މިދިޔަ އަހަރުގެ މަތީ ސާނަވީ އިމްތިޙާން ނިންމި ދަރިވަތުންގެ ތެރެއިން އެންމެ ރަނގަޅު ނަތީޖާ ހޯދި ދަރިވަރުންނަށް އެދަރިވަރަކު ބޭނުން ކޮންމެ ދާއިރާއަކުން ކިޔެވުމަށް ރައީސުލްޖުމްހޫރިއްޔާގެ ޚާއްޞަ ސްކޮލަޝިޕަށް ކުރިމަތިލުމުގެ ފުރުސަތު ރަސްމީކޮށް ހުޅުވާލައިފިއެވެ.

ބޭނުން ކޮންމެ ޤައުމަކުން ކިޔެވުމަށް މި ފުރުސަތު ލިބެނީ ދިވެހި އަދި އިސްލާމް ހިމެނޭ ގޮތަށް މަދުވެގެން ފަސް މާއްދާއިން އޭ ސްޓާ ގްރޭޑް ހޯދައި، އޯލެވެލް އަދި އެއަށްވުރެ މަތީ އިމްތިޙާނަކުން އިނގިރޭސި ބަހުން ދަށްވެގެން “ސީ” ފާސް ހޯދާފައިވާ ފަރިވަރުންނަށެވެ.

^{އޯ ލެވެލްގ ގަދަ 10 ގައި ހިމެނުނު ދަރިވަރުންތަކެއް ރައީސް ޑރ. މުޙައްމަދު މުޢިއްޒު އާއި އެޑިޔުކޭޝަން މިނިސްޓަރު ޑރ. އިސްމާއިލް ޝަފީއުއާއެކު.}

ހައި އެޗީވާސް ސްކޮލަޝިޕާއި ރައީސްގެ ޚާއްޞަ ސްކޮލަރޝިޕަށް ކުރިމަތިލުމަށް އަންނަ ސެޕްޓެމްބަރ މަހުގެ 30 ވަނަ ދުވަހާއި ހަމަޔަށް އޮތީ މައިއެޑޫ ޕޯޓަލް (myedu.egov.mv) މެދުވެރިކޮށް ފޯމު ހުށަހެޅޭނޭ ގޮަަތަށް ފުރުޞަތު ހުޅުވާލާފައެވެ.

ރައީސުލްޖުމްހޫރިއްޔާ ދެއްވާ ސްކޮލަޝިޕްގައި ދުނިޔޭގެ ކޮންމެ ޔުނިވަރސިޓީއެއްގައި ފުރަތަމަ ޑިގްރީ އާއި ހަމަޔަށް ކިޔެވުމުގެ ފުރުޞަތު އޮތްއިރު ސަރުކާރުން ޓިއުޝަން، ލިވިންގ، ދަތުރު ހަރަދު، އަދި ކުރަންޖެހޭ އިންޝުއަރެންސް ވެސް ކަވަރު ކުރާނެއެވެ.

2024 ވަނަ އަހަރުގެ އެވޯޑް ހަފްލާގައި 11 ޕްރެޒިޑެންޝަލް ސްކޮލަރސް އަދި 87 ހައި އެޗީވަރސް ހިމެނެއެވެ. މިހާރު ހުޅުވާލަފައި އެވަނީ އެ ކުދިން ބޭނުންވާ ދާއިރާތަކުން ކިޔަވަން ކުރިމަތިލާށެވެ.

މިފަދަ ފުރުޞަތުތަކުގައި ތަޢުލީމު ޙާޞިލްކުރުމަށް އޮސްޓްރޭލިއާގައި މެޑިސިން، ސިންގަޕޫރުގައި އާޓިފިޝަލް އިންޓެލިޖެންސް އިންޖިނިއަރިން، އަދި އަލް އަޒްހަރުގައި އިސްލާމީ ފިޤުހު ކިޔަވަން ދިވެހި ބައެއް ދަރިވަރުން ވަނީ ފުރުޞަތު ހޯދާފައިކަން ފާހަގަ ކުރެވެއެވެ.