިޔަވަޅު ނޭޅި ސަލާމަތްވުމުގެ ސަގާފަތުގެ ނަތީޖާ ކަމަށެވެ. އަދި މި ހާލަތުގެ ޒިންމާ އީރާނުގެ ކަމާބެހޭ ފަރާތްތަކުން އުފުލަންޖެހޭނެ ކަމަށްވެސް އެ ބަޔާނުގައިވެއެވެ.
ޔޫކްރެއިނުން ބުނި ގޮތުގައި އެގައުމު އޮތީ އީރާނުގެ ރައްޔިތުންނާ އެކުގައެވެ. އަދި އީރާނުގެ ސަރުކާރު ބަދަލުކުރުމަށް ކުރަމުންދާ ގޮވާލުންތައް ޔޫކްރެއިނުން ވަނީ އަނެއްކާވެސް ތަކުރާރުކޮށްފައެވެ
މިހާރު ހިނގަމުންދާ ކަންތައްތަކުގެ އަސްލު ސަބަބަކީ އީރާނުގެ ރެޖީމުން ހިންގާ އަނިޔާވެރިކަމާއި، އިންސާފުން އެއްކިބާވެ ތިބެ ހިންގާ އަމަލުތަކެވެ. ވަކިން ހާއްސަކޮށް ފާއިތުވި މަސްތަކުގައި ސުލްހަވެރިކަމާއެކު މުޒާހަރާކުރި މީހުން މެރުމާއި، އެމީހުންނަށް ދެމުންދާ އަނިޔާވެރި ހަމަލާތައް ވަނީ އިންތިހާއަށް އިތުރުވެފައެވެ،" ޔޫކްރެއިންގެ ފޮރިން މިނިސްޓްރީގެ ބަޔާނުގައި ބުނެފައިވެއެވެ.
މީގެ އިތުރުން، އީރާނުގެ ސަރުކާރުން އަމިއްލަ ރައްޔިތުންނާ ދެކޮޅަށް ހިންގާ މިފަދަ ލާއިންސާނީ އަމަލުތަކުގެ ސަބަބުން ގައުމުގެ މަސްރަހު ނުތަނަވަސްވެ، ބައިނަލްއަގުވާމީ މައިދާނުގައި އީރާނު އެކަހެރިވަމުންދާކަންވެސް ޔޫކްރެއިނުން ފާހަގަކުރެއެވެ.
މި ބަޔާނަކީ އީރާނުގެ އެކި ސަރަހައްދުތަކުގައި ގޮވުންތަކުގެ އަޑު އިވި، މަސްރަހު ގޯސްވެފައިވާ ދަނޑިވަޅެއްގައި ނެރުނު ބަޔާނެކެވެ. ޔޫކްރެއިނުން ވަނީ އީރާނުގެ ރައްޔިތުންގެ ހައްގުތަކަށް އިހުތިރާމުކޮށް، އެގައުމުގެ ވެރިކަމުގެ ނިޒާމަށް ބަދަލު ގެނައުމަކީ މިހާރުން މިހާރަށް ކުރަންޖެހިފައިވާ ކަމެއްގެ ގޮތުގައި ސިފަކޮށްފަ އެވެ.
