އައްޝައިޚް އިބްރާހިމް ފަރީދު އަޙްމަދު (رحمه الله) (ޝައިޚް ފަރީދު) ގެ ނަމުގައި ބަންގްލަދޭޝްގައި އިމާރާތް ކުރެވޭ މިސްކިތުގެ ބިންގާ އެޅުމަށް އެ މިސްކިތް ބިނާކުރުމަށް އިސްނެގި ޚިދުމަތް ޖަމްޢިޔާގެ ޓީމް ބަންގްލަދޭޝަށް ފުރައިފިއެވެ.
ޚިދުމަތް ޖަމްޢިއްޔާއިން ބުނީ އެ މިސްކިތުގެ ބިންގާ އަޅައިދިނުމުގައި އިސްކޮށް އުޅޭނީ ފަރީދުގެ ދަރީންނެވެ.
ޝައިޚް ފަރީދު އަވަހާރަވީ ޙަލާލް ޓޫރިޒަމް ރާއްޖޭގައި ޕްރޮމޯޓް ކުރުމަށްޓަކައި މެލޭޝިއާއަށް ކުރެއްވި ދަތުރުފުޅެއްގައި މިމަހުގެ 9 ވަނަ ދުވަހު ފުލައިޓުން ކުއަލަލަމްޕޫރު އެއާޕޯޓަށް ފޭބިތަނާ ކުއްލިޔަކަށް ހިތްހުއްޓިގެންނެވެ.
ޚިދުމަތް ޖަމްޢިއްޔާއިން ބުނީ ބަންގްލަދޭޝްގައި ފަރީދުގެ ނަމުގައި މިސްކިތެއް ބިނާކުރުމަށް ހުޅުވައިލި ފުރުޞަތުގައި މި މިސްކިތަށް އެހީތެރިވެދެއްވި ދިވެހި ލޮބުވެތި އެންމެހާ ރައްޔިތުންނަށް ޝުކުރު ދަންނަވާ ކަމަށެވެ.
