ރަޝިޔާގެ ރައީސް ވްލަޑިމީރް ޕޫޓިން ޗައިނާއަށް ވަޑައިގެންފި އެވެ. މާދަމާ (31 އޮގަސްޓް)އިން ސެޕްޓެމްބަރު 3 އަށް ކުރިއަށްދާ ހަތަރު ދުވަހުގެ މި ދަތުރުފުޅުގައި ޕޫޓިން ޗައިނާގެ ރައީސް ޝީ ޖިންޕިންއާ ބައްދަލުކޮށް ދެ ޤައުމުގެ މަޝްވަރާތަކުގައި ބައިވެރިވާއިރު އެޖެންޑަގެ އެންމެ ކުރީގައޮި އޮންނާނީ ޔުކްރޭނު މައްސަލަ ކަމަށް ރަޝިއާގެ ނޫސް އެޖެންސީން ބުނެފިއެވެ.

ޓިއަންޖިންގައި ބާއްވާ ޝަންހާއީ ކޯޕަރޭޝަން އޮގަނައިޒޭޝަން (އެސްސީއޯ) ސަމިޓުގައި ޕޫޓިން ބައިވެރިވެވަޑައިގަންނަވާއިރު، ދެވަނަ ބޮޑު ހަނގުރާމަ ނިމުނުތާ 80 އަހަރު ފުރުމުގެ މުނާސަބަތުގައި ބެއިޖިންގައި ބާއްވާ ބޮޑު އަސްކަރީ ޕެރޭޑުގައި ވެސް އޭނާ ބައިވެރިވެވަޑައިގަންނަވައެވެ.

^{ޝީ ޖިންޕިން އާއި ވްލަޑިމީރް ޕޫޓިން މެއި މަހު މޮސްކޯގައި (ރަޝިޔާގެ ވިކްޓަރީ ޑޭގެ އަސްކަރީ ޕެރޭޑްގައި) / ޕޫޓިންގެ ޗައިނާ ބައްދަލުވުމުގެ އެޖެންޑާގެ އެންމެ ކުރީގައި އޮތީ ޔުކްރޭނު މައްސަލަ. ފޮޓޯ: ރޮއިޓާސް}

ޕޫޓިންގެ މި ދަތުރުފުޅަކީ ޔޫކްރޭންގައި ހިންގާ އަސްކަރީ ކެމްޕޭނާއި ގުޅިގެން ހުޅަނގުގެ ޕްރެޝަރު ބޮޑުވަމުންދާ ދަނޑިވަޅެކެވެ. ޕޫޓިން ގެންދަވަނީ އޭޝިއާގެ ޤައުމުތަކާއި ގުޅުން ވަރުގަދަ ކުރަމުންނެވެ.

ސަރަޙައްދީ ސަލާމަތާއި މެދުތެރޭ އޭޝިއާގައި ހަމަޖެހުން ދެމެހެއްޓުމުގެ އިތުރުން ވިޔަފާރިއާއި އަދި ޓެރަރިޒަމާއި ގުޅޭ ގޮތުން މަޝްވަރާތައް ކުރާއިރު މި ސަމިޓުގައި ރާއްޖެ ހިމެނޭހެން ވިއްސަށް ވުރެ ގިނަ ޤައުމުތަކުގެ ލީޑަރުން ބައިވެރިވެވަޑައިގަންނަވައެވެ.

ޓިއަންޖިންގައި ބާއްވާ އެސްސީއޯ ސަމިޓުގައި ބައިވެރިވާކަން ކަށަވަރުވެފައިވާ ޤައުމުތަކުގެ ލިސްޓް:

ބޮޑެތި ލީޑަރުން:

ޗައިނާ – ރައީސް ޝީ ޖިންޕިން

ރަޝިއާ – ރައީސް ވްލަޑިމިއާ ޕޫޓިން

އިންޑިއާ – ބޮޑުވަޒީރު ނަރެންދުރަ މޯދީ

ޕާކިސްތާން – ބޮޑުވަޒީރު އަންވަރުލްހަކް ކަކަރު

އީރާން – ރައީސް މަސޫދު ޕެޒެޝްކިއަން

ދިވެހިރާއްޖެ – ރައީސް ޑރ. މުޙައްމަދު މުޢިއްޒު

ނޭޕާލް – ބޮޑުވަޒީރު ކޭޕީ ޝަރްމާ އޮލީ

މެލޭޝިޔާ – ބޮޑުވަޒީރު އަންވަރު އިބްރާހިމް

ސެންޓްރަލް އޭޝިއާގެ އެސްސީއޯގެ މެމްބަރުން:

ކަޒަކިސްތާން – ރައީސް

ކިރްގިސްތާން – ރައީސް

ތަޖިކިސްތާން – ރައީސް

އުޒްބެކިސްތާން – ރައީސް

އެސްސީއޯގެ އެހެން މެމްބަރުން / އޮބްޒާވަރުން / ޑައިލޮގް ޕާޓްނަރުން:

ބެލަރޫސް – ރައީސް

ތުރުކިޔޭ – ރައީސް

މިޞްރު – ރައީސް

އިންޑޮނޭޝިއާ – ރައީސް

ވިއެޓްނާމް – ރައީސް

މިޔަންމާ – ރައީސް

ކިއުބާ – ރައީސް

ސާބިއާ – ރައީސް

ސްލޮވާކިއާ – ރައީސް