ޣައްޒާގައި ޝަހީދުވި މީހުންގެ ޢަދަދު 100،000 އަށް ވުރެ މަތިވެއްޖެ ކަމަށް ރިޕޯޓުތައް ބުނެފިއެވެ. އިންސާނީ އެހީދޭ ފަރާތްތަކާއި އަދި އިތުރު ފަރާތްތަކުން ލިބުނު މަޢުލޫމާތުތައް އެއްކޮށް، ދަ ލަންސެޓް އިން ޝާއިޢުކޮށްފައިވާ ދިރާސާ އަކުން ދައްކާ ގޮތުގައި 7 އޮކްޓޯބަރު 2023 އިން ފެށިގެން ޔަހޫދީ ދައުލަތުން ވަނީ ފަލަސްޠީނު މުސްލިމުންނާއި ދެކޮޅަށް 3,2222 ޤަތުލުޢާންމު ހިންގާފައިވާ ކަމަށެވެ.
ޣައްޒާގެ ނަސްލު ނައްތާލުމަށް ކުރަމުންދާ ހަނގުރާމައިގައި މިހާތަނަށް ގާތްގަނޑަކަށް 2 މިލިއަން މީހުން ދަނީ ގެދޮރު ގެއްލި، ބަނޑުހައިހޫނުކަމާއި ކުރިމަތިލަމުންނެވެ.
މި އަހަރުގެ ޖެނުއަރީގައި ދަ ލަންސެޓް އިން ނެރުނު މިދެންނެވި ރިޕޯޓުގައި ވަނީ އޮކްޓޯބަރު 2023 އިން ޖޫން 30، 2024 އާއި ދެމެދު، ޣައްޒާގައި ގާތްގަނޑަކަށް 64،260 މީހުން ޝަހީދުކޮށްލާފައިވާ ކަމަށެވެ. އޭގެތެރެއިން 59.1 އިންސައްތަ އަކީ އަންހެނުންނާއި ކުޑަކުދިންނާއި އުމުރުން ދުވަސްވީ މީހުންނެވެ.
64،260 ގެ އަންދާޒާ ބޭނުންކޮށްގެން، ހެދި ހިސާބުތަކުން މިހާތަނަށް ގާތްގަނޑަކަށް އިތުރު 38،000 އަންހެނުންނާއި ކުޑަކުދިން ޝަހީދުވެފައި ވެއެވެ.
