ޣައްޒާ ސިޓީގެ ބޮޑު ބައެއް ސުންނާފަތިކޮށްލުމަށްފަހު އިސްރާއީލުގެ ދިދަ ޖަހާފައި
50،000 ޓެރަރިސްޓު ޒައެނިސްޓުންނާއެކު ޣައްޒާ ހިފުމަށް އިސްރާއީލުން އެ ބިމަށް އަރައިފިއެވެ.
ހަމާސް މުޅީން ފޮހެލުމަށް ކަމަށް ބުނެ ޙައްޒާގެ މުޅި ކޮންޓްރޯލް ނެގުމަށް ބޮޑުވަޒީރު ނަތަންޔާހޫ ފޮނުވި މި ލަޝްކަރަކީ “ފޭސް1 ކަމަށް އޭނާ ވަނީ އިޢުލާން ކޮށްފައެވެ.
މި ލަޝްކަރު އަރައި ޙަމަލާތައް ފެށުމުގެ ކުރިން އިއްޔެ ވަނީ އިންޒާރުގެ ނޯޓުތަކެއް ވެސް ޣައްޒާ އަށް ޑްރޯންތައް ބޭނުންކޮށްގެން އަޅާފައެވެ.
ނަތަންޔާހޫ ބުނީ ޙަމާސްގެ އެންމެންނަކީ ވެސް ޓެރަރިސްޓުން ކަމަށާއި އެ މީހުން ތިބީ ޢާންމުން ދިރިއުޅޭ ގެތަކުގައި ފިލައިގެން ކަމަށް ބެލެވޭތީވެ، އެ ތަންތަނަށް ޙަމަލާ ދޭނެ ކަމަށެވެ.
އިސްރާއީލު ސިފައިން ފެށި ފޭސް1 ގައި ރޭ ދިން ޙަމަލާ ތަކުގައި މަދުވެގެން 25 މީހުން ޝަހީދުވި ކަމަށް ޣައްޒާގެ މަސްދަރުތަކުން ބުނެއެވެ. އިސްރާއީލުން ރޭ ޙަމަލާ ދިނީ އެއްގަމާއި ވައިގެ މަގުންނެވެ. އެގޮތުން ޣައްޒާ ސިޓީގެ ބައެއް ހިސާބުތައް އެކީ އެކަށް ޙިޞާރުކޮށް އަދި އަވަށްޓެރި ޖަބަލިއާ ހިމެނޭ ގޮތަށް ހަމަލާތައް ދީފައިވެއެވެ.
އިސްރާއީލުން ބުނީ ރޭ ޙަމަލާ ދިނީ ޙަމާސްގެ އޮޕަރޭޝަނަލް ސައިޓްތަކެއްގެ ގޮތުގައި ބޭނުންކުރި އިމާރާތްތަކަށެވެ.
ނަތަންޔާހޫ ބުނީ އިސްރާއީލުން "ހަމާސް ނައްތާލެވެންދެން ފިޔަވަޅަކުން ފިޔަވަޅަކަށް ޙަމަލާތައް ކުރިއަށް ގެންދާނެ" ކަމަށެވެ.
