ކާށިދޫ ކަނޑުތެރެއަށް ސިވެކް ކުންފުނީގެ ލޭންޑިން ކްރާފްޓެއް ބަންޑުން ޖަހާލައި އެ ހާދިސާގައި ދިވެހި ފިރިހެނަކު ނިޔާވެއްޖެއެވެ.

ޅ. އަތޮޅު ހޮސްޕިޓަލުން ވިދާޅުވީ، މި ހާދިސާގައި އިތުރު ފަރުވާއަށް އެ ހޮސްޕިޓަލަށް ގެންދިޔަ ދިވެއްސަކު ނިޔާވެފައިވާ ކަމަށެވެ.

ހޮސްޕިޓަލަށް ގެނެވުނު މީހުންގެ ތެރެއިން ޖުމްލަ ފަސް މީހަކަށް ފަރުވާ ދެމުން އަންނަ ކަމަށް ވެއެވެ. މި ފަސް މީހުންގެ ތެރޭގައި ތިން ދިވެހިންނާއި ދެ ބިދޭސީން ހިމެނެއެވެ. ނިޔާވި މީހާ ހިމެނޭ ގޮތަށް ގެނެވުނު މީހުންގެ ތެރެއިން މިހާރު ހަތަރު މީހަކަށް ދަނީ ފަރުވާ ދެމުންނެވެ.

މި ހާދިސާގައި ގެއްލުނު މީހުން ހޯދުމުގެ މަސައްކަތް އެމްއެންޑީއެފްއިން މިހާރުވެސް ކުރަމުންދާ ކަމަށް މައުލޫމާތު ލިބެއެވެ. ނަމަވެސް، ލޭންޑިން ކްރާފްޓު ބަންޑުން ޖަހާލި ވަގުތު އޭގައި ތިބީ ކިތައް މީހުންކަން އަދި ސާފެއް ނުވެއެވެ.