ޔަމަނުގެ ހޫޡީ ސިފައިން އިސްރާއީލުގެ އީލާތަށް އަނެއްކާވެސް ޙަމަލާދީ 50 އަށް ވުރެ ގިނަ މީހުން ޒަޚަމް ކޮށްލައިފިއެވެ. އީލާތަކީ ކުރީގެ “އުންމު-އަލްރަޝްރަޝް”އެވެ. މިއީ އިސްރާއީލުގެ މައި ސިޓީ އެކެވެ.
ނުރަސްމީ ޚަބަރުތަކުން ބުނާ ގޮތުގައި ހޫޘީންގް ޑްރޯން ޙަމަލާ އަމާޒުވީ ރަޝްރަޝްގެ ޝޮޕިންގ މޯލެއްގެ ކައިރިއަށެވެ. މި ޙަމަލާގެ ސަބަބުން 5 މީހުންގެ ޙާލު ސީރިއަސް ކަމަށާއި 3 މީހުންނަަށް ވެންޓިލޭޓަރުގައި ފަރުވާ ދެމުންދާ ކަމަށް ވެއެވެ. އިސްރާއީލުގެ މެޑިކަލް ސާވިސަސް (އެމްޑީއޭ) އިން ކަށަވަރުކޮށްދިން ގޮތުގައި ޑްރޯން ތައް ހުއްޓުވަން މަސައްކަތް ކުރި ނަމަވެސް އެ ޑްރޯންތައް ވަނީ އަމާޒަށް ވާސިލްވެފައެވެ. 
ހޫޘީންގެ ޙަމަލާތައް މިހާރަކަށް އައިސް ކުރިޔަށް ވުރެ ވަރުގަދަ ކަމަށް ޚަބަރުތައް ބުނެއެވެ. ހުޅަނގުން ބުނަނީ ހޫޘީންނަށް ހަތިޔާރު ފޯރުކޮށްދެނީ އީރާނުންނެވެ. އީރާނަކީ މެދުއިރުމަތީގައި މިވަގުތު އޮތް އެންމެ ބާރު ގަދަ މުސްލިމު ޤައުމުކަން ފާހަގަކުރެވެއެވެ.
Advertisement
ހޫޘީންގެ ތަރުޖަމާނު ޔަހްޔާ ސާރީ ވަނީ ހޫޘީން އިސްރާއީލަށް ޑްރޯންގެ ޙަމަލާތަކެއް ކާމިޔާބުކަމާއި އެކު ފޮނުވައިލި ކަމަށް ބުނެފައެވެ. އޭނާ ވިދާޅުވީ ޙަމަލާތައް އަމާޒުކޮށްފައި ވަނީ ބޭނުންވި ގޮތަށް، ޕްލޭނާއި އެއްގޮތަށް އިސްރާއީލުގެ އީލާތު ސަރަޙައްދުތަކަށް އަމާޒުކޮށް ކަމަށާއި ދެޙަމަލާ ދިން ކަމަށެވެ.
ހައްދުފަހަނަ އެޅި ބޮޑުވަޒީރު ބެންޖަމިން ނަތަންޔާހޫ ވަނީ މީގެ ބަދަލު ވަރަށް ހަރުކަށިކޮށް ހިފާނެ ކަމަށް ބުނެ އިންޒާރު ދީފައެވެ.
ޔަމަނުގެ ހޫޘީން އިސްރާއީލަށް ޙަމަލާ ދެނީ ޣައްޒާގައި ޒައެނިސްޓުން ހިންގަމުން ގެންދާ ޤަތުލުޢާންމާއި ދެކޮޅަށް ކަން ފާހަގަ ކުރެވެއެވެ.
