މުހިންމު ތިން ދާއިރާއަކުން ސިންގަޕޫރާއެކު ދިވެހި ސަރުކާރުން އެއްބަސްވުންތަކެއްގައި މިއަދު ސޮއިކޮށްފި އެވެ.

އެެ އެއްބަސްވުންތަކުގައި ސޮއިކޮށްފައި ވަނީ ސިންގަޕޫރްގެ ރައީސްގެ ދައުވަތަކަށް ރައީސް ޑރ. މުހައްމަދު މުއިއްޒު އެ ގައުމަށް މިހާރު ކުރައްވަމުން ގެންދަވާ ރަސްމީ ދަތުރުފުޅުގަ އެވެ.

އެ އެއްބަސްވުންތަކުގައި ސޮއިކުރުމަށް ސިންގަޕޫރުގެ ފޮރިން މިނިސްޓްރީގައި ބޭއްވި ރަސްމިއްޔާތުގައި ރައީސް ޑރ. މުއިއްޒާއި ސިންގަޕޫރުގެ ބޮޑުވަޒީރު ލޯރެންސް ވޮންގް ބައިވެރިވެވަޑައިގެންނެވި އެވެ.

ރާއްޖެ އާއި ސިންގަޕޫރްއާ ދެމެދުގައި އެއްބަސްވުންތައް އެކުލަވާލާފައިވާ މުހިންމު ދާއިރާތަކުގެ ތެރޭގައި ހިމެނެނީ ގާބިލުކަން އިތުރުކުރުމާއި ތައުލީމީ ދާއިރާ އަދި ތިމާވެށީގެ ދާއިރާ އެވެ.

ގާބިލްކަން އިތުރުކުރުމުގެ ދާއިރާއިން އެކުލަވާލި އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ ފޮރިން މިނިސްޓަރު ޑރ. އަބްދުﷲ ހަލީލެވެ. އަދި ސިންގަޕޫރު ސަރުކާރުގެ ފަރާތުން ސޮއިކުރެއްވީ އެ ގައުމުގެ ފޮރިން މިނިސްޓަރު ޑރ. ވިވިއަން ބަލަކްރިޝްނަން އެވެ.

ތިމާވެށީގެ ދާއިރާއިން ގުޅުންބަދަހިކުރުމުގެ އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ ތިމާވެއްޓާ ބެހޭ މިނިސްޓަރު ތޯރިގް އިބްރާހީމެވެ. ސިންގަޕޫރުގެ ސަރުކާރުގެ ފަރާތުން ސޮއިކުރެއްވީ އެ ގައުމުގެ ތިމާވެއްޓާ ބެހޭ މިނިސްޓަރު ގްރޭސް ފު އެވެ.

މަތީ ތައުލީމްގެ ފުރުސަތުތައް ފަހިކޮށްދިނުމުގެ އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ ހަޔަ އެޑިއުކޭޝަން މިނިސްޓަރު ޑރ. އަލީ ހައިދަރު އަހުމަދެވެ.