ސިންގަޕޫރުގައި ދިރިއުޅޭ ދިވެހިންނާއި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ރޭ ބައްދަލުކުރައްވައިފި އެވެ.
ރައީސް އޮފީހުން ބުނީ ރައީސް ޑރ. މުޢިއްޒާއި އެމަނިކުފާނުގެ އަނބިކަނބަލުން ފަސްޓް ލޭޑީ ސާޖިދާ މުހައްމަދު، ސިންގަޕޫރުގައި ދިރިއުޅޭ ދިވެހި ރައްޔިތުންނާ ރޭ ބައްދަލުކުރައްވާފައިވާ ކަމަށެވެ.
ރައީސްގެ ދެކަނބަލުން މިހާރު ސިންގަޕޫރަށް ކުރައްވަމުން ގެންދަވާ ފުރަމާނަ ދަތުރުފުޅުގެ ތެރެއިން ބޭއްވެވި އެ ބައްދަލުކުރެއްވުމުގައި ރައީސުލްޖުމްހޫރިއްޔާ ވަނީ ދިވެހީންނާއެކު ވަގުތުކޮޅެއް ހޭދަކުރައްވައި، އެމީހުންގެ ހާލުއަހުވާލު ބައްލަވައިލައްވައި، އެމީހުންގެ ކަންބޮޑުވުންތައް އަޑުއައްސަވައިފައި ކަމަށް ރައީސް އޮފީހުން ބުންޏެވެ.
Advertisement
އެ ބައްދަލުކުރެއްވުމުގެ ބައިވެރީންނަށް ރައީސްގެ ދެކަނބަލުން ފަރީއްކޮޅެއް ވެސް ދެއްވި ކަމަށް ރައީސް އޮފީހުން ބުންޏެވެ.
ރައީސްގެ ދެކަނބަލުން މިހާރު ސިންގަޕޫރަށް ކުރައްވަމުން ގެންދަވާ ފުރަމާނަ ދަތުރުފުޅަކީ އެ ގައުމުގެ ރައީސް ދެއްވި ދައުވަތަކަށް ކުރައްވާ ދަތުރުފުޅެކެވެ.
